Morgunblaðið - 06.12.2013, Blaðsíða 23

VIÐTAL
Rúnar Pálmason
runarp@mbl.is
Íbúar í Tacloban á Filippseyjum sem
varð illa úti þegar fellibylurinn Ha-
iyan gekk þar yfir í nóvember eru
enn mjög varir um sig og kviksögur
geta auðveldlega valdið mikilli skelf-
ingu. Fyrir nokkrum dögum komst
sú saga á kreik að von væri á annarri
flóðbylgju og brugðust margir við
með því að keyra eða hlaupa í ofboði
frá sjávarsíðunni og upp í hæðir í
kring.
Svona lýsir Karl Júlísson, örygg-
isráðgjafi hjá Alþjóðasamtökum
Rauða krossins í Genf, andrúmsloft-
inu í borginni. Hann er nýkominn
aftur til Genfar í Sviss eftir að hafa
verið að störfum á hamfarasvæð-
unum í rúmar tvær vikur.
Hann var að störfum á eyjunni
Leyte en á þeirri eyju er borgin Tac-
loban. Þar varð tjónið mest, hvort
sem það er mælt í mannslífum eða
fjármunum, þegar ógnarstór flóð-
bylgja skall á þéttbýlli eyjunni.
Einnig starfaði hann á eyjunni Cebu.
Á Cebu fylgdi ekki flóðbylgja með
fellibylnum en fellibylurinn olli engu
að síður mikilli eyðileggingu.
Mikið verk óunnið
Karl var líka við hjálparstörf á Srí
Lanka og Indónesíu eftir að tsu-
nami-flóðbylgja skall þar á árið 2004
og hann segir aðstæður á Leyte að
ýmsu leyti vera svipaðar. Þar var þó
ekki um tsunami-bylgju að ræða
heldur ýtti fellibylurinn upp gríðar-
stórri öldu sem skall á eyjunni og er
talið að hún hafi verið 5-6 metra há.
Tsunami-bylgjan hafi sogað mikið af
braki á haf út en það hafi ekki gerst
á Leyte og því sé brakið meira og
svæðið erfiðara yfirferðar.
Karl segir að hjálparstarfið sé far-
ið að ganga betur og samfélagið sé
hægt og bítandi að ná sér á strik.
Það sjáist m.a. á því að fólk sé byrjað
að setja upp sölubása með fisk og
önnur matvæli. Gríðarlegt verk sé
óunnið og endurbyggingin í Taclob-
an muni standa mun lengur en á öðr-
um svæðum Filippseyja. Ekki aðeins
hafi byggingar gjöreyðilagst heldur
hafi einnig orðið miklar skemmdir á
holræsakerfi og vatnslögnum.
„En fólk var mjög jákvætt. Maður
heyrði margar hörmungarsögur en
fólk leit uppbyggingarstarfið samt
björtum augum,“ segir hann.
Leyte er ekki aðeins hamfara-
svæði heldur er það líka átakasvæði
en þar hafa uppreisnarmenn á veg-
um NPA-samtakanna herjað und-
anfarin ár. Vegna hamfaranna boð-
uðu samtökin til eins mánaðar
vopnahlés. Karl segist ekki hafa haft
sérstakar áhyggjur af öryggismálum
að öðru leyti en því að ýmislegt geti
komið upp á þegar 500-600 starfs-
menn Rauða krossins starfi við erf-
iðar aðstæður.
Stígandi í hjálparstarfi
Erfiðar samgöngur hafa háð mjög
hjálparstarfi og í upphafi gekk erf-
iðlega að koma hjálpargögnum frá
útlöndum til þeirra sem þurftu á
þeim að halda. Flugvellir og vegir
skemmdust og þeir flugvellir sem
eru starfhæfir eru litlir.
Lítið var um vörubíla,
vöruskemmur fáar og
ferjurnar sem ganga á
milli eyjanna hæg-
gengar. Því þurftu inn-
fæddir að reiða sig mjög
á þær birgðir sem filipp-
seyski Rauði krossinn
hafði safnað.
Hjálpargögn hafi
ekki skemmst, held-
ur borist seint.
„Og það er stíg-
andi í þessu
núna,“ segir Karl.
