Morgunblaðið - 12.12.2013, Blaðsíða 25
Hólmfríður Gísladóttir
holmfridur@mbl.is
Repúblikaninn Paul Ryan, formaður
fjárlaganefndar fulltrúadeildar
bandaríska þingsins, og demókrat-
inn Patty Murray, formaður fjár-
laganefndar öldungadeildarinnar,
kynntu á þriðjudag samkomulag um
fjármögnun hins opinbera fram á
haust 2015. Með því að samþykkja
tillögurnar geta þingmenn tryggt
vinnufrið í Washington næstu tvö ár-
in, en þar hefur skapast ófremdar-
ástand með reglulegu millibili síð-
ustu misseri, vegna deilna um
fjármögnun ríkisstofnana og hækk-
un skuldaþaksins.
Í samkomulaginu felst meðal ann-
ars að dregið verður úr fyrirhuguð-
um flötum niðurskurði í útgjöldum á
yfirstandandi fjárlagaári en stefnt að
því að draga úr fjárlagahallanum um
20 milljarða dollara næsta áratug-
inn. Fjárveitingar til ríkisstofnana
munu nema rúmri billjón dollara árið
2014 og litlu meira árið 2015 en til að
mæta auknum útgjöldum verða ör-
yggisgjöld flugfarþega m.a. hækkuð
svo nemur 12,6 milljörðum dollara
og tryggingaiðgjöld vegna séreign-
arsparnaðar hækkuð um 8 milljarða
dollara. Þá verða framlög til opin-
berra lífeyrissjóða lækkuð um 12
milljarða dollara næsta áratuginn.
„Þetta samkomulag inniheldur
ekki allt sem ég vildi og ég veit að
margir repúblikanar eru sama sinn-
is. En slíkt er eðli málamiðlana,“
sagði Barack Obama Bandaríkjafor-
seti um niðurstöðu samninganefnd-
arinnar.
Hann sagði samkomulagið „gott
fyrsta skref“ í átt til þess að komast
yfir átök síðustu tveggja ára. Það
bæri vitni um getu demókrata og
repúblikana á þinginu til að koma
saman og rjúfa vítahring skamm-
vinnra, krísu-drifinna ákvarðana.
Vonir standa til að atkvæða-
greiðsla um tillögurnar geti farið
fram í fulltrúadeildinni í dag og í öld-
ungadeildinni í næstu viku, áður en
þingið fer í frí.
Samkomulag um fjár-
lög næstu tveggja ára
Rjúfa vítahring skammtímalausna „Gott fyrsta skref“
AFP
Sátt Vonir standa til þess að tillögurnar hljóti náð fyrir augum þingmanna
og friður komist á hvað varðar efnahagsmálin næstu tvö árin a.m.k.
Fjárlagasamkomulag
» Demókratar hefðu viljað að
rétturinn til atvinnuleysisbóta
yrði framlengdur fyrir þá sem
hafa verið lengi án vinnu.
» Ryan sagði samkomulagið
breytingu til batnaðar, þar sem
fallið væri frá flötum niður-
skurði í eitt skipti í staðinn fyr-
ir varanlegan sparnað á af-
mörkuðum sviðum.
FRÉTTIR 25Erlent
MORGUNBLAÐIÐ FIMMTUDAGUR 12. DESEMBER 2013
Hæstiréttur Indlands sneri í gær
úrskurði yfirdómstóls í landinu,
sem komst að þeirri niðurstöðu árið
2009 að ákvæði refsilaga, sem
bannar kynlíf samkynhneigðra,
bryti gegn mannréttindum Ind-
verja. Niðurstaða hæstaréttar var
harðlega gagnrýnd af mannrétt-
indasamtökum og aðgerðasinnum,
sem grétu fyrir utan dómshúsið
þegar úrskurðurinn var gerður
kunnur í gær.
Lögin sem um ræðir voru sett ár-
ið 1860, þegar Indland var nýlenda
undir stjórn Breta, en þau banna
m.a. kynmök sem ganga gegn
„skipan náttúrunnar“. Það þótti
marka þáttaskil þegar umrætt
ákvæði var fellt úr gildi 2009 en í
dómi hæstaréttar frá því í gær seg-
ir m.a. að það hafi ekki verið á færi
yfirdómstólsins að taka ákvörðun
um lögmæti ákvæðisins, heldur sé
það undir löggjafanum komið að
taka afstöðu til málsins.
Aðgerðasinnar sögðu niðurstöðu
hæstaréttar þungt högg fyrir bar-
áttu samkynhneigðra á Indlandi,
þar sem samkynhneigðir mæta enn
miklum fordómum. Forsvarsmenn
kristinna og múslímskra trúarhópa
lýstu hins vegar ánægju með úr-
skurð dómstólsins.
Ráðherra laga, Kapil Sibal, hefur
sagt að hann muni taka niðurstöðu
hæstaréttar til skoðunar en jafnvel
þótt löggjöfin yrði tekin til endur-
skoðunar á þinginu er ólíklegt að
ákvæðið verði fellt úr gildi fyrir
þingkosningar á næsta ári.
AFP
Harma dóminn Baráttufólk felldi tár fyrir utan dómshúsið í gær.
Kynlíf samkyn-
hneigðra bannað
Hæstiréttur sneri fyrri úrskurði
lÍs en ku
ALPARNIR
s
www.alparnir.is
GLERÁRGÖTU 32, AKUREYRI, SÍMI 461 7879 • KAUPVANGI 6, EGILSSTAÐIR, SÍMI 471 2525 • FAXAFENI 8, REYKJAVÍK, SÍMI 534 2727
P
P
Góð gæði
Betra verð
Skíða- og snjóbrettapakkar
20%afsláttur• Svigskíði
• Fjallaskíði
• Gönguskíði
• Snjóbretti
Tökum notaðan
skíða- og brettabúnað
upp í nýjan