Morgunblaðið - 12.12.2013, Page 17

FRÉTTIR 17Innlent
MORGUNBLAÐIÐ FIMMTUDAGUR 12. DESEMBER 2013
„Gögnin, sérstaklega eitt vottorðið,
eru gögn sem orðin eru til í trúnaðar-
sambandi ákærða [Stefáns Loga] og
læknis sem skoðaði hann. Það vott-
orð hefur að geyma viðkvæmar per-
sónuupplýsingar sem eiga ekkert er-
indi inn í þetta mál,“ sagði Vilhjálmur
H. Vilhjálmsson, verjandi Stefáns
Loga Sívarssonar í máli ákæruvalds-
ins gegn Stefáni, Stefáni Blackburn
og þremur öðrum. Þriðji dagur aðal-
meðferðarinnar hófst eftir hádegið í
gær en fjórði dagur hennar verður
ekki fyrr en 20. desember sökum
þess að beðið er eftir því að vitni skili
sér til Íslands frá útlöndum.
Saksóknari hóf dómþing í dag á því
að leggja fram þrjú læknisvottorð yf-
ir Stefáni Loga og geisladisk með
skýrslutöku yfir honum hjá lögreglu.
Gögnin er til komin vegna annars
máls, líkamsárásar sem Stefán Logi
varð fyrir í Ystaseli í Breiðholti 17.
maí síðastliðinn. Saksóknarinn sagð-
ist með framlagningu gagnanna vera
að svara ákveðnum fullyrðingum í
framburði Stefáns Loga fyrir dóm-
inum. Meðal annars því sem Stefán
Logi sagði um að hann hefði ekki get-
að beitt neinn ofbeldi enda brotinn á
báðum höndum á þessum tíma vegna
líkamsárásarinnar.
Vilhjálmur mótmælti því harðlega
að læknisvottorðin yrðu lögð fram,
enda hefði ríkissaksóknari átt að
óska eftir heimild Stefáns Loga eða
lögmanns hans. „Gögnin eru komin
úr öðru sakamáli þar sem ákærði er
brotaþoli eftir mjög alvarlega lík-
amsárás. Ríkissaksóknari óskaði
ekki eftir heimild ákærða eða lög-
manns hans til þess að leggja gögnin
fram og ég var að sjá þau fyrst í
þessu þinghaldi,“ sagði Vilhjálmur.
Máli sínu til stuðnings vísaði Vil-
hjálmur meðal annars í 4. mgr. 134.
gr. laga um meðferð sakamála og svo
2. mgr. 119. gr. sömu laga. Í fyrra
ákvæðinu segir: „Óheimilt er að
leggja fram skjöl eða annars konar
gögn ef þau hafa að geyma upplýs-
ingar um það sem sakborningi og
verjanda hans hefur farið á milli, svo
og upplýsingar sem 2. mgr. 119. gr.
tekur til.“
Í 2. mgr. 119. gr. segir svo að þær
upplýsingar eigi við um einkahagi
manns sem vitni hefur verið trúað
fyrir „í starfi sem endurskoðandi, fé-
lagsráðgjafi, lögmaður, læknir,
prestur, forstöðumaður trúfélags eða
sálfræðingur ellegar í öðru starfi sem
viðlíka trúnaðarskylda fylgir.“
Áréttaði hann að til þess að hægt
væri að leggja þessi vottorð fram
hefði þurft að afla heimildar.
Saksóknari lagði einnig fram
geisladisk með skýrslutöku af Stef-
áni Loga hjá lögreglu vegna líkams-
árásarinnar í Ystaseli. Aðeins var um
eitt eintak að ræða fyrir dóminn.
„Það er með ólíkindum að ákæru-
valdið skuli leggja fram málsgögn á
þessu stigi málsins án þess að af-
henda verjanda ákærða eintak af
gögnunum sem það er að leggja
fram. Það er brot á mörgum grund-
vallarreglum um réttláta málsmeð-
ferð fyrir dómi.“
Dómformaður bað Vilhjálm um að
bera upp mótmælin í málflutnings-
ræðu sinni.
Vottorð sem inniheldur
viðkvæmar upplýsingar
 Verjandi Stefáns Loga mótmælti framlagningu harðlega
Morgunblaðið/Rósa Braga
Deila Vilhjálmur H. Vilhjálmsson (stendur), verjandi Stefáns Loga Sívars-
sonar, réttargæslumenn og Helgi Magnús Gunnarsson vararíkissaksóknari.
Til stóð að aðalmeðferð stæði í
þrjá daga og átti að ljúka málflutn-
ingsræðum í gær. Sú dagskrá hef-
ur riðlast mikið og helst vegna
þess að nauðsynlegt þykir að leidd
verði fyrir dóminn vitni sem stödd
eru erlendis.
Fyrir það fyrsta er að ræða
námsmann í Danmörku, en Stefán
Blackburn er ákærður í málinu fyr-
ir að hafa ráðist á hann í miðborg
Reykjavíkur. Sá gaf fyrst skýrslu í
gegnum síma en dómarar töldu að
maðurinn yrði að koma fyrir dóm-
inn og gefa skýrslu milliliðalaust.
Þá er húsráðandinn á Stokks-
eyri, sem að lokum hleypti öðru
fórnarlambinu úr prísundinni ,
staddur í Bandaríkjunum. Hann
ætlaði ekki að koma aftur til
landsins fyrr en í febrúar en dóm-
arar sögðu að ríkissaksóknari yrði
einfaldlega að fá hann fyrr, enda
sætu menn í gæsluvarðhaldi vegna
málsins.
Þá er stúlka sem var í sam-
kvæminu í Breiðholti í Bandaríkj-
unum og kemur í byrjun janúar.
Fljúga þarf með fólk til Íslands
DREGST SÖKUM ÞESS AÐ VITNI ERU STÖDD ERLENDIS
Virðing
Réttlæti
VR | KRINGLUNNI 7 | 103 REYKJAVÍK
S. 510 1700 | F. 510 1717 | WWW.VR.IS
Minnum á
desember-
uppbótina
Desemberuppbót á að greiða
ekki seinna en 15. desember.
Nýr fjórhjóladrifinn Mitsubishi Outlander er ríkulega búinn staðal- og þægindabúnaði
sem ásamt nýrri tækni eykur öryggi og veitir þér nýja akstursupplifun. Má þar nefna
hraðastilli með fjarlægðarskynjara, akreinavara og árekstrarvörn sem allt er
staðalbúnaður í grunngerðinni Intense.
Outlander kostar frá
5.590.000 kr.
Intense 4x4, bensín, sjálfskiptur
MITSUBISHI OUTLANDER
Rúmbetri, sparneytnari og betur búinn
mitsubishi.is
Eyðsla aðeins
frá
5,5 l/100 km.
Nú á enn betra verði
frá 5.590.000kr.Fjórhjóladrifinn og sjálfskiptur
HEKLA · Laugavegi 170-174 · Reykjavík · Sími 590 5000 · hekla.is
Umboðsmenn um land allt: Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði