Morgunblaðið - 21.12.2013, Blaðsíða 55
MENNING 55
MORGUNBLAÐIÐ LAUGARDAGUR 21. DESEMBER 2013
Frumleg sýn á ævintýrin
Grimmsystur: Úlfur í sauðargæru
bbbbn
Texti: Michael Buckley.
Teikningar: Peter Ferguson.
Íslensk þýðing: Birgitta Elín Hassell og Marta
Hlín Magnadóttir. Bókabeitan, 2013. 289 bls.
Hér komin önnur bók-
in í níu bóka seríu Mich-
aels Buckley um Grimm-
systurnar Sabrínu og
Dagnýju sem kom út í
Bandaríkjunum á ár-
unum 2005-2012 við afar
góðar viðtökur. Syst-
urnar búa hjá ömmu
sinni, Reldu, í Álftavík
eftir að foreldrar þeirra
hurfu sporlaust. Eina vísbendingin var blóð-
rautt handarfar sem mun vera merki Skarlats-
rauðu handarinnar, sem er uppreisnarflokkur
Eilífinga, en þeir eru ævintýra- og þjóðsagna-
persónur sem Vilhjálmur Grimm, forfaðir Sa-
brínu og Dagnýjar, fangaði með galdri í Álfta-
vík með aðstoð galdranornarinnar Böbu Jögu.
Úlfur í sauðargæru segir frá upphafi skóla-
göngu Sabrínu og Dagnýjar í grunnskóla
Álftavíkur. Þegar einn kennari skólans finnst
myrtur og allt virðist benda til þess að risa
könguló sé þar að verki er úr vöndu að ráða og
stórhættulegt verkefni bíður systranna.
Buckley vinnur í þessum vandaða og
skemmtilega bókaflokki sínum á skapandi hátt
með ævintýra- og þjóðsagnaarfinn og mega
lesendur seríunnar búast við því að sjá sumar
af ástsælustu sem og alræmdustu ævintýra-
persónum bókanna í nýju ljósi. Höfundur er
lunkinn við að halda uppi spennu með hæfilegu
magni af eltingarleikjum og átökum. Ekki er
nauðsynlegt að lesa bækur seríunnar í réttri
röð, því höfundi tekst vel að rifja á hnitmið-
aðan hátt upp það sem á undan er gengið, en
vissulega er ánægjulegast að lesa bækurnar í
réttri röð og fylgjast þannig með þróun systr-
anna í afstöðu þeirra til ævintýraheimsins.
Myndir Peters Ferguson eru skemmtilegar.
Þýðing Birgittu Elínar Hassell og Mörtu Hlín-
ar Magnadóttur er sérlega vönduð og frágang-
ur allur á bókinni til mikillar fyrirmyndar.
Enginn áhugamaður um klassísk ævintýri ætti
að láta Grimmsystur framhjá sér fara, enda
sannkallaður yndislestur hér á ferð.
Flaustursleg spennusaga
Möltugátan
bbmnn
Eftir Jørn Lier Horst. Íslensk þýðing: Sigurður
Helgason. Draumsýn bókaforlag, 2013. 171 bls.
Möltugátan er önnur
bókin í CLUE-bóka-
flokknum um táningsvin-
ina Ceciliu, Leo og Une
og hundinn Egon sem
lenda í ótrúlegum æv-
intýrum í smábænum
Skútuflóa í Noregi. Ce-
cilia vinnur á gistiheimili
sem faðir hennar rekur í
bænum og þar fylgist
hún með dularfullum
gestum sem hafa mikinn áhuga á ársgömlu,
umfangsmiklu ráni á skartgripaverslun í Osló.
Eini ræninginn sem náðist, þó án ránfengsins,
ólst upp í Skútuflóa og þegar hann flýr út
fangelsinu grunar táningana að hann leiti í fel-
ur í heimabæ sínum og hafi jafnvel falið ráns-
fenginn þar. Samhliða þessu er Cecilia að
reyna að komast að því hvort drukknun móður
hennar í fyrstu bókinni hafi verið slys eða
morð.
Jørn Lier Horst er laginn við að byggja upp
spennu og bókin því hinn ágætasta afþreying.
Stundum fer höfundur þó fram úr sér við að
skapa spennu og undirbyggir plottið ekki nógu
vel. Þessi fljótaskrift frá höfundarins hendi er
því miður líka einkennandi þegar kemur að ís-
lensku útgáfunni, því þar úir og grúir af inn-
sláttarvillum sem auðveldlega hefði mátt laga í
prófarkalestri.
Vel heppnað samstarf
Gummi fer í fjöruferð
bbbbn
Texti: Dagbjört Ásgeirsdóttir.
Myndir: Karl Jóhann Jónsson.
Óðinsauga, 2013. 34 bls.
Mikill fengur er að bókum Dagbjartar Ás-
geirsdóttur og Karls Jóhanns Jónssonar um
ævintýri Gumma og Rebba. Í þessari þriðju
bók um þá félaga fara
þeir í fjöruferð og
finna löngu gleymdan
helli þar sem leynast
gömul mannabein.
Þegar flæðir að lokast
þeir inni í hellinum og
þá eru góð ráð dýr. En
þegar neyðin er stærst
er hjálpin ævinlega
næst. Meðan Gummi
bíður björgunar birtist honum sjávardís sem
segir honum sögu af tröllkarli sem varð hug-
fanginn af heimasætu í sveitinni.
Dagbjört skrifar lipran og skemmtilegan
texta og á auðvelt með að setja sig í spor að-
alsögupersónunnar. Hún leggur sig greinilega
fram um að nota blæbrigðaríkt tungumál sem
gefur foreldrum kærkomið tækifæri til að út-
skýra ýmis orð og orðasambönd fyrir ungum
lesendum. Myndir Karls Jóhanns eru afar
tjáningarríkar og líflegar. Vonandi heldur hið
góða og gefandi samstarf Dagbjartar og Karls
Jóhanns áfram sem lengst.
Glæpir og ævintýri
Yfirlit yfir nýútkomnar íslenskar og
erlendar barna- og unglingabækur
Silja Björk Huldudóttir silja@mbl.is
Samstarf „Vonandi heldur hið góða og gefandi samstarf Dagbjartar og Karls Jóhanns áfram
sem lengst,“ segir m.a. í umsögn um nýjustu bók þeirra sem nefnist Gummi fer í fjöruferð.
Lækjargata 2a og Vesturgata 2a 101 Reykjavík. Opið frá 9 - 22 alla daga
14.995 4.995 4.395
5.995
4.9952.995
3.495
16.995 10.995 4.995
Opnunartími IÐU í Lækj rgötu 20. - 23. desemb r 9.00 - 23.00. Aðfangadagur 9.00 - 14.00