Morgunblaðið - 12.12.2013, Side 23

FRÉTTIR 23Innlent
MORGUNBLAÐIÐ FIMMTUDAGUR 12. DESEMBER 2013
Nilfisk er
hrein snilld
fyrir jólin!
GÆÐI OG GÓÐ ÞJÓNUSTA Í MEIRA EN 70 ÁR!
FÖNIX Raftækjaverslun • Hátúni 6a • 105 Reykjavík • Sími 552 4420 • fonix@fonix.is • www.fonix.is
Um áratugaskeið hafa Nilfisk ryksugurnar
sannað yfirburði sína sem gæðamerki sem
uppfyllir ströngustu kröfur
Power Eco
Almennt verð: 56.800
Verð nú: 39.800
Handy 2 in 1 - 14 v
Almennt verð: 24.800
Verð nú: 19.800
Handy 2 in 1 - 18 v
Almennt verð: 29.800
Verð nú: 23.400
Elite Comfort
Almennt verð: 74.200
Verð nú: 58.800
Coupe Neo
Almennt verð: 26.800
Verð nú: 19.800
BAKSVIÐ
Guðni Einarsson
gudni@mbl.is
Ráðgert er að bæta aðstöðu til mót-
töku ferðamanna við vinsæla áfanga-
staði í Mývatnssveit. Þannig stendur
til að gera betri bílastæði, byggja
þjónustuhús með salernum og bæta
göngustíga við Hveri, eða Hvera-
röndina, austan Námafjalls og eins við
Hverfjall. Einnig á að bæta göngu-
stíga og bílastæði við Skútustaðagíga.
Þetta kemur fram í skipulagstillögum
sem hafa verið kynntar í Skútustaða-
hreppi.
Að auki er verið að kynna tillögu að
nýju deiliskipulagi fyrir þéttbýli
Reykjahlíðar í Mývatnssveit, tillögu
að deiliskipulagi við Sel hótel á Skútu-
stöðum, tillögu að breytingu aðal-
skipulags í Reykjahlíð og tillögu að
textabreytingu á aðalskipulagi Skútu-
staðahrepps 2011-2023.
Allar þessar skipulagstillögur voru
kynntar á almennum kynningarfundi í
Reykjahlíðarskóla við Mývatn í fyrra-
dag. Fámennt var á fundinum, að
sögn Guðrúnar Maríu Valgeirsdóttur,
sveitarstjóra Skútustaðahrepps. Hún
sagði fremur algengt að dræm aðsókn
væri á fundum um skipulagsmál. Eftir
er að fjalla um og afgreiða tillögurnar
í sveitarstjórn. Eftir það verða þær
auglýstar og þá gefst frestur í sex vik-
ur til að gera athugasemdir.
Bjarni Reykjalín, skipulags- og
byggingarfulltrúi Skútustaðahrepps,
sagði að óvenjulegt væri að kynna svo
margar skipulagstillögur á sama
tíma. Hann sagði að bæta ætti við
íbúðarhúsum í þéttbýli Reykjahlíðar
við Mývatn og því þyrfti nýtt deili-
skipulag. Um leið þyrfti að breyta að-
alskipulagi vegna breyttra forsendna
en breytingarnar væru ekki miklar.
Uppbygging undirbúin
Bjarni sagði að byggðin í Reykja-
hlíð væri orðin gömul og barn síns
tíma. Komin væru ný lög og reglu-
gerðir sem krefðust þess að skipu-
lagsmálin væru í föstum skorðum.
Í drögum að deiliskipulagi þéttbýl-
isins í Reykjahlíð segir m.a. að deili-
skipulagið nái til austurhluta Reykja-
hlíðarþéttbýlis. Svæðið er um 25,3
hektarar að flatarmáli. Þar er meg-
inhluti íbúarbyggðarinnar í Reykja-
hlíð ásamt verslunar- og þjónustu-
byggingum. Innan skipulagssvæð-
isins er gert ráð fyrir íbúðarbyggð og
helstu þjónustu á borð við leikskóla,
stjórnsýslu, heilbrigðisþjónustu og
verslanir. Athafna- og iðnaðarsvæði
er í austurjaðri svæðisins. Nú eru 59
íbúðarlóðir á svæðinu og sex lóðir
fyrir þjónustu, verslun og iðnað.
Nokkur íbúðarhúsanna eru nýtt í dag
fyrir þjónustustofnanir og fyrirtæki.
Nýju deiliskipulagstilllögurnar
vegna vinsælla ferðamannastaða í
Mývatnssveit ná til umhverfisskipu-
lags. Þetta á jafnt við um Skútu-
staðagíga, Hverfjall og Hveri, oft
kallaða Hverarönd, austan við
Námafjall. Í þessum tillögum eru
m.a. sýndar hugmyndir um nýjar
þjónustubyggingar og bílastæði.
Landeigendur láta deiliskipuleggja
svæðið við Hveri en Umhverfis-
stofnun við Skútustaðagíga og Hver-
fjall. Þá er verið að deiliskipuleggja í
kringum Sel hótel á Skútustöðum,
svæði sem liggur upp að deiliskipu-
lagi Skútustaðagíga. Einnig er verið
að heimila stækkun á hótelinu og
verslun á staðnum.
Bjarni sagði að mikil uppbygging
væri um þessar mundir í Mývatns-
sveit. Unnið væri að byggingu 80
herbergja hótels, Hótel Laxár, á
Olnbogaási í landi Arnarvatns. Stefnt
væri að því að opna hótelið 1. júlí
2014.
Tekið á skipulaginu við Mývatn
 Óvenjumargar skipulagstillögur kynntar í Skútustaðahreppi  Þjónustuhús og betri bílastæði við
fjölsóttar ferðamannaperlur  Þéttbýlið í Reykjahlíð fær nýtt deiliskipulag  Uppbygging hótela
Morgunblaðið/RAX
Mývatn Bæta á aðstöðu til að taka á móti ferðamönnum, m.a. með þjónustuhúsum, bílastæðum og göngustígum.
Áætlað er að 245.000 gestir
hafi komið að Mývatni árið
2012. Gert er ráð fyrir að þeim
muni enn fara fjölgandi. Flestir
þeirra heimsækja Skútustaða-
gíga og nýta bílastæði og þjón-
ustu við Sel Hótel á Mývatni.
Þetta kemur fram í greinar-
gerð með drögum að deiliskipu-
lagi vegna Sel Hótels.
Vegagerðin hefur gert tillögu
um að færa þjóðveginn fjær
hótelinu á um 400 m kafla. Út-
búnar verði gangbrautir yfir
veginn á tveim stöðum.
245.000
ferðamenn
GERT ER RÁÐ FYRIR FJÖLG-
UN GESTA VIÐ MÝVATN