Morgunblaðið - 06.12.2013, Page 6

6 FRÉTTIRInnlent
MORGUNBLAÐIÐ FÖSTUDAGUR 6. DESEMBER 2013
Helgi Bjarnason
helgi@mbl.is
„Það verður auðveldara að reka
verkstæðið. Gott er að hafa meira á
bak við sig þegar maður er að hanna
nýja hluti,“ segir Eggert Jóhanns-
son feldskeri. Samstarf hans við eitt
fremsta klæðskerafyrirtæki heims,
Anderson & Sheppard í London, var
kynnt formlega við móttöku í versl-
un fyrirtækisins í fyrrakvöld.
Anderson & Sheppard hannar og
sníður herraföt og eru margir af best
klæddu mönnum Bretlands, lávarð-
ar, leikarar og tónlistarmenn, meðal
viðskiptavina fyrirtækisins.
Samstarfið er þannig að úrval af
skinnklæðnaði frá Eggert verður til
sýnis og sölu í versluninni en hann
reiknar með að þurfa að fara sjálfur
reglulega út til að taka snið af við-
skiptavinum sem panta jakka til að
tryggja að þeir passi. Allar vörurnar
eru handsaumaðar og það eru gæðin
sem skipta viðskiptavinina mestu
máli.
„Viðtökurnar lofa mjög góðu. Við
byrjuðum frekar smátt, með loð-
skinnshúfum, jakkarnir bættust við í
fyrra og núna förum við á fulla ferð.
Ég hef náð að selja nokkrar flíkur.
Þetta er þó nægjanlega lítið til að ég
geti ráðið við það,“ segir Eggert.
Hann segir að samstarfið við And-
erson & Sheppard styrki verslunina
heima. Sífellt fjölgi Bretum sem
komi þar við og þeir líti á það sem
viðurkenningu um gæði að sjá merki
breska klæðskerans. Út á það seljist
bæði herra- og kvenfatnaður.
Móttaka Eggert Jóhannsson og Anna Gulla, dóttir hans, hafa lengi undirbúið sýningu. Við hlið Önnu Gullu, lengst til
vinstri á myndinni, er maður hennar, Harper. Til hægri eru Nicola Formby og Jeromy Fauillant sem hannaði búðina.
Feldskeri kynntur
 Samstarf Eggerts feldskera við þekkt breskt klæðskera-
fyrirtæki fer vel af stað  Styrkir rekstur verkstæðisins
Íslandsvinir Rithöfundurinn og blaðamaðurinn Adrian Anthony Gill kynnti
Eggert fyrir Anderson & Sheppard. Hér er hann í selskinnsjakka á tali við
annan viðskiptavin Eggerts, Jeromy Clarkson úr Top Gear-bílaþáttunum.
Þórunn Kristjánsdóttir
thorunn@mbl.is
„Það þarf að skýra réttarstöðu
lækna og endurskoða lögin sem
taka á tímabundinni sviptingu
sjálfræðis einstaklings,“ segir
Lúðvík Ólafsson, lækningaforstjóri
Heilsugæslu höfuð-
borgarsvæðisins.
Ástæða ummæla Lúðvíks er
dómur Hæstaréttar sem féll í lok
október 2013 þar sem íslenska rík-
ið var dæmt til að greiða ein-
staklingi bætur vegna frelsissvipt-
ingar.
Svaraði spurningum út í hött
Málið var með þeim hætti að
lögreglumenn fóru inn í íbúð
mannsins og kölluðu til lækni. Til-
efnið var, að óttast var um öryggi
mannsins. Læknirinn sem kvadd-
ur var á vettvang tók þá ákvörðun
að svipta manninn sjálfræði í 48
klst. og að maðurinn skyldi færður
á geðdeild til nánari skoðunar eft-
ir að hafa ráðfært sig við lækni á
geðdeild. Maðurinn hafi „svarað
öllum spurningum sínum út í hött“
segir í dómnum.
Maðurinn var því fluttur gegn
sínum vilja á geðdeild. Þar var
hann vistaður í um tvær klukku-
stundir þar til læknir og sérfræð-
ingur í geðlækningum skoðuðu
manninn. Þar var komist að þeirri
niðurstöðu að hann væri ekki and-
lega vanheill þannig að ástæða
væri til að vista hann áfram nauð-
ugan á deildinni.
Byggt á þeirri niðurstöðu taldi
Hæstiréttur að litið yrði svo á að
maðurinn „hafði verið sviptur
frelsi sínu án þess að lögmæt skil-
yrði væru fyrir hendi“.
Lúðvík bendir á að það sé ekki
hægt fyrir lækna að búa við þær
vinnuaðstæður; að vera kvaddur á
vettvang, eiga að skera úr um
geðheilsu einstaklings á tiltölulega
stuttum tíma, og eiga jafnvel á
hættu, sama hvaða ákvörðun þeir
taka, að skapa sér skaðabóta-
skyldu. Hvað ef einstaklingur
hefði veitt sjáfum sér eða öðrum
skaða, þrátt fyrir að hafa ekki
verið úrskurðaður andlega van-
heill? spyr Lúðvík.
„Vissulega er það alltaf frelsis-
svipting þegar læknir er kallaður
inn á heimili fólks ásamt lögreglu.
En það má ekki gleyma því að það
er ekki gert að tilefnislausu. Í um
það bil helmingi tilfella þegar að-
standandi hefur samband við
lækni í síma vegna meints geð-
sjúkdóms einstaklings sést að ekki
eru forsendur til nauðungarvist-
unar. Öryggi og hagur ein-
staklingsins er ávallt hafður að
leiðarljósi,“ segir Lúðvík og bætir
við að oftast leiki enginn vafi á
sjúkdómsgreiningu þegar læknir
kemur á staðinn.
Læknum þyki ákveðið óréttlæti
í dómnum og eru fyrir vikið meira
á tánum, að sögn Lúðvíks. Þrátt
fyrir það hafi þeir ekki vísað frá
sér verkefnum og munu ekki gera
það.
„Það er komin ákveðin túlkun á
lögin þar sem skaðabótaskylda
hefur skapast. Þar sem læknirinn,
með sínum viðurkenndum verk-
ferlum er gerður ábyrgur, en ein-
staklingurinn ber enga ábyrgð á
hegðun sinni,“ segir Lúðvík.
Þarf að skýra
réttarstöðu lækna
 Ríkið dæmt bótaskylt fyrir að beita
ákvæði um sviptingu sjálfræðis í 48 klst.
Morgunblaðið/Brynjar Gauti
Dómur Lækningaforstjóri segir að
skýra þurfi réttarstöðu lækna.
„Eftir því sem ég man best eru
bótamál af þessu tagi ekki
mörg,“ segir Einar Karl Hall-
varðsson ríkislögmaður, spurð-
ur um fjölda slíkra dómsmála.
Hann segir jafnframt dóminn
vekja spurningar um hvort gera
þurfi ákveðnar lagabreytingar.
„Það er sérkennilegt að Hæsti-
réttur kemst að þeirri nið-
urstöðu að mat fyrri læknisins
hafi ekki þýðingu. Þetta eitt
getur sett lækna í erfiða að-
stöðu í svona málum.“
Setur lækna í
erfiða stöðu
DÓMUR HÆSTARÉTTAR
VEKUR SPURNINGAR
„Við munum nú skoða dómsniður-
stöðuna og meta hvort við teljum til-
efni til áfrýjunar dómsins til Hæsta-
réttar,“ segir í skriflegu svari Unnar
Gunnarsdóttur, forstjóra Fjármála-
eftirlitsins, við fyrirspurn Morgun-
blaðsins vegna nýfallins dóms. Þar
var FME dæmt til að greiða Ingólfi
Guðmundssyni 8 milljónir kr. í bæt-
ur vegna ákvörðunar FME að hann
uppfyllti ekki hæfisskilyrði til að
gegna starfi framkvæmdastjóra Líf-
eyrissjóðs verkfræðinga.
,,Í máli sem þessu lýstur saman
tveimur meginreglum. Annars vegar
því hlutverki Fjármálaeftirlitsins að
meta hvort stjórnarmenn og fram-
kvæmdastjórar eftirlitsskyldra aðila
séu hæfir til að fara með þau völd og
ábyrgð sem starfið krefst. Það eru
bæði kröfur um þekkingu og
reynslu, sem unnt er að mæla, en
einnig huglægur mælikvarði um
hvort þeir séu hæfir til að standa að
traustum og heilbrigðum rekstri.
Við mat á því skoðar Fjármálaeft-
irlitið feril viðkomandi,“ segir Unn-
ur. „Hins vegar er um að ræða at-
vinnufrelsisákvæði
stjórnarskrárinnar sem verndar rétt
einstaklinga til atvinnu og aflahæf-
is,“ segir hún.
Tveimur megin-
reglum lýstur saman
 FME metur hvort tilefni er til áfrýjunar