Morgunblaðið - 12.12.2013, Blaðsíða 18

18 FRÉTTIRInnlent
MORGUNBLAÐIÐ FIMMTUDAGUR 12. DESEMBER 2013
Sigurður Bogi Sævarsson
sbs@mbl.is
Mér finnst skylda okkar að hjálpa
þeim sem höllum fæti standa. Allir
verða að eiga þess kost að halda
gleðileg jól og smákökurnar eru eitt
af því sem kemur með jólalyktina
inn á heimilin,“ segir Róbert Guð-
mundsson. Hann færði í vikunni sr.
Þór Haukssyni, sóknarpresti í Ár-
bæjarkirkju í Reykjavík, nokkra
skammta af smákökum og kleinum
sem útdeilt verður til fólks í sókninni
sem leitað hefur aðstoðar kirkj-
unnar. Bakkelsið fer til presta í fleiri
kirkjum, til dæmis í Hveragerði og
Vestmannaeyjum, og allt ætlað fólki
sem þarf hjálp til að eiga gleðileg jól.
Löngum stundum
við bakarofninn
„Fyrir þessi jólin baka ég um það
bil sextíu kíló af smákökum úr deigi
sem Jói Fel. lagði mér til fyrir lítið.
Fyrir þann stuðning vil ég þakka en
allt svona er í anda þess sem ég segi
um allt hjálparstarf, að margt smátt
gerir eitt stórt. Já, klukkutímarnir
eru margir sem ég hef staðið við
bakarofninn síðustu vikurnar og í
öðru stússi þessu tengdu, en þeim
tíma er sannarlega vel varið,“ segir
Róbert.
Viðmiðið í þessu góðgerðarstarfi
Róberts er að skammturinn til
hverrar fjölskyldu sé tólf kleinur og
fjörutíu smákökur af þremur sort-
um; negulkökur, piparkökur og
súkkulaðibitakökur. Þar sem aðeins
einn er í heimili er skammturinn að-
eins minni, en samt þannig útilátinn
að hver ætti að geta unað glaður við.
Flugeldar fyrir fanga
„Heimabakað góðgæti er alveg
ómissandi fyrir jólin,“ segir Róbert
sem hefur látið víðar taka til sín taka
með góðum verkum. Hefur til dæm-
is mörg undanfarin ár staðið fyrir
gleði á gamlárskvöld við Litla-
Hraun á Eyrarbakka svo fangarnir
þar eigi til jafns við frjálst fólk þess
kost að sjá flugelda. Fangelsið sé
þannig staðsett að þaðan sjáist ekki
þegar sýningin mikla byrjar um mið-
nættið. Fangaflugeldunum er hins
vegar skotið upp snemma kvölds og
hefur þessi skemmtun jafnan lukkast
vel.
Kökunum fylgir há-
tíðarlykt á heimilum
 Bakar 60 kíló af smákökum sem prestar í Árbæ og víðar
útdeila  Súkkulaðibitakökur, piparkökur og kleinur
Morgunblaðið/Rósa Braga
Jólabakstur Róbert Guðmundsson, til vinstri, afhendir sr. Þór Haukssyni
heimabakaðar kökur sem fara til fólks í Árbæjarhverfi sem þarf aðstoð.
Verkfræðistofan Mannvit hefur gef-
ið út veglega bók um 50 ára sögu fyr-
irtækisins og forvera þess. Atli Rún-
ar Halldórsson, fv. fréttamaður og
nú almannatengill hjá Athygli, ritar
bókina og útgáfustjóri er Sigurður
St. Arnalds, fv. stjórnarformaður
Mannvits. Bókin nefnist Framfarir í
50 ár, er 170 blaðsíður að lengd og
hana prýðir fjöldi mynda. Um sann-
kallaða jólagjafabók er að ræða þar
sem Mannvit gefur um 2.000 eintök
til starfsmanna sinna, viðskiptavina
og annarra áhugasamra um íslenskt
verkvit og sögu fyrirtækisins.
Á árunum 2007 og 2008 samein-
uðust þrjár verkfræðistofur í eitt
fyrirtæki, sem gefið var nafnið
Mannvit. Tvær þeirra voru stofn-
aðar árið 1963, eða Verkfræðistofa
Guðmundar og Kristjáns (VGK) og
Hönnun. Sú þriðja, Rafhönnun, var
stofnuð árið 1969.
Í formála segir Sigurður St. Arn-
alds m.a. að á þessari hálfu öld hafi
orðið gríðarlegar breytingar á at-
vinnuháttum, samfélagi og efnahag
á Íslandi. Rekstur verkfræðistof-
anna þriggja, og nú Mannvits, hafi
verið samofinn þessari þróun. Saga
Mannvits sé því hluti af atvinnusögu
Íslands síðustu 50 árin. bjb@mbl.is
Mannvit fagnar
50 árum með bók
Mannvit Atli Rúnar Halldórsson bókarhöfundur, Eyjólfur Árni Rafnsson,
forstjóri Mannvits, og Sigurður St. Arnalds kátir í útgáfuhófi fyrirtækisins.
Lifandi tónlist um helgar
Flamenco dans á fimmtudögum
Tapashúsið | Ægisgarður 2, 101 Reykjavík | info@tapashusið.is
NÝR OG SPENNANDI
JÓLAMATSEDILL
TAPASHÚSID BORDPANTANIR
Í SÍMA 512-8181
Draghálsi 14 - 16
110 Reykjavík
Sími 4 12 12 00
www.isleifur.is