Morgunblaðið - 12.12.2013, Síða 42
42 MENNING
MORGUNBLAÐIÐ FIMMTUDAGUR 12. DESEMBER 2013
David Wozniak (VinceVaughn) er kjötflutn-ingamaður sem hefði lík-lega verið rekinn fyrir
löngu ef það vildi ekki svo vel til að
pabbi hans ætti fyrirtækið. David
hefur steypt sér í miklar skuldir og
leitar ýmissa leiða til þess að geta
greitt þær. Á meðan bíður Emma,
kærastan hans (Cobie Smulders,
Robin úr How I met your mother-
þáttunum), hans með þær fregnir að
hún sé ólétt. Emma er þó ekki viss
um að David sé fær um að vera fað-
ir, þar sem hann er óáreiðanlegur.
Einn daginn kemur lögfræðingur
í heimsókn til Davids með þær
fregnir að af rúmlega 600 heim-
sóknum hans í sæðisbanka þegar
hann var tvítugur hafi verið getin
533 börn. David er því orðinn að
fimm hundruð barna föður, en getur
varla séð um sig sjálfur. Það sem
verra er: börnin eru nú orðin stálp-
uð og vilja vita hver það er sem hafi
gefið þeim líf, en nafnleys-
issamkomulag er í gildi.
David fær lista með nöfnum
barna sinna og fær hann þá flugu í
höfuðið, þvert á ráðleggingar vinar
síns og lögfræðings, að fylgjast með
því hvernig afkvæmunum reiði af,
án þess þó að kynna sig fyrir þeim
og lendir hann því í spaugilegum að-
stæðum við að bjarga lífi barna
sinna.
Myndin er endurgerð á fransk-
kanadísku myndinni Starbuck, sem
féll misjafnlega í kramið hjá gagn-
rýnendum. Það verður að segjast
eins og er að það er ekkert í end-
urgerðinni sem er betur gert en í
frummyndinni. Vince Vaughn er
hugljúfur í myndinni, í þessu hlut-
verki sem hann leikur alltaf um við-
vaninginn sem treystir á sjarma
sinn til þess að komast af.
Hlutverk Cobie Smulders í þess-
ari mynd er að vera pirraða og
ófyndna, kærastan. Ósjálfrátt fer
áhorfandinn að hugsa um fyndnu,
sjálfsöruggu konuna sem Smulders
hefur leikið í sjónvarpi síðustu níu
árin og veit þá að hún getur miklu
betur en þessi mynd leyfir. Það er
helst Andzrej Blumenfeld, einn
þekktasti leikari Pólverja, sem gerir
hlutverki sínu sem pabbi Davids
góð skil. Helsti galli myndarinnar er
kannski sá að hún er bara fín.
Myndin líður í gegn nokkuð átaka-
laust, en virkilega fyndnir brand-
arar voru af skornum skammti.
Mörg hugljúf atriði eru hins vegar
og við fáum að sjá David þroskast
við að verða mörg hundruð barna
faðir, en einhvers staðar þarna innst
inni leynist vísir að grínmynd sem
hefði getað orðið eftirminnileg en
nær því þó aldrei.
Grínskortur „[E]inhvers staðar þarna innst inni leynist vísir að grínmynd
sem hefði getað orðið eftirminnileg en nær því þó aldrei.“
Brandaralaus
grínmynd
Sambíóin
Delivery Man bbnnn
Leikstjóri: Ken Scott. Handrit: Ken
Scott og Martin Petit. Aðalhlutverk:
Vince Vaughn, Chris Pratt, Cobie
Smulders, Andzrej Blumenfeld. Banda-
ríkin 2013. 104 mínútur.
STEFÁN GUNNAR
SVEINSSON
KVIKMYNDIR
Silja Björk Huldudóttir
silja@mbl.is
„Þessi tónlist er aðallega hugsuð
fyrir börn, en ekki eingöngu. Þetta
er plata til að dunda sér við, leika,
dansa eða kúra við. Þetta er tónlist
sem börn og fullorðnir geta hlustað
saman á og notið,“ segir Sólrún
Sumarliðadóttir um plötuna Skýja-
fléttu sem hún sendi nýverið frá sér.
Lögin á plötunni samdi Sólrún fyrir
tvö dansverk fyrir yngstu börnin
sem sviðslistahópurinn Bíbí og
blaka setti upp, annars vegar Skýja-
borg sem frumsýnd var í Kúlunni
vorið 2012 og Fetta Bretta sem
frumsýnd var í Kúlunni haustið
2013.
