Morgunblaðið - Sunnudagur - 03.11.2013, Blaðsíða 16

*Haustið er með eindæmum fallegt í Toronto í Kanada þar sem hitastig fer nú lækkandi »18Ferðalög og flakk
Á dögunum lögðum við skötuhjúin leið okkar í fyrsta sinn í sænsku sveitasæl-
una að hausti og maður varð ekki svikinn; haustlitirnir lita umhverfið sérlega
fallegum litum hér á Skáni. Dýralífið er í blóma; bambar, froskar, fiskar, fasanar
og hérar, að ógleymdum öllum fuglunum, sem skoppa um á hlaðinu.
Eplatréð í garðinum svignar undan fullþroska aldinum á „prime time“ og er
ekki annað í boði en að laga sér eplaköku úr þessari „heimaræktun“. Svo er
skemmtilegt sveitaandrúmsloftið sem er ríkjandi; eggin sækir maður til bónd-
ans í nágrenninu og á þessum árstíma, þegar hrekkjavakan liggur í loftinu, er
auðvelt að ná sér í heimaræktuð grasker hjá graskersbóndanum í næsta þorpi.
Er skemmtilegt að skera út andlitin í þau og láta lýsa upp næturrökkrið.
Stjörnubjartur himinn á hverju kvöldi fullkomnar síðan alveg dvölina. Him-
neskt afslappelsi – hingað er gott að koma og njóta út í eitt!
Haustkveðjur,
Aldís Guðmundsdóttir Sænska sveitasælan í Österlen á Skáni skartar sínu fegursta í haustlitunum. Glæný uppskera, beint af trénu.
Haust í sænskri sveit
Bjarni og Aldís með „útilampann“.
PÓSTKORT F
RÁ ÖSTERLE
N
B
uguð af sorg réðst hin vellauðuga Sarah Winchester, ekkja
samnefnds rifflaframleiðanda, í endurbætur á bóndabæ í San
Jose árið 1884. Fyrir lá í upphafi að framkvæmdirnar áttu
engan enda að taka. Miðill hafði upplýst ekkjuna um að andar
framliðinna, sem látist höfðu af völdum skota úr rifflum fjölskyldufyr-
irtækisins, hefðu verið að verki þegar bæði eiginmaður hennar og
einkabarn létust með nokkurra ára millibili. Fylgdu þau skilaboð að
þeir myndu leyfa ekkjunni sjálfri að lifa svo lengi sem hún hefðist
strax handa við byggingarframkvæmdir og héldi viðstöðulaust áfram
allt til dauðadags. Fylgdi hún þessum boðum í einu og öllu.
Tilgangslausir stigar, hurðir og gluggar
Næstu áratugi voru á annan tug smiða í fullri vinnu við að breyta
stöðugt húsi ekkjunnar, aldrei þó eftir teikningum arkitekta. Hús-
freyjan gaf sjálf fyrirmæli um allar breytingar – að eigin sögn eftir að
hafa „ráðfært“ sig við andana að næturlagi.
Þegar Sarah lést árið 1922 höfðu framkvæmdirnar staðið stöðugt yf-
ir 38 ára tímabil. Aðeins var gert örstutt hlé í kringum jarðskjálftann
sem skók Kaliforníu árið 1906 og eftirskjálfta. Þegar hún lést voru
herbergi hússins orðin 160 talsins, í ótal viðbyggingum, með fjölda
stiga upp í loft, hurðum sem ekkert leiddu og gluggum sem birta náði
aldrei til.
Húsið var fljótlega opnað sem safn fyrir almenning og hefur notið
mikilla vinsælda sem slíkt síðan, ekki síst í kringum hrekkjavökuna.
Er það ekki síst fyrir óhefðbundinn arkitektúrinn auk ýmissa fágætra
muna húsfreyjunnar sem þar gefur að líta. Elínborg Baldursdóttir,
skrifstofustjóri á Þjóðminjasafninu, bjó um margra ára skeið í Kali-
forníu og heimsótti Winchester Mystery House oft. „Það er ekki bara
að húsið sé mjög óvenjulegt heldur er þar líka margt að sjá. Sarah átti
t.d. marga fallega muni sem eru þar til sýnis svo sem mikið safn
óhemju verðmætra Tiffany-glermuna, sem gaman er að skoða. Þá eru
húsið og saga þess stórmerkileg út af fyrir sig,“ segir hún í samtali við
Morgunblaðið.
Enn í dag er Winchester-húsið í Heimsmetabók Guinness fyrir þær
heimilisumbætur sem tekið hafa lengstan tíma í veröldinni.
Viðurkennt „draugahús“ og talan 13
Sumir halda því fram í dag að enn megi kenna reimleika í húsi ekkj-
unnar. Er það m.a. annað tveggja viðurkenndra „draugahúsa“ í Kali-
forníu (hitt er í San Diego).
Smærri atriði frá forlagatrú Söru Winchester eru heldur ekki til
þess fallin að draga úr leyndardómum húss hennar. Talan „13“ er sem
dæmi áberandi þar en ekkjan lagði mikið upp úr henni. Sem dæmi eru
baðherbergin 13 talsins, 13 armar á ljósakrónum, 13 göt í niðurföllum,
13 rúður í glugga 13. baðherbergisins o.s.frv.
Í þessu ljósi er vinsældir Winchester-hússins á hrekkjavökunni síst
að undra. Þar verður merkja um forlagatrú og yfirskilvitleg fyrirbæri,
í bland við gleði og sorgir mannskepnunnar, áþreifanlega vart.Hús Söru Winchester heitinnar. Birt með leyfi Winchester Mystery House, LLC.
DULARFULLT DRAUGAHÚS RIFFLAEKKJU Í KALIFORNÍU
Ekkjan í hlekkjum andanna
WINCHESTER MISTERY HOUSE Í TÖLVUMEKKUNNI SILICON VALLEY ER VINSÆLL
ÁNINGARSTAÐUR FERÐAMANNA, EKKI SÍST Á ÞESSUM TÍMA ÁRS. AFAR ÓVENJULEGUR
BYGGINGARSTÍLL EINKENNIR HÚSIÐ EN EINNA LÍKAST ER ÞVÍ SEM ÞAÐ HAFI VERIÐ
BYGGT FYRIR DRAUGA – SEM ÞAÐ REYNDAR VAR Í VISSUM SKILNINGI.
Gunnhildur Ásta Guðmundsdóttir gunnhildur@mbl.is