Morgunblaðið - Sunnudagur - 03.11.2013, Blaðsíða 51
3.11. 2013 MORGUNBLAÐIÐ SUNNUDAGUR 51
strandarliðinu í tvö ár áður en Bayern
keypti hann árið 2007 og segja má að hann
hafi verið á nær stanslausri uppleið síðan.
Vandræði knúðu nokkrum sinnum dyra,
og Ribéry viðurkennir að þegar hann var
hjá Lille, 13 til 16 ára, hafi hann verið mjög
nálægt því að hætta hreinlega í fótbolta.
Hann átti erfitt með að aðlagast hlutunum
þar á bæ. „Við strákarnir héldum til dæmis
að fótboltinn væri miklu mikilvægari en lær-
dómurinn,“ segir hann, og segist hafa þurft
að hefja leik á byrjunarreit á ný þegar hann
kom aftur til Boulogne. Lék þá með ut-
andeildarliði og vann með föður sínum í
vegavinnu. „Það var erfiðisvinna og þess
vegna varð ég með mjög ánægður þegar ég
fékk tækifæri hjá nýju liði og hlutirnir gerð-
ust hratt eftir það.“
Ribéry kveðst alla tíð hafa gert sér grein
fyrir því að hann byggi yfir miklum hæfi-
leikum en ekki áttað sig á því fyrr en
skömmu fyrir tvítugt að verulega yrði að
hafa fyrir hlutunum. „Hjálp föður míns var
mjög mikilvæg og á seinni árum hefur kon-
an mín staðið þétt við hlið mér og það hefur
skipt mig mjög miklu máli.“
Hann segist lukkunnar pamfíll að geta
haft knattspyrnuna að lifibrauði. „Knatt-
spyrnan hefur gefið mér allt; fjölskyldan
hefur það gott og ég reyni að hafa gaman
öllum stundum þegar ég er með liðinu, ég er
ætíð jafn hungraður og vil alltaf vinna.“
Frakkinn sló nýverið þýskt met: hefur nú
leikið 39 leiki í röð án taps með Bayern. „Ég
var ekki með í síðasta tapleik, gegn Bayer
Leverkusen, hef því ekki tapað í eitt og hálft
ár með liðinu og svo verður vonandi lengi
áfram!“
Bayern getur einmitt sett met um helgina;
sigri liðið Hoffenheim á útivelli eða geri
jafntefli, eru leikirnir í röð án taps orðnir 36
og þar féll met sem Hamburger SV hefur
átt í þrjá áratugi.
Frábær stemning
Ribéry segist afar hamingjusamur hjá Bay-
ern. „Mér líkar hugsunarhátturinn hjá félag-
inu mjög vel. Hér bera allir virðingu hver
fyrir öðrum, leikmenn og aðrir starfsmenn
félagsins, og við komum eins fram við stuðn-
ingsmenn, blaðamenn og aðra sem við um-
göngumst. Hér eru allir ánægðir, ekki örlar
á öfund í garð neins heldur er samstaða
mjög áberandi og það er lykilatriði.
Ég elska líka stemninguna hér á Allianz
Arena. Fólkið tekur virkan þátt í leiknum,
það vill sjá eitthvað nýtt og ég vil því alltaf
standa mig vel til að gleðja áhorfendur. Það
er yndislegt að heyra fjöldann kalla nafnið
sitt, hvort sem ég er að taka hornspyrnu eða
ef ég skora; þegar ég skynja að fólkið er
ánægt og kallar nafnið mitt fæ ég gæsahúð.“
Hægt er að taka undir þau orð að áhorf-
endur taki þátt á vellinum. Geri Bayern
mark kallast þeir á við vallarþulinn, bera
fram ættarnafn þess sem skorar, en ekki
nóg með það. Þegar Ribéry gerði seinna
mark sitt gegn Plzen í Meistaradeildinni í
síðustu viku, átti sér t.d. stað þetta „samtal“
vallarþular og fólksins:
Þulur: FC Bayern München var að skora,
á 61. mínútu. Númer 7; Franck …
Áhorfendur: Ribery!
Þulur: Franck …
Áhorfendur: Ribery!
Þulur: Franck …
Áhorfendur: Ribery!
Þulur: Staðan er því orðin FC Bayern
München …
Áhorfendur: þrjú!
Þulur: FC Viktoria Plzen
Áhorfendur: núll
Þulur: Takk
Áhorfendur: Ekkert að þakka!“
Ekki er hægt annað en hrífast með!
Ribéry segist tilfinningaríkur og afar blíð-
ur á manninn. Eitthvað sem mótherjarnir
eru hugsanlega ekki allir tilbúnir að skrifa
upp á! „Ég ber virðingu fyrir öllu fólki,
hvort sem það er einhver stór og sterkur
eða þeir sem minna mega sín. Ég vil að allir
finni hamingjuna því það er mikilvægt og
gef mér alltaf tíma til að spjalla við fólk sem
heilsar mér, hvort sem ég er með fjölskyld-
unni eða ekki. Ég vil að fólk sé hamingju-
samt; ef því líður ekki vel gildir það sama
um mig. Ég get því aldrei sagt nei af ótta
við að einhver verði leiður. Þetta hefur alltaf
verið mitt leiðarljós og verður áfram.“
Tekst á við vandamálin
Ribéry hefur lent í mótbyr sem fyrr greinir
en segir mjög mikilvægt að bregðast rétt
við. „Ef á móti blæs verður maður að takast
á við vandamálin og þær áskoranir sem
þeim fylgja. Ég er sannfærður um mikilvægi
þess fyrir mig, að hafa gert það.“
Ribéry og félagar í franska landsliðinu
voru harðlega gagnrýndir fyrir slaka
frammistöðu á heimsmeistaramótinu 2010.
