Morgunblaðið - Sunnudagur - 17.11.2013, Síða 16

Það er skrítið en skemmtilegt að koma hingað um miðjan vetur sem er samt töluvert
skárri en íslenska sumarið sem var. Nú er vorið komið, skólar að klárast og við aðlöguð
hitanum. Landsmenn taka daginn snemma til að iðka daglegu hreyfinguna í morgun-
svalanum. Niðri á strönd koma margir saman, hvort sem er til að hlaupa, lyfta, synda eða
stunda brimreiðar. Þegar líða tekur á daginn fækkar í útiverunni eftir því sem hitinn
hækkar. Þegar kvölda tekur er svo ekkert betra en að smella nokkrum rækjum á grillið og
snæða kvöldmatinn úti á veröndinni undir tunglskininu. Námsmenn munu svo nýta
sumarið til frekari landkönnunar í Ástralíunni. Ferðast með ströndinni suður, svo vestur
til Adelaide og fjalllendið til baka. Þá norður til Byron Bay til að upplifa regnskógaum-
hverfið og sjálfbæru samfélögin þar, áður en alvaran hefst á ný með næstu skólaönn.
G’day,
Svanur Daníelsson, Elín and the Bubs
Feðgar spjalla við „heimamann“ á svæðinu. Strendur Ástralíu eru geysifagrar.
Sumarið endalausa
Keppst um öldurnar á brimbrettum.
PÓSTKORT F
RÁ WOLLON
GONG
D
aníel Óli Óðinsson, framkvæmdastjóri
Járnsmiðju Óðins, og kona hans,
Harpa Hafberg, lögðu leið sína til
borgarinnar við sundið á dögunum en
þangað fóru þau m.a. í námserindum vegna
starfa Daníels. Parið ber borginni afar vel sög-
una enda margt þar að sjá og gera. Istanbúl er
eina borgin sem tengir saman tvær heimsálfur,
þ.e. Evrópu og Asíu, og ætti enginn að verða
svikinn af því að sækja hana heim.
„Við dvöldumst í gamla bænum Evrópumegin,
innan við gamla borgarmúrinn. Þar er öll helstu
kennileiti að finna og hvert nálægt öðru. Borgin
í heild er hins vegar ógnarstór, með tæplega 18
milljónir íbúa og því með þeim fjölmennustu
sem fyrirfinnast,“ segir Daníel.
Milljónir ferðamanna sækja Istanbúl heim ár
hvert og ferðamannaiðnaðurinn eftir því. „Maður
upplifði sig samt ekki óöruggan enda örygg-
isgæsla mikil og vopnaðir verðir mjög víða,“
segir Daníel. Bætir hann við að Tyrkir séu
mjög vinsamlegir og vilji allt fyrir mann gera.
„Það er einna helst að áreiti vilji vera helst til
of mikið þegar komið er á markaði eða í veit-
ingahúsagötur á kvöldin, þar sem allir vilja fá
mann til sín,“ segir Harpa.
Vestræn en kennir þó ýmissa áhrifa
Istanbúl hefur tilheyrt mismunandi heimsveldum
í gegnum tíðina enda Bosporussund mikilvæg
siglingaleið. Upphaf borgarinnar má rekja allt
aftur til ársins 600 f. Krist, en síðar átti hún
eftir að lúta yfirráðum m.a. Rómverja, Býsantín-
manna og loks Ottómana, sem innleiddu ísl-
amskan sið í stað rétttrúnaðarkirkjunnar áður.
Frá 1922 hefur lýðræði verið við lýði, í stað
stjórnar soldána áður.
Þrátt fyrir að liggja á mörkum tveggja álfa
segja Daníel og Harpa Istanbúl vera afar vest-
ræna að mörgu leyti. Mikið er af góðum veit-
ingastöðum, þar sem ljúffengur matur er fram-
reiddur. Vilji fólk versla er fjöldann allan af
verslunarmiðstöðvum að þarna að finna, margar
hverjar afar glæsilegar, með allar helstu al-
þjóðlegu verslunarkeðjurnar. Þau mæla þó ekki
síður með að markaðir borgarinnar séu skoð-
aðir. Þess ber þó að geta að yfirvöld taka afar
hart á því ef reynt er að flytja fornmuni úr
landi, líkt og Íslendingar þekkja vel dæmi um.
Sagan í aðalhlutverki
Spurð að því hvað hafi staðið upp úr nefna
Daníel og Harpa bæði söguslóðir borgarinnar,
enda af nægu að taka. Af áhugaverðum stöðum
má m.a. nefna eftirfarandi:
Hagia Sofia – Einnig þekkt sem Ægisif á ís-
lensku. Stórfengleg moska (safn í dag), áður
rétttrúnaðarkirkja, byggð árið 532 e. Krist.
Sultan Ahmed-moskan – Einnig þekkt sem
Bláa moskan. Stendur gegnt Ægisif og er líka
einstakt listaverk.
Topkapi-höllin – Fyrrum híbýli soldána Ottóm-
ana, skammt frá stóru moskunum tveimur. Safn
í dag, þar sem hægt er að sjá hvernig þeir
bjuggu.
Hippodrome – Torg í dag en fyrrum keppn-
isleikvangur á tímum Rómverja og Býsantína.
Þarna öttu m.a. skylmingaþrælar kappi og
keppt var í burtreiðum. Engar byggingar eru
þarna í dag en sjá má fornar súlur og aðrar
minjar.
Grand Bazar – Risamarkaður með um 4.400
sölubása, alla undir þaki. Oft nefndur „fyrsta
„verslunarmiðstöðin“ enda fjörgamall.
Eitt er víst að af nægu er að taka í Istanbúl,
ekki síst ef menn eru fyrir söguslóðir og menn-
ingu, mat, arkitektúr og fleira. „Umferðin er
reyndar kapítuli út af fyrir sig,“ segir Harpa en
bætir við að alltaf hafi hún þó gengið að lokum
og fólk því náð á áfangastað.
Á MÖRKUM TVEGGJA HEIMSÁLFA
Ægifagra Istanbúl
ISTANBÚL VIÐ BOSPORUSSUND ER TILVALIN TIL HEIMSÓKNA Á ÞESSUM TÍMA ÁRS
ÞEGAR HITASTIGIÐ ER SKAPLEGRA EN Á ÖÐRUM TÍMUM. SAGAN LIGGUR ÞAR VIÐ
HVERT FÓTMÁL, ENDA BORGIN SUÐUPOTTUR MENNINGAR, BEGGJA VEGNA SUNDS-
INS, Í GEGNUM ALDIRNAR OG HÖFUÐVÍGI STÓRVELDA.
Gunnhildur Ásta Guðmundsdóttir gunnhildur@mbl.is
Hagia Sofia, eða Ægisif á íslensku.
Harpa og Daníel við Bláu moskuna.
Við einn bænaturnanna við Ægisif.
Horft yfir til Asíu. Skipaumferð um Bosporussund er ávallt mikil enda mikilvæg
siglingaleið. Á árinu opnuðu einnig fyrstu jarðgöngin undir sundið, fyrir lestar.
*Ferðalög og flakkÁ Indlandi eru í raun margar þjóðir og stéttaskiptingin æpir á ferðalanga sem fara um landið »18