Morgunblaðið - 21.12.2013, Blaðsíða 29
FRÉTTIR 29Viðskipti | Atvinnulíf
MORGUNBLAÐIÐ LAUGARDAGUR 21. DESEMBER 2013
FRÉTTASKÝRING
Kristinn Ingi Jónsson
kij@mbl.is
Dómur Hæstaréttar, svonefndur Toyota-dóm-
ur þess efnis að vaxtakostnaður vegna öfugs
samruna fyrirtækja sé ekki frádráttarbær frá
skatti, átti við um tilteknar afmarkaðar að-
stæður og er ekki víst að hann eigi við ef sam-
runinn felur í sér rekstrarlegan tilgang og
nær fram samlegðaráhrifum. Þetta segir Al-
exander Eðvardsson, forstöðumaður skatta-
sviðs KPMG, í samtali við Morgunblaðið.
Fjöldi fyrirtækja er til skoðunar hjá rík-
isskattstjóra sem hefur nú þegar krafið nokk-
ur, þar á meðal Icelandair Group, um að þau
greiði endurálagningu skatta. Skúli Eggert
Þórðarson ríkisskattstjóri vildi ekki tjá sig um
málið.
Herma heimildir Morgunblaðsins að rík-
isskattstjóri hafi úrskurðað í fjölda mála sein-
ustu vikur. Það stafi af því að um áramót fell-
ur niður heimild til endurálagningar vegna
ársins 2007.
Í fyrradag barst Icelandair Group úrskurð-
ur ríkisskattstjóra þar sem þess er krafist að
félagið greiði endurálagningu skatta. Þýðir
það að yfirfæranlegt tap félagsins muni
minnka um allt að 6,4 milljarða króna. Ef mál-
ið tapast fyrir dómstólum getur eigið fé fé-
lagsins minnkað um 1,3 milljarða króna. Ætla
stjórnendur félagsins að kæra úrskurðinn til
yfirskattanefndar.
Forsaga málsins er sú að félagið Bergey
keypti P. Samúelsson, eiganda Toyota á Ís-
landi, í desember árið 2005. Kaupin voru með-
al annars fjármögnuð með 3,3 milljarða króna
láni. P. Samúelsson tók síðan Bergey yfir með
öllum skuldum og eignum. Sameinað félag
taldi að vaxtagjöldin af láninu, sem Bergey
tók, væru frádráttarbær frá skatti. Ríkis-
skattstjóri felldi hins vegar þann úrskurð árið
2010 að slíkt væri óheimilt og krafði Toyota á
Íslandi um endurálagningu.
Félagið sætti sig ekki við úrskurðinn og
höfðaði mál á hendur íslenska ríkinu. Héraðs-
dómur féllst ekki á að vaxtagjöld væru frá-
dráttarbær frá skattgreiðslum og var Hæsti-
réttur sömu skoðunar.
Í samtali við Morgunblaðið í sumar sagði
ríkisskattstjóri að dómur Hæstaréttar væri
fordæmisgefandi og að fleiri sambærileg mál
væru til skoðunar.
Alexander Eðvardsson segir að dómur
Hæstaréttar sé skýr um að öfugur samruni
félags í kjölfar kaupa á félagi, sem gagngert
hefur verið stofnað til að kaupa það félag, sé
heimill en að vaxtagjöldin af lánum, sem tekin
séu til kaupa á dótturfélaginu, heimilist ekki
sem frádráttur í skattskilum sameinaða fé-
lagsins. „Þessi dómur er fordæmisgefandi fyr-
ir svoleiðis aðstæður,“ segir hann.
„Það voru tvö töfraorð í dómnum. Um leið
og hægt er að sýna fram á það – í einhverjum
öðrum tilvikum – að samruninn feli í sér
rekstrarlegan tilgang og nái fram samlegð-
aráhrifum, þá er spurning hvort þessi dómur
eigi nokkuð við,“ útskýrir hann. Því styrki það
stöðu fyrirtækja ef unnt sé að sýna fram á
rekstrarlegan tilgang og samlegðaráhrif sam-
runans.
„Dómurinn átti við um tilteknar afmark-
aðar aðstæður. Og af því að þessi eini dómur
hefur fallið vitum við ekki hvort hann eigi við
um fleiri tilvik eða aðrar aðstæður.“
Óvíst um fordæmisgildi dómsins
Morgunblaðið/Ómar
Skattar Ríkisskattstjóri hefur krafið mörg fyrirtæki um að greiða endurálagningu skatta.
Ekki er víst að hinn svonefndi Toyota-dómur eigi alltaf við, að mati skattasérfræðings hjá KPMG
Ríkisskattstjóri hefur undanfarið krafið fjölda fyrirtækja um að þau greiði endurálagningu skatta
Dómur Hæstaréttar
» Hæstiréttur felldi þann dóm fyrr á
árinu að vaxtakostnaður vegna öfugs
samruna fyrirtækja væri ekki frádrátt-
arbær frá skatti.
» Ríkisskattstjóri sagði að dómurinn
væri fordæmisgefandi.
» Forstöðumaður skattasviðs KPMG
segir að ekki sé víst að dómurinn eigi við
ef samruninn felur í sér rekstrarlegan til-
gang og nær fram samlegðaráhrifum.
» Ríkisskattstjóri krafði Icelandair Gro-
up í fyrradag um að greiða endurálagn-
ingu skatta.