Óeining var í hópnum og þjálfarinn, Dome-
nech, fór ekki fögrum orðum um hópinn eft-
ir að hann lét af störfum. Spurt er: er nauð-
synlegt að bestu fótboltamennirnir séu
hæfilega hrokafullir og merkilegir með sig
til þess að geta náð að sýna bestu hliðar?
„Nei, alls ekki og ég hef aldrei verið
hrokafullur, hvað sem hver segir. Góður
leikmaður þarf fyrst og fremst að hugsa um
liðið en ekki sjálfan sig. Ég hef lengi gert
mér grein fyrir því en það skiptir ekki síður
miklu máli að þjálfarinn treysti á leikmenn
sína; það hefur verið gert hér hjá Bayern og
mér líður til dæmis afskaplega vel hjá Pep
Guardiola núna. Hann hefur sýnt mér mikið
traust, strax og hann kom til félagsins í
sumar hvatti hann mig til að sækja enn
meira að marki en ég hafði gert, reyna að
skora meira, og það hvatti mig til dáða.“
Stuðningsmenn franska landsliðsins hafa
ekki alltaf verið sáttir við Ribéry og látið
hann heyra það, en hann er í miklu uppá-
haldi í Bæjaralandi. „Það var mjög erfitt hjá
franska landsliðinu á tímabilinu en ég náði
góðu sambandi við stuðningsmennina á ný
og þess vegna líður mér vel í leikjum liðsins.
Hér hjá Bayern hef ég alltaf fundið fyrir
miklum stuðningi, bæði hjá stjórn og stuðn-
ingsmönnum og þess vegna hef ég náð að
vinna mig út úr erfiðleikum.“ Þar á hann lík-
lega m.a. við það, þegar hann og annar
landsliðsmaður voru sakaðir um að hafa átt
viðskipti við vændiskonu undir lögaldri.
Vert er að geta þess að málið var látið
niður falla.
Trúin
Eiginkona Ribérys er ættuð frá Alsír, er
múslími og hann snérist sjálfur til múham-
eðstrúar fyrir nokkrum árum. Spurt er
hvort það hafi breytt einhverju fyrir hann
sem knattspyrnumann; jafnvel styrkt hann
og eflt sem slíkan. „Ég get ekki svarað því á
afgerandi hátt. Ég er trúaður og trúin er í
raun mitt einkamál. Hún breytti mér að
minnsta kosti ekki sem persónu eða huga-
farinu. Þetta er bara ein mögulegra leiða til
að trúa á guð, ég vildi ekki síst sýna eig-
inkonu minni virðingu, en ég er alveg sami
maður eftir sem áður.“
Fjölskyldunni líður afar vel í Bæjaralandi
og stefnan er að halda kyrru fyrir þar.
„Ég hef aldrei verið betri og held mér
vonandi í góðu lagi lengi enn. Eftir því sem
árunum fjölgar hugsar maður betur um
sjálfan sig, um mataræði og að hvílast vel til
að jafna sig eftir erfiða leiki. Á köflum spil-
um við á þriggja eða fjögurra daga fresti
þannig að menn verða að passa vel upp á
líkamann. Þegar allir búast við að maður
sýni sínar bestu hliðar í öllum leikjum er
mikilvægt að fara vel með sig. Ég er í góðu
jafnvægi, vel á mig kominn líkamlega og
vonast til að svo verði sem lengst,“ segir Ri-
bery.
„Leikmenn Bayern eru jafn metn-
aðargjarnir og áður. Liðið vann allt sem
hægt var í fyrra en við erum ekki saddir.
Nýr þjálfari vill gera gott lið enn betra og
við erum tibúnir í slaginn. Hann hefur þegar
gert töluvert miklar breytingar á leik-
skipulagi og var ótrúlega fljótur að því og ég
tel okkur eiga möguleika á að gera frábæra
hluti í framtíðinni. Vonandi verð ég hjá Bay-
ern alveg þar til ég legg skóna á hilluna,
fjölskyldan er mjög hamingjusöm hér og eft-
ir að ferlinum lýkur vonumst við til þess að
búa áfram hér í borginni.“
* Ég ber virðingu fyrir öllu fólki, hvort semþað er einhver stór og sterkur eða þeir semminna mega sín. Ég vil að allir finni hamingjuna
því það er mikilvægt og gef mér alltaf tíma til að
spjalla við fólk sem heilsar mér
Morgunblaðið/Skapti Hallgrímsson
Ribery í baráttu við Slóvakann Peter Pekarik, varnarmann hjá Herthu, í München um síðustu helgi.
AFP