Morgunblaðið - 21.12.2013, Blaðsíða 35
UMRÆÐAN 35
MORGUNBLAÐIÐ LAUGARDAGUR 21. DESEMBER 2013
Bæjarstjórn Kópa-
vogs samþykkti sam-
hljóða í síðasta mánuði
að stofna starfshóp
sem hefur það hlutverk
að fara yfir stöðu hús-
næðismarkaðar. Hóp-
urinn skal meðal ann-
ars skoða fyrirkomulag
fjármögnunar til kaupa
á eigin húsnæði, upp-
byggingu og stöðuna á
leigumarkaðnum og stöðu fé-
lagslegs húsnæðis. Nú ber svo við
að bæjarfulltrúarnir Gunnar Ingi
Birgisson og Guðríður Arnardóttir,
sem hvorugt mun bjóða sig fram til
áframhaldandi setu í bæjarstjórn,
gera lítið úr þeirri vinnu sem fram-
undan er enda telja þau sig bæði
hafa hina einu réttu lausn og botna
ekkert í okkur hinum að vilja fara
betur ofan í málin! Það er svo sem
ekki í fyrsta skiptið sem við heyr-
um þann tón frá þeim skötuhjúum.
Bæði saka þau mig um að vera
seinan til ákvarðanatöku í þessum
málum. Vel má vera að ég taki mér
lengri tíma en þau kjósa til að sam-
þykkja meiriháttar fjárfestingar
Kópavogsbæjar í húsnæði og finna
má mörg dæmi þar sem þau hafa
tekið ákvarðanir í flýti. En dæmin
eru líka mörg þar sem flumbru-
gangur Gunnars og Guðríðar hefur
leitt til afdrifaríkra afleiðinga fyrir
bæði tvö. Ég mun ekki endilega
taka þau mér til fyrirmyndar.
Vandamál á landsvísu
Íslenski húsnæðismarkaðurinn er
ekki aðeins til skoðunar hjá Kópa-
vogsbæ. Önnur sveitarfélög standa
frammi fyrir sams-
konar aðstæðum og af
hálfu ríkisstjórnar Ís-
lands er nú unnið að
framtíðarskipan hús-
næðismála. Að því
verkefni koma fjöl-
margir aðilar, þar á
meðal fulltrúar sveit-
arfélaganna. Málin
eru flóknari en svo að
þau verði leyst með
því að Kópavogsbær
byggi tvö fjölbýlishús,
eins og tillaga Gunnars Birgissonar
gengur út á og Guðríður Arn-
ardóttir vill taka undir en þó ekki!
Þá virðist Guðríður alltaf gleyma
því að hún var oddviti síðasta
meirihluta hér í Kópavogi og á
þeim tíma gerðist ekkert í lof-
orðum Samfylkingarinnar í hús-
næðismálum. Ekkert var unnið í
því loforði frekar en svo mörgum
öðrum.
Í svo stórum og fjárfrekum mál-
um sem húsnæðismálin eru þarf að
vanda til verka enda er verið að
horfa til langrar framtíðar af hálfu
ríkisstjórnar. Sem ég tel að sé rétt
nálgun. Ákvæði laga um fjármál
sveitarfélaga setja þeim miklar
skorður. Kópavogsbær er enn of
skuldsettur, þótt vel hafi gengið að
lækka skuldir undanfarið, og það
gengur þvert gegn gildandi lögum
að ráðast í miklar fjárfestingar í
íbúðarhúsnæði. Þetta vita bæði
Gunnar og Guðríður en láta sig
litlu varða.
Óperunefnd Gunnars
kostaði 44 milljónir
Gunnar Birgisson gerir mikið úr
því að tillögu hans hafi verið vísað
til nefndar og lætur að því liggja
að það sé nánast regla að svæfa
mál í nefnd. Þessu vísa ég alger-
lega til föðurhúsanna. Stjórn-
unarstíll okkar Gunnars er eflaust
um margt ólíkur en í tíð núverandi
meirihluta hefur miklu verið áork-
að. Það sem helst hefur tafið störf
okkar er þó það að Gunnar Birg-
isson hefur lítinn þátt tekið í störf-
um meirihlutans, spilað sóló á
fundum bæjarstjórnar og nánast
ekki mætt á vikulega samráðsfundi
bæjarfulltrúa meirihlutans á þessu
ári. Samstarfsflokkar okkar sjálf-
stæðismanna í meirihlutanum hafa
sýnt okkur ótrúlega þolinmæði
vegna þessa. Gunnar er þó ekki
óvanur að vinna mál í nefndum.
Skemmst er að minnast óperu-
nefndarinnar frægu, sem Gunnar
stýrði, og vann að byggingu óp-
eruhúss sem aldrei reis þó. Kostn-
aður við nefndina nam 44 millj-
ónum króna á verðlagi dagsins í
dag. Einu get ég lofað. Starfshópur
um húsnæðismarkað mun ekki
kosta bæjarsjóð tugi milljóna
króna en árangur af starfi hans
verður meiri en af starfi óperu-
nefndar Gunnars.
Gunnar og Guðríður á hraðferð
Eftir Ármann Kr.
Ólafsson
» Íslenski húsnæðis-
markaðurinn er
ekki aðeins til skoðunar
hjá Kópavogsbæ.
Önnur sveitarfélög
og ríkisstjórnin standa
frammi fyrir samskonar
aðstæðum.
Ármann Kr. Ólafsson
Höfundur er bæjarstjóri Kópavogs.
Jólagjöfin
vínilplötur næst mesta úrval landsins
plötulspilarar
frá 36.700.-
hljomsyn.com
Ármúla 38 | Sími 588 5010 | Opið alla daga til jóla til kl. 20.00
Sjá nánar um tónleikana
á www.rotary.is.
Miðasala: midi.is
Alina Dubik og Jónas Ingimundarson
flytja efnisskrá með söngvum eftir Tsjækovski,
Glinka, Chopin o.fl. og Sígaunalögin eftir
Dvorák.
Afhending tónlistarverðlauna Rótarý 2014.
Verðlaunahafinn, Lára Bryndís Eggertsdóttir
organisti, leikur d moll Tokkötu Bachs.
Sveinn Einarsson leikstjóri og rithöfundur
flytur þýðingar á öllum textum kvöldsins.
í Langholtskirkju
Föstudaginn 3. janúar kl. 20
Stórtónleikar
Rótarý2014
Aukablað alla
þriðjudaga