Morgunblaðið - Sunnudagur - 03.11.2013, Blaðsíða 32
32 MORGUNBLAÐIÐ SUNNUDAGUR 3.11. 2013
Matur og drykkir
Þ
etta var alveg æðislegt kvöld. Við hittumst snemma með börnin
svo að allir gætu notið,“ segir Víðir Guðmundsson leikari en eitt
mánudagskvöldið buðu hann og eiginkona hans, Þórdís Elva Þor-
valdsdóttir, vinum og samstarfsfélögum heim í svínalundir og
fleira gúmmelaði.
Leikararnir Bergur Þór Ingólfsson, Sólveig Guðmundsdóttir, Sveinn
Ólafur Gunnarsson og Víðir eru hluti af leikhópnum GRAL – Grindvíska
atvinnuleikhúsinu, en svo skemmtilega vill til að makar leikaranna hafa
líka á einn eða annan hátt unnið með hópnum. Leikhópurinn er meðal
annars að sýna barnaleikritið Horn á höfði í Tjarnarbíói en leikritið hefur
vakið svo mikla lukku að það hefur verið sýnt allt frá árinu 2010 – en á
því ári fékk leikritið Grímuverðlaunin sem barnasýning ársins.
„Við Bergur vorum alltaf að grínast með það þegar við vorum að leika
saman í Borgarleikhúsinu að við yrðum að stofna grindvíska atvinnuleik-
húsið þar sem við vorum einu atvinnuleikararnir á landinu sem eru úr
Grindavík svo að það má segja að það hafi verið upphafið að því sem varð
svo. Annars er þetta er allt voðalega heimilislegt hjá okkur, við höfum
reynt að græja alla fjölskylduna inn í leikhúsið, eigum svo hæfileikaríka
maka. Þórdís Elva, unnusta mín, þýddi síðustu sýninguna okkar yfir á
ensku, Jóhanna Helga Þorkelsdóttir, eiginkona Sveins Ólafs, hefur séð um
leikskrá og ljósmyndun svo eitthvað sé nefnt og Eva Vala Guðjónsdóttir,
eiginkona Bergs, séð um leikmyndir og búninga í öllum fjórum sýningum
GRAL. Að vísu vantaði nokkra Gralverja í boðið en það geta ekki alltaf
allir mætt. Þeir verða bara að lesa um það í Morgunblaðinu af hverju þeir
misstu,“ segir Víðir og hlær.
Uppskriftina að svínalundunum fékk Víðir hjá tengdamóður sinni og
segir réttinn hafa slegið í gegn. Bergur og Eva sáu um að koma með for-
réttinn en þau leituðu í smiðju matarbloggarans Drafnar Vilhjálmsdóttur
og prófuðu uppskrift að sashimi með avókadó og mangó í ponzusósu sem
þau gert nokkrum sinnum áður. Eftirrétturinn er einfaldur en einkar
bragðgóður og hnetusmjörskonfektið setti þar punktinn yfir i-ið.
„Ég mæli með því að fólk hafi börnin með þegar það hittist til að snæða
saman, það er ekkert mál ef það er ekki byrjað of seint. Við hittumst
klukkan sex og allir voru farnir heim að svæfa klukkan níu, mánudags-
kvöldin geta orðið mun skemmtilegri svona,“ segir leikarinn að lokum.
Eva Vala fylgist með Sólveigu aðstoða dætur sínar, Evu Ionu og Emily Rún Mal-
ey, við að matast en forrétturinn hitti í mark hjá ungum sem öldnum.
Gaman í eldhúspartíi. Bergur Þór heldur á Emily Rún og Þórdís Elva er með son sinn Hafliða Frey í fanginu.
MATARBOÐ OG BÖRNIN MEÐ
Svínalundir
á mánudegi
* „Ég mæli meðþví að fólkhafi börnin með
þegar það hittist
til að snæða sam-
an, það er ekkert
mál ef það er ekki
byrjað of seint.“
Á MÁNUDAGSKVÖLDI HITTUST NOKKRIR LEIKARAR
MEÐ FJÖLSKYLDUR SÍNAR, ELDUÐU SVÍNALUNDIR,
SASHIMI OG GUÐDÓMLEGAN EFTIRRÉTT.
Júlía Margrét Alexandersdóttir julia@mbl.is
Eftirrétturinn undirbúinn. Blanda af hnetusmjöri, hlynsírópi og suðusúkkulaði
hefur hér verið fryst í litlu kökuformi og er skorið í bita.
Systkinin Birnir Dalli og Kolbrún Jóhanna eru börn Sveins og Jóhönnu
en á móti þeim situr Emily Rún dóttir Sólveigar.