Spurð um tilurð verkefnisins seg-
ir Sólrún að sig og Tinnu Grétars-
dóttur, danshöfund sýninganna
tveggja, hafi lengi langað til að vinna
saman. „Við Tinna erum búnar að
vera vinkonur í um 33 ár, eða allt frá
því við kynntumst þriggja ára á leik-
skóla. Árið 2009 unnum við saman
að innsetningu ásamt norskum
danshöfundi sem sýnd var á Reykja-
vík Dance Festival og svo aftur á
norrænu dans- og sviðslistahátíðinni
Keðju. Ári seinna urðum við báðar
ófrískar að okkar fyrsta barni og út
frá því fórum við að velta fyrir okkur
hvort ekki væri gaman að vinna
barnasýningu fyrir þennan yngsta
aldurshóp,“ segir Sólrún.
Jarðbundinn hljóðheimur
Spurð um vinnuferlið segist Sól-
rún hafa mætt á æfingar og orðið
fyrir áhrifum þar og í kjölfarið kom-
ið með tillögur að tónlist sem dans-
höfundurinn og dansararnir prufuðu
að vinna út frá. Í framhaldinu vann
hún tónlistina áfram þannig að hún
félli að þörfum flytjenda. „Lögin
sem enduðu á plötunni eru að form-
inu til ekki endilega eins og þau
hljómuðu í sýningunum þó stemn-
ingin sé sú sama,“ segir Sólrún og
heldur áfram til útskýringar: „Dans-
inn er svo lifandi listform, þannig að
lengdin á lögunum og dýnamíkin
þurfti að þjóna dansinum og upp-
byggingu dansverksins.“
Tónlistin er hljóðfæratónlist án
orða og því liggur beint við að spyrja
hvernig hún hafi valið hljóðfæra-
skipanina. „Ég vann tónlistina í tölv-
unni, en samt mestmegnis með lif-
andi hljóðfærum sem við Magnús
Trygvason Eliassen lékum á. Hljóð-
gjafarnir eru það sem ég er vön að
vinna með í amiinu. Við notum tals-
vert mikið t.d. sílófóna og hörpur,
sem ég notaði líka í tónlistinni í sýn-
ingunum tveimur. Fyrri sýningin,
Skýjaborg, gengur út á veður,
veðrabrigði og einhvern ævin-
týraheim. Þar vann ég því út frá
veðri og náttúruhljóðum auk þess
sem ég leitaði mér innblásturs í leik-
mynd Guðnýjar Hrundar Sigurð-
ardóttur. Í seinni sýningunni, Fetta
Bretta sem gengur út á upplifun á
formum, litum og snertingu, langaði
mig að hafa hljóðheiminn frekar ein-
faldan og jarðbundinn. Sem takt-
gjafa var ég mikið að vinna með
klapp og stapp,“ segir Sólrún.
Ekki er hægt að sleppa Sólrúnu
án þess að grennslast fyrir um hvort
sviðslistahópurinn Bíbí og blaka sé
með fleiri danssýningar fyrir yngstu
í bígerð. „Vonandi. Þetta hefur
gengið svo vel hingað til, viðtökur
verið frábærar og við ferðast tals-
vert, sérstaklega með Skýjaborg, út
fyrir landsteinana. Þetta er svo góð-
ur hópur að gaman væri að vinna
fleiri sýningar saman.“
Þess má að lokum geta að síðustu
tvær sýningarnar á Fettu Brettu
fyrir jól verða í Kúlunni laugardag-
inn 14. desember.
„Tónlist fyrir alla“
Sólrún Sumarliðadóttir sendir frá sér Skýjafléttu Tón-
list úr tveimur danssýningum fyrir yngstu áhorfendurna
Morgunblaðið/Kristinn
Formbreyting „Lögin sem enduðu á plötunni eru að forminu til ekki endilega eins og þau hljómuðu í sýningunum þó
stemningin sé sú sama,“ segir Sólrún Sumarliðadóttir sem hér sést í í leikmyndinni að Fettu Brettu í Kúlunni.
Suðurlandsbraut 50 (Bláu húsin við Faxafen) ◊ 108 Reykjavík ◊ Sími 588 4499 ◊ mostc.is ◊ Möst.C
Opið alla virka daga 12-18 og laugardaga frá 11-16
Tískuvöruverslun fyrir konur á öllum aldri
Allar peysur á 5000 kr. stk.
Flott í jólapakkann
BÆKUR AF AUSTURLANDI
www.holabok.is/holar@holabok.is
Einstök frásögn Jóns
Kristjánssonar af
stofnun, uppgangi og
dapurlegum örlögum
Kaupfélags Héraðsbúa.
Byggðasaga,
ábúendatal og ýmis
fróðleikur feðganna
Hrólfs Kristbjörnssonar
og Jóns Hrólfssonar um
Skriðdal.
Sagnameistarinn
Vilhjálmur
Hjálmarsson rifjar upp
bernsku sína og gerir
upp þingmanns- og
ráðherraferil sinn í
stuttu máli, auk þess
að eiga vantalað við
Seyðfirðinga.