Morgunblaðið - Sunnudagur - 27.10.2013, Blaðsíða 30

30 MORGUNBLAÐIÐ SUNNUDAGUR 27.10. 2013
H
ér er svo frjálst og friðsælt, lítið um ofbeldi og fjölskyldan
sterk,“ sagði Nino, eins og hann er betur þekktur, þegar
blaðamaður sótti hann heim á veitingastaðinn Piccolo
Italia á dögunum. Að hans sögn voru það ekki síður litlu
hlutirnir hér, auk friðsældarinnar, sem heilluðu hann við landið. Til
dæmis bara það hvernig gert er ráð fyrir að smáfólkið þurfi að geta
leikið sér og því sérstök leikhorn víða á veitingastöðum. „Ísland er
ein stór fjölskylda,“ sagði hann léttur í bragði. Bætti hann kankvís
við að hann vonaðist til að landið héldi sig utan við ESB sem lengst –
enda allt of mikið ofbeldi þar, eiturlyf og eigingirni sem viðgengist.
35 ár í Þýskalandi og svo Ísland
Nino kemur upprunalega frá eyjunni Sardiníu. Um 35 ára skeið bjó
hann og starfaði í Þýskalandi, alltaf í veitingageiranum. Rak hann
þar m.a. veitingastað og kryddpylsugerð, svokallaða „salumeriu“,
ásamt þáverandi eiginkonu sinni.
Eftir hótelvertíðina hér, þar sem hann starfaði á Húsavík, vann
hann á nokkrum stöðum í Reykjavík, m.a. Uno. Alltaf blundaði hins
vegar í honum að opna eigin veitingastað, þar sem klassísk ítölsk
matreiðsla væri í hávegum höfð, úr alvöru ítölsku hráefni.
Eftir vinnuslys fyrir tveimur árum, þar sem hann féll illa sem
kostaði hann m.a. annað augað, ákvað hann loks að láta slag standa. Í
október í fyrra, þegar hann hafði jafnað sig nægilega til að geta hafið
störf að nýju, réðst hann í opnun Piccolo Italia við ofanverðan Lauga-
veginn. Viðskiptavinir tóku staðnum strax vel að hans sögn og hann
flutti á dögunum í hentugra húsnæði við Frakkastíg 12.
Ítalskur matur úr ítölsku hráefni
„Ítölsk matreiðsla er í eðli sínu einföld og ekki tilgerðarleg, hráefnið
skiptir þar lykilmáli,“ segir Nino. Á veitingastaðnum lagar hann
ýmsa klassíska rétti frá heimalandinu, allt eftir kúnstarinnar reglum.
Í hádeginu býður hann upp á hlaðborð ferskra rétta, þ.s. finna má
kjöt- og fiskrétti í bland við pasta, tiramisu o.fl. Á kvöldin er hins
vegar afgreitt af matseðli auk þess sem margir nýta sér að taka rétti
með sér heim. Einnig er hægt að kaupa hjá Nino ótal tegundir
ítalsks góðgætis, sumt sem hann saknaði sjálfur hér á landi og flutti
því inn. Má þar nefna osta á borð við alvöru-mozzarellu úr vís-
undamjólk (mozzarella di bufala), provolone, mismunandi tegundir af
gorgonzola og ricotta, ólífur, olíu, pasta, hreina safa og fleira.
Nino stefnir líka á að flytja inn ítölsk vín, ekki síst frá Sardiníu, en
vínveitingaleyfið er fyrir hendi. Hann gerir líka ferskar pylsur og
notar þar íslenskt kjöt, ekki síst svín og lamb sem hann segir hvergi
betra en hér á landi.
Nino kann afar vel við sig hér á landi og segir Íslendinga hafa tek-
ið sér vel. Sér hann ekki fyrir sér að yfirgefa landið í bráð en hér á
hann líka son og dóttur sem hann segir heppin að fá að alast hérna
upp.
„Það er auðvelt að verða ástfanginn af landinu hér,“ segir hann
brosandi að endingu.
Nino kann afar vel við sig á Íslandi. Á veitingastaðnum leggur hann
áherslu á að bjóða upp á ítalskan mat og vörur, sem hann sjálfur notar.
Morgunblaðið/Ómar
ALVÖRU ÍTALSKT ELDHÚS Á FRAKKASTÍG
Ísland fyrirheitna landið
FYRIR SJÖ ÁRUM RÉÐ HINN ÍTALSKI ANTONINO NERI
SIG HINGAÐ TIL LANDS SEM YFIRKOKKUR Á HÓTELI
NORÐUR Í LANDI SUMARLANGT. EYJAN FRIÐSÆLA, Í
ATLANTSHAFINU MIÐJU, HEILLAÐI HANN HINS VEG-
AR SVO AÐ HANN ÍLENGDIST. REKUR HANN HÉR
VEITINGASTAÐ Í DAG EN Í HANS HUGA ER ÍSLAND
„FYRIRHEITNA LANDIГ EÐA „TERRA PROMESSA“.
Gunnhildur Ásta Guðmundsdóttir gunnhildur@mbl.is
Fyrir 6-8
PASTADEIG –
200 g durum-hveiti
1 egg
salt af hnífsoddi
Hnoðið hráefnin vel saman, ásamt svo-
litlu vatni. Þegar deigið er orðið þétt og
slétt búið þá til kúlu úr því, pakkið inn í
filmu og látið taka sig í lágmark tvær
klukkustundir í ísskáp.
Á meðan deigið tekur sig skal útbúa
fyllinguna.
SPÍNAT- OG RICOTTAFYLLING
300 g ricotta
150 g spínat (má auðvitað nota
frosið – þíðið samt á undan og
kreistið aðeins vatnið úr)
1 egg
salt af hnífsoddi
örlítið af hvítum pipar
50 g rifinn pecorino-ostur
Blandið öllum hráefnum saman svo úr
verði þykk blanda. Prófið á teskeið hvort
blandan lekur auðveldlega af henni, en þá
er fyllingin of mjúk. Hrærið þá smávegis
hveiti saman við og prófið aftur. Blandan
er af réttri þykkt þegar hún helst á skeið-
inni.
Nú má ná í deigið í ísskápinn. Skerið
það með hníf í u.þ.b. 3 cm búta. Fletjið
hvern og einn bút út með kökukefli (eða í
pastavél ef þið eigið) í vel þunnan deig-
renning. Passið bara að vera alltaf með
durum-hveitið undir, svo festist ekki við
undirlagið. Setjið næst skeið af fyllingu á
deigrenninginn miðjan, með 2-3 cm milli-
bili. Þegar þú ert kominn út á enda skal
leggja annan deigrenning yfir þann með
fyllingunni. Notið lófann næst til að
mynda eins konar skel utan um fylling-
arnar. Þrýstið varlega að fyllingunni, svo
deigið liggi þétt að henni. Þegar búið er
að gera þetta við alla púðana skal skera
um 1-2 cm hring í kringum fyllinguna
(eða þvert á milli púðanna). Ekki er síðra
ef hægt er að nota kleinujárn til þess.
Hitið næst vatn, með salti, að suðu.
Þegar það sýður skal setja ravioli-ið ofan
í. Lækkið aðeins hitann og látið sjóða í
6-7 mínútur. Veiðið þá upp úr.
Ravioli má síðan borða með ýmist
ferskri tómatsósu eða eingöngu smjöri
og salvíu. Í hvoru tilfellinu sem er skal rífa
vel af parmesan- eða pecorino-osti yfir.
Buon appetito!
RAVIOLI SARDINÍUMANNSINS
– MEÐ RICOTTA OG SPÍNATI
Matur og drykkir