Morgunblaðið - 12.12.2013, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 12. DESEMBER 2013
ÚR BÆJARLÍFINU
Skapti Hallgrímsson
Akureyri
Hópur starfsmanna Slippsins á Ak-
ureyri fór í góðan göngutúr á dög-
unum, með framkvæmdastjórann,
Anton Benjamínsson, framarlega í
flokki; alls um 3,5 kílómetra frá
Slippnum upp að Möl og sandi.
  
Þetta var ekki bara spássitúr í
heilsubótarskyni heldur tengdist því
verkefni Norðurorku að koma upp
metanstöð, sem verður tekin í notk-
un einhvern tíma á næsta ári.
  
Slipparar útbjuggu tvö grönn
rör, 30 metra langt hvort, sem erfitt
var að koma fyrir í farartæki þannig
að þeir tóku sig til og héldu á rör-
unum upp í Möl og sand.
  
Veðrið þótti við hæfi hetja; þetta
var undir kvöld á föstudaginn og
frostið var eitthvað á annan tuginn.
„Við völdum auðvitað kaldasta dag
ársins,“ sagði einn göngumanna. All-
ir bjuggu sig vel og konurnar á kont-
órnum höfðu komið upp drykkjar-
stöð á miðri leið, þar sem þær biðu
drengjanna með heitt kakó og
„frostlög“ eins og einn Slipparinn
orðaði það.
  
Afmælishátíð verður haldin á
Sjúkrahúsinu á Akureyri í dag í til-
efin þess að 60 ár liðin frá því starf-
semin var flutt á Eyrarlandsveg.
Jafnframt eru 140 ár liðin frá því að
fyrsta sjúkrahúsið á Akureyri tók til
starfa.
  
Fyrsta sjúkrahúsið á Akureyri
tók til starfa árið 1873 í húsi sem var
gjöf Friðriks C. M. Gudmanns og við
það festist nafnið Gudmanns minni.
Í því voru 8 sjúkrarúm. Húsið stend-
ur enn og er nú við Aðalstræti 14.
  
Árið 1953 hófst starfsemi Fjórð-
ungssjúkrahússins á Akureyri í því
húsnæði sem enn er í notkun þegar
handlækningadeild var opnuð þann
15. desember. Þann 15. desember
2013 eru því liðin 60 ára frá því að
starfsemin á Eyrarlandsholtinu
hófst. Stofnunin ber nú nafnið
Sjúkrahúsið á Akureyri en notast
enn við gömlu skammstöfunina,
FSA, enda rótgróin í huga fólks.
Starfsemin hefur vitaskuld marg-
faldast að vöxtum og húsa- og tækja-
kostur sömuleiðis.
  
KEA veitti á dögunum styrki í 80.
skipti úr Menningar- og viðurkenn-
ingasjóði félagsins. Að þessu sinni
var úthlutað rúmlega 6 milljónum
króna til 34 aðila, en 124 umsóknir
bárust.
  
Halldór Jóhannsson fram-
kvæmdastjóri KEA tilkynnti styrk-
ina í hófi sem haldið var í menning-
arhúsinu Hofi.
  
Úthlutað var úr fjórum styrk-
flokkum; ellefu hlutu almennan
styrk, samtals 1,4 milljónir króna og
til ungra afreksmanna voru veittar
tólf viðurkenningar og styrkir, hver
hlaut styrk uppá 150 þúsund, sam-
tals 1,8 milljón króna. Til þátt-
tökuverkefna var úthlutað 1,3 millj-
ónum króna og hlutu fjórir aðilar
styrk og sjö íþróttastyrkir voru
veittir, alls 1,4 milljónir króna.
  
Karlakór Akureyrar-Geysir og
Stúlknakór Akureyrarkirkju halda
saman jólatónleika í Akureyr-
arkirkju í kvöld kl. 20. Kórarnir hafa
ekki starfað saman fyrr, en samein-
ast nú í jólasöngvum víðsvegar að úr
heiminum. Stjórnendur kóranna eru
Hjörleifur Örn Jónsson og Sigrún
Magna Þórsteinsdóttir.
  
Hljómsveitin Drangar treður
öðru sinni upp á Græna hattinum
annað kvöld. Drangar; Mugison,
Jónas Sig og Ómar Guðjónsson, hafa
verið á þeysireið, leika tónlist af
nýrri plötu og án efa flýtur eitthvað
gamalt og gott með.
  
Vert er að geta þess að Baggalút-
ur er með árlega jólatónleika í Hofi
um helgina. Þegar er uppselt á
tvenna af þrennum, en eitthvað eftir
af miðum kl. 17.00 á laugardaginn.
  
Meðal annarra sem heimsækja
Hof um helgina eru Grýla og synir
hennar (skv. áreiðanlegum heim-
ildum), Emil í Kattholti og félagar í
kvæðamannafélaginu Gefjuni.
  
Í hádeginu í dag leika feðginin
Katrín Ingólfsdóttir og Ingólfur Jó-
hannsson í Hofi og á morgun stíga
félagar í Gefjuni á stokk og bjóða
upp á kraftmikinn kveðskap.
  
Grýla verður í Hofi í hádeginu á
laugardag og stúlknakvartettinn
KAVE, flytur söngdagskrá klukkan
hálffimm síðdegis. Emil og Ída
verða ásamt nánustu vinum og ætt-
ingjum úr Freyvangsleikhúsinu í
Hofi í hádeginu á sunnudaginn.
  
Hrekkjóttir jólasveinar verða
líka í aðalhlutverki á Minjasafninu á
laugardaginn klukkan tvö. Þórarinn
Hannesson les úr nýútkominni ljóða-
bók sinni, Um jólin. Ljóðin eru um
hrekkjótta jólasveina en þeir leika
stórt hlutverk í jólasýningu safnsins
enda eru þeir hvorki fleiri né færri
en 82, að því er segir í tilkynningu.
  
Stjórn Afrekssjóðs Akureyrar
hefur ákveðið að úthluta alls
1.825.000 króna til átta aðildarfélaga
ÍBA vegna 18 afreksíþróttamanna.
Morgunblaðið/Skapti Hallgrímsson
Styrkir Hópurinn sem fékk fjárstuðning frá KEA ásamt Halldóri Jóhannssyni, framkvæmdastjóra félagsins.
Svalir Slipparar og hrekkjóttir jólasveinar
Morgunblaðið/Skapti Hallgrímsson
Hraustir Starfsmenn Slippsins á göngu í gaddi með rör í metanstöðina.
Frumkvöðull að lækkun gleraugnaverðs á Íslandi
Reykjavíkurvegur 22 | Hafnarfjörður | S. 565 5970 | sjonarholl.is
Skoðið „Intuitiv“
nýjustu margskiptu glerin frá BBGR Frakklandi en þau hlutu
gullbikarinn sem bestu margskiptu glerin á alþjóðlegri
gleraugnasýningu í Paris nú í september. Verðlaunin voru veitt
fyrir mun stærra fókussvæði í les-, tölvu- og akstursfjarlægðum.
Margskipt gleraugu
Sama lága verðið!
SJÓNARHÓLL
Þar sem
gæðagleraugu
kosta minna
Aðeins á
Sjónarhóli
SÉRBLAÐ
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 12, föstudaginn 20. desember
Morgunblaðið gefur út glæsilegt
sérblað umHeilsu og lífsstíl
föstudaginn 3. janúar
Í blaðinu Heilsa og
lífsstíll verður kynnt
fullt af þeim mögu-
leikum sem í boði eru
fyrir þá sem stefna á
heilsuátak og bættan
lífsstíl á nýju ári
Heilsa & lífsstíll