Skelfingu lostin vegna orðróms
 Íslenskur starfsmaður Rauða krossins lýsir erfiðum aðstæðum á Filippseyjum  Mikið óöryggi
 Gríðarlegt uppbyggingarstarf framundan í Taclobon þar sem holræsi og vatnsleiðslur eyðilögðust
Ljósmynd/Rauði krossinn
Neyð Karl segir einna mikilvægast að útvega fólkinu húsaskjól og huga að heilsugæslumálum. Myndin er frá Tac-
loban en þar eru samgöngur erfiðar, enda skemmdirnar miklar. Rauði krossinn á Íslandi safnar fyrir hjálparstarfi.
FRÉTTIR 23Innlent
MORGUNBLAÐIÐ FÖSTUDAGUR 6. DESEMBER 2013
Starf Karls Júlíssonar fyrir
Rauða krossinn felst einkum í
að meta áhættu fyrir hjálpar-
starfsmenn Rauða krossins –
gera áhættugreiningu, eins og
það heitir – og ferðast hann
víða um heim vegna starfa
sinna.
Á Filippseyjum aðstoðaði
hann auk þess m.a. við að
setja upp fjarskiptamiðstöð en
fjarskipti hafa verið mjög erfið
á svæðinu og aðstoðaði við
samskipti við her og lögreglu.
Hann skipulagði einnig hvern-
ig fylgst er með ferðum
starfsmanna Rauða krossins,
viðbrögð við áföllum, s.s. veik-
indum eða slysum.
Karl var í lögreglunni hér á
landi í um áratug en fór síðan
á vegum Íslensku friðar-
gæslunnar til Srí Lanka 2002-
2004. Hann starfaði fyrir
Rauða krossinn í Níger, Pak-
istan, Srí Lanka og Indónesíu
á árunum 2004-2005 og hefur
verið hjá Alþjóðasamtökum
Rauða krossins frá
2006.
Hann býr í Genf
með konu sinni og
átta mánaða gömlum
syni þeirra og á Íslandi
á hann níu ára strák.
Löggan fór í
friðargæslu
MIKIL REYNSLA
Karl Júlísson
ford.is
Ford Fiesta, bensín 65 hö, beinskiptur. Eldsneytisnotkun í blönduðum akstri 4,3 l/100 km. CO2 losun 99 g/km. Ford Fiesta, EcoBoost bensín 100 hö, sjálfskiptur. Eldsneytisnotkun í blönduðum akstri 4,9 l/100 km. CO2 losun 114 g/km.
Tökum allar tegundir bíla upp í nýja. Brimborg og Ford áskilja sér rétt til að breyta verði og búnaði án fyrirvara. Útbúnaður getur verið frábrugðinnmynd í auglýsingu.
BEINSKIPTUR FRÁ
SJÁLFSKIPTUR FRÁ
FORD FIESTA
2.450.000 KR.
2.790.000 KR.
KOMDUOGPRÓFAÐU
FORDFIESTA ERBESTI SMÁBÍLLINNÁRIÐ 2013
Ekki enn sannfærð/ur? Hér eru fleiri staðreyndir um Ford Fiesta:
Hiti er í framsætum og 3,5 tommu upplýsingaskjár í mælaborði. Farangursrýmið er einstaklega rúmt (290 lítra). CO2 gildin eru óvenju lág fyrir bensínvél og hann fær frítt í stæði í miðborg Reykjavíkur. Ford MyKey, brekkuaðstoð og
EasyFuel er staðalbúnaður. Öryggispúðarnir eru óvenju margir eða 7 talsins, þar af einn fyrir hné ökumanns. Sérstakt hitaelement er í miðstöð og er bíllinn því mjög fljótur að hitna sem er afar hentugt á köldum vetrarmorgnum!
Ford Fiesta var valinn besti smábíllinn árið 2013 af sérfræðingumeins vinsælasta bílablaðs heims,
Auto Express. Hann er útbúinn sparneytinni EcoBoost vél sem hefur hlotið titilinn Engine of the
Year, tvö ár í röð. Síauknar vinsældir Fiesta koma ekki á óvart því nýtt útlit hans er sérstaklega
rennilegt, hann er útbúinn snilldarbúnaði og svo er hann bara svo flottur.