Morgunblaðið - Sunnudagur - 27.10.2013, Page 16

*Ferðalög og flakkFélag íslenskra fjallalækna FÍFL lifir góðu lífi og andar reglulega að sér fersku fjallalofti »18
Haustið er skemmtilegasti árstíminn í New York. Veðrið minnir á íslenskt sumar,
trén í Central Park skipta litum og um leið fer að lifna yfir leikhúsunum. Hér
starfa ég hjá The Araca Group, sem framleiðir bæði leikrit og söngleiki á Broad-
way. Um þetta leyti árs byrjum við að spá og spekúlera í þeim sýningum sem
stendur til að frumsýna á nýju leikári, hvaða stykki eru líkleg til vinsælda og
hverjir munu keppa um Tony-verðlaunin í vor. Í ár höfum við veðjað á Betrayal
eftir Harold Pinter með Daniel Craig og Rachel Weisz í aðalhlutverkum. Það
verður frumsýnt um helgina og ég er spennt að sjá hvernig til tekst. Þar að auki
hlakka ég til að halda upp á tíu ára afmæli söngleiksins Wicked á hátíðarsýningu
hinn 30. október. Þá munu listrænir stjórnendur, leikarar, framleiðendur og aðrir
aðstandendur sýningarinnar koma saman og ég er viss um að stemningin í salum
verður mögnuð þegar græna nornin fer á flug.
Kveðja, Elín Sigríður Eggertsdóttir.
Það er ekki síður fallegt í Central Park á haustin. Wicked verður 10 ára um helgina.
Haust á Broadway
PÓSTKORT F
RÁ NEW YO
RK
„Það er eiginlega menningin, þ.e. fólkið, hvernig það
býr, maturinn og ekki síst sagan þarna sem er svo
merkileg,“ segir Lilja spurð að því hvað hafi upphaflega
heillað hana við Möltu. Brúðkaupsferðin þeirra Ragnars
var ekki fyrsta ferð þeirra hjóna til eyjunnar en fyrir
nokkrum árum vann Ragnar þar um tíma. Hann hafði
síðan kynnt Lilju fyrir eyjunni í styttri ferð og skipti
engum togum að hún heillaðist af staðnum. Þegar kom
að því að velja áfangastað fyrir brúðkaupsferð síðastliðið
sumar, ákváðu þau að skella sér aftur til eyjarinnar.
Lítil eyja og þéttbýl
Að sögn Lilju hentar Malta sérlega vel til ferðalaga á
heitari slóðir á þessum tíma árs, þ.e. um hásumar. Þótt
hitinn haldist í kringum 30 gráður flesta daga er alltaf
svolítil hafgola, sem kemur í veg fyrir að hitinn verði
óbærilegur. Þau Ragnar flugu í gegnum Lundúnir en
þaðan er tæplega þriggja klukkustunda flug til eyj-
arinnar. „Þetta er samt ekki svo mikið ferðalag og alveg
þess virði, enda eyjan lítil og maður tiltölulega fljótt
kominn upp á hótel af flugvellinum,“ segir hún. Má með
sanni segja að Malta sé lítil en eyjan er aðeins 316 km2.
Tekur einungis einn dag að ganga yfir hana þvera á
langveginn sem er 27 km, og enn styttri tíma að fara 14
kílómetrana á þverveginn. Þar búa hins vegar ríflega
400 þúsund manns, auk þess sem ferðamenn eru um ein
og hálf milljón ár hvert. „Þú finnur samt ekki fyrir
troðningi, eins merkilegt og það nú er, hvorki í umferð-
inni, á ferðamannastöðum eða annars staðar,“ segir
Lilja. Þess má hins vegar geta að umferð heimamanna
getur oft verið æði skrautleg en Möltubúar eru m.a.
þekktir fyrir „heimagerðar“ umferðarreglur sínar. Er
gott að hafa þetta í huga, standi til að leigja sér far-
artæki. Þá er líka vinstri umferð þarna líkt og í Bret-
landi.
