Morgunblaðið - Sunnudagur - 27.10.2013, Síða 34

Klassískar myndir,
úreltar tölvur
JURASSIC PARK (1993)
Karakterinn Dennis Nedry stýrði Júra-
garðinum í gegnum tölvur. Hann var
ekki rétti maðurinn til þess því hann
notaði mjög frumstæð forrit og var
fégráðugur. Sveik garðinn fyrir peninga
en kannski sem betur fer fékk hann
makleg málagjöld. John Hammond, sem
átti garðinn, hefði átt að átta sig á að
með risaeðlur þarf betra en góð forrit.
Þá þarf frábær forrit. Atriðið þegar eftirlifendur reyna að
komast inn í tölvur Dennis og upp kemur mynd af honum er
löngu orðið klassík. Einnig má benda á að hin unga Lex
Murphy hafði lært á stýrikerfið í skólanum sínum og kemur
rafmagni aftur á garðinn undir lokin og bjargar þannig fólkinu.
ZOOLANDER (2001)
„Upplýsingarnar eru inni í tölvunni,“ er
setning sem gleymist seint. Vitleysingarnir
Derek og Hansel í myndinni Zoolander
gátu lítið gert rétt og þegar þeir finna
appelsínugulu Mac-tölvuna vita þeir ekki
sitt rjúkandi ráð. Upplýsingarnar voru
vissulega inni í tölvunni en í staðinn fyrir
að kveikja á tölvunni henda þeir henni
niður og eyðileggja. Hvernig væru þeir fé-
lagar með allri tækninni sem er í dag?
INDEPENDENCE DAY (1996)
Ein allra skemmtilegasta mynd síðari ára
sem eldist ekki neitt – nema auðvitað
tæknin. Jebb Goldblum finnur út merki
geimvera, setur það í gamla tölvu og finn-
ur út hvenær árásin byrjar á mannkynið.
Undir lokin fljúga þeir Goldblum og Will
Smith svo 50 ára gömlu geimskipi til
móðurskipsins og dæla vírus í tölvukerfi
þeirra. En myndin er góð – eiginlega stór-
kostleg.
WALL STREET (1987)
Charlie Sheen leikur í þessari mynd
sem ungur maður með hárið allt í
koppafeiti að tala í tæki sem kallast
snúrusími um leið og hann pikkar inn
tölur, grænar að lit. Eitthvað er starf
Wall Street-mannsins orðið auðveldara
í dag með allri tækninni. Frábær mynd
með úrelta tækni.
THE NET (1995)
Sandra Bullock birtist sem tölvugrall-
arinn Angela Bennet í spennumyndinni
The Net, sem eins og nafnið gefur til
kynna gerist á frumstigum internetsins.
Sandra fer í sólbað snemma í myndinni
og getur ekki beðið eftir því að kom-
ast í samband við umheiminn. Pantar
pitsu frá pizza.net og notar Cyber
Chat sem var forveri MSN og Face-
book-spjallsins. En lífið breytist hjá
Angelu þegar tölvuhakkarar þurrka hana úr „kerfinu“ því hún
hafði tekið afrit af áætlunum þeirra. Myndin er nokkuð góð og
frábær söguheimild til að skoða hvernig tölvurnar, grafíkin og
internetið var fyrir hartnær 20 árum.
HACKERS (1995)
Það verður að minnast á þessa frábæru
mynd. Barátta karakteranna Crash Over-
ride og Acid Burn er mjög fyndin í dag
þegar grafíkin og stafirnir sem þeir nota
sjást. Angelina Jolie leikur í myndinni
sem hefur ákveðið költyfirbragð yfir sér
enda stórskemmtileg.
SWORDFISH (2001)
Hugh Jackman leikur í þessari stórmynd
og í einu atriði þarf hann að brjótast inn
í tölvukerfi varnarmálaráðuneytisins á að-
eins 60 sekúndum með gamalli Dell-tölvu
með byssu beint að höfðinu. Þegar það
tekst opnast síðan og allar upplýsingar
blasa við – en ekki hvað. Mögnuð mynd
sem eldist vel.
EFTIRMINNILEGAR TÖLVUSENUR
RÚV SÝNDI JÚRAGARÐINN UM SÍÐUSTU HELGI ÞAR SEM GARÐURINN FÓR NÁNAST Á HLIÐINA
VEGNA TÖLVUVESENS OG GRÆÐGI DENNIS NEDRY SEM SÁ UM TÖLVUMÁL GARÐSINS.
FLESTIR HLÓGU AÐ GRAFÍKINNI OG TÖLVUMÁLUM DENNIS SEM SÁST Í ÞESSARI 20 ÁRA
KLASSÍSKU MYND. EN TÆKNIN HEFUR ÞRÓAST GRÍÐARLEGA Á UNDANFÖRNUM ÁRUM
OG VERÐUR OFT KÓMÍSKT AÐ SJÁ GÖMLU GÓÐU TÆKIN Í KLASSÍSKRI MYND.
Benedikt Bóas benedikt@mbl.is
TEENAGE MUTANT
NINJA TURTLES 2 (1991)
Donatello úr skjaldbökunum mögnuðu
kunni skyndilega á tölvur þrátt fyrir að
vera – jú, skjaldbaka. En hópurinn
kunni svo sem ninja líka. Um miðbik
myndarinnar hakkar Donatello sig inn í
kerfi Shredders og kemst að leyndar-
málum hans. Mynd sem vekur frábærar
minningar.
*Græjur og tækniÍslendingar nota samfélagsmiðilinn Twitter mun minna en aðrar Norðurlandaþjóðir »36