Siglt, snorklað og snætt
Fjölmargt er að sjá og gera á Möltu. Að sögn Lilju
leigðu þau Ragnar sér t.d. vespu og óku um alla eyjuna.
Tekur um 1,5 klukkustundir að aka hringinn í kringum
hana. Gaman er að staldra við, ýmist við strendur eða
fornminjar, til að snorkla eða jafnvel synda með höfr-
ungum. Þá er líka skemmtigarðinn Popeye Village, til
heiðurs Stjána Bláa, þar að finna. Lilja segir líka al-
gengt að fólki fari í siglingar til nærliggjandi eyja eða
leigi sér jafnvel bát, ýmist með skipstjóra eða ekki, í
mislanga túra. Þetta gerðu hjónin og var m.a. siglt
meðfram fögrum ströndum og inn í afviknar víkur, þar
sem synt var í land og borðað á grófum en frábærum
veitingastað. „Maturinn á Möltu er algjört lostæti og
hreint ekki dýr miðað við gæði og verð víða annars
staðar,“ segir hún. Matarhefð heimamanna einkennist
m.a. af sjávarfangi og öðrum réttum í anda Miðjarð-
arhafsins.
Fjölmörg góð hótel og veitingastaði er að finna á
Möltu og eins nærliggjandi eyjum. Gaman er líka að
rölta um fornar slóðir, ekki síst gamla bæinn í höfuð-
staðnum Valletta, þar sem er eins og maður hafi farið
aftur í tímann. Þar má sjá virki og rústir frá tímum
krossfara og gamlar göngugötur, enn iðandi af lífi.
Gömul sandsteinshús, sem enn er búið í, prýða þar göt-
urnar. Þrátt fyrir hrörlegt ytra byrðið er þar oftar en
ekki glæsihýsi að finna fyrir innan.
„Fólkið þarna er yndislegt, allir svo hjálpsamir og
yfirhöfuð liðlegir. Maður upplifir sig mjög öruggan og
bara svo velkominn,“ segir Lilja. Þess má geta að enska
er annað tveggja opinberra tungumála á eyjunni. Bætir
Lilja að endingu við að þau hjónin gætu vel hugsað sér
að snúa aftur til Möltu með börn sín einn daginn enda
eyjan kjörinn áfangastaður fyrir fjölskyldur, rétt eins
og brúðhjón.
BRÚÐKAUPSFERÐ Í MIÐJARÐARHAFINU
Einstök menning
og matur á Möltu
MIÐJARÐARHAFIÐ HEILLAR MARGA OG HAFA ÓFÁIR ÍSLENDINGAR FERÐAST TIL LANDA
Á BORÐ VIÐ ÍTALÍU, SPÁN OG GRIKKLAND. FÆRRI HAFA HINS VEGAR LAGT LEIÐ SÍNA
TIL EYJUNNAR MÖLTU EN ÞAR ER EINNIG FJÖLMARGT AÐ SJÁ OG GERA. HJÓNIN LILJA
BJÖRK OG RAGNAR FÓRU ÞANGAÐ Í BRÚÐKAUPSFERÐ SÍÐASTLIÐIÐ SUMAR.
Gunnhildur Ásta Guðmundsdóttir gunnhildur@mbl.is
Horft yfir sundlaugargarðinn á hótelinu sem hjónin dvöldust á í bænum St. Juli-
ans. Þaðan sést víða til nærliggjandi svæða.
Við höfnina í Valletta. Óvíða er
byggð jafn þétt og á Möltu.
Á Zest Restaurant, einum af uppáhalds-
veitingastöðum Lilju og Ragnars á Möltu.
Af virkisveggnum í Valletta. Saga Möltu nær allt aftur til 5.200 fyrir Krist. Lega
eyjunnar hefur bæði skapað henni tækifæri og gert að skotmarki í gegnum árin.