Morgunblaðið - 21.12.2013, Blaðsíða 26

26 FRÉTTIRInnlent
MORGUNBLAÐIÐ LAUGARDAGUR 21. DESEMBER 2013
HEILL HEIMUR AF
HÖNNUNARVÖRUM
Bankastræti 4 I sími: 551 2770 I sími: www.aurum.is
Aðalmeðferð í máli ákæruvaldsins
gegn Stefáni Loga Sívarssyni, Stef-
áni Blackburn og þremur öðrum
hélt áfram fyrir Héraðsdómi
Reykjavíkur í gærmorgun. Tvö
vitni gáfu skýrslu og snerist þing-
haldið að mestu um líkamsárás sem
aðeins Stefán Blackburn er ákærð-
ur fyrir.
Stefáni Blackburn er gefið að sök
að hafa ráðist með ofbeldi á karl-
mann fyrir utan skemmtistaðinn
Faktorý í miðborg í Reykjavíkur í
sumar. Myndbandsupptaka úr ör-
yggismyndavél var spiluð í morgun
og sést þar þrekvaxinn maður fara
mikinn fyrir utan skemmtistaðinn.
Hljóp hann svo að karlmanni sem
stóð þar, veitti honum hnefahögg í
líkama og skallaði hann í andlitið.
Maðurinn, brotaþoli, kom fyrir
dóminn í morgun og staðfesti að
hann þekkti sig á upptökunni.
Hann sagðist ekki hafa þekkt árás-
armanninn en á vettvangi hefði
honum verið sagt að þar hefði verið
að verki Stefán Blackburn. Mað-
urinn nefbrotnaði og hlaut glóðar-
auga þegar hann var skallaður í
andlitið.
Arngrímur Ísberg dómsformaður
spurði því næst hvort hann sæi
árásarmanninn í salnum og benti
maðurinn á Stefán Blackburn.
Þá var hann spurður að því hvort
honum hefði verið hótað vegna
málsins. Maðurinn dró nú úr því en
sagði engu að síður að hringt hefði
verið í hann í sumar. „Það var ein-
hver sem hringdi og spurði hvort
ég væri búinn að kæra. […] Hann
sagði að það væri best fyrir mig að
vera ekkert að kæra.“
Stefán Blackburn neitar sök
„Stefán, ert þetta þú þarna á
hvíta bolnum?“ spurði Arngrímur
Stefán Blackburn eftir að upptakan
var spiluð. „Nei, ég myndi þekkja
sjálfan mig,“ svaraði Stefán sem
þvertekur fyrir að hafa ráðist á
manninn umrætt sinn.
Það ætti þó ekki að vera erfitt að
sannreyna enda maðurinn á upp-
tökunni með áberandi húðflúr á
hendi sem vel var sjáanlegt á upp-
tökunni. Stefáni var þó ekki gert að
bretta upp ermar í dómsal í morg-
un.
Stefán Karl Kristjánsson, verj-
andi Stefáns, gerði einnig lítið úr
sakbendingunni og spurði brotaþola
hvort hann hefði fylgst með fram-
vindu málsins í fjölmiðlum und-
anfarið. Játti maðurinn því og sagð-
ist í raun ekki hafa komist hjá því,
svo mikil væri umfjöllunin. Spurði
verjandi Stefán því næst hvort
hann hefði séð myndir af Stefáni í
fjölmiðlum og játti maðurinn því
einnig.
Heldur áfram í janúar
Þá kom fyrir dóminn læknir sem
skoðaði annað fórnarlambið sem
kemur fyrir í alvarlegasta ákæru-
liðnum og kenndur er við Stokks-
eyri. Staðfesti læknirinn vottorð
sitt og að áverkar á hendi gætu
samrýmst því að hann hefði verið
skorinn með eggvopni. Um hefði
verið að ræða langan og djúpan
skurð sem sést hefði sjö dögum eft-
ir árásina.
Ástæða þess að vitnin tvö voru
leidd fyrir dóminn í gær er að ann-
að þeirra býr erlendis en dvelur á
Íslandi yfir jólin og hitt er mikið
erlendis vegna starfa sinna. Aðal-
meðferðin heldur svo áfram 13. jan-
úar næstkomandi og verður þá tek-
in skýrsla af fleiri vitnum. Að því
loknu fer fram munnlegur málflutn-
ingur og verður málið í kjölfarið
dómtekið, rúmum mánuði eftir að
aðalmeðferð hófst.
Morgunblaðið/Rósa Braga
Í járnum Stefán Blackburn leiddur inn í dómsal Héraðsdóms Reykjavíkur.
Hann er ákærður fyrir sérstaklega hættulegar árásir og frelsissviptingu.
Þvertók fyrir að sjást
á myndbandsupptöku
 Aðalmeðferð í Stokkseyrarmálinu svonefnda hélt áfram
Stokkseyrarmál
» Fimm menn eru ákærðir fyr-
ir stórfelldar líkamsárásir og
frelsissviptingu, Stefán Logi
Sívarsson, Stefán Blackburn,
Davíð Freyr Magnússon, Hinrik
Geir Helgason og Gísli Þór
Gunnarsson.
» Mennirnir sögðust flestir
hreinlega ekki muna atvik.
Sumir báru við að geta ekki
munað atvik vegna þess að
þeir voru undir áhrifum vímu-
efna nefnt sinn. Einn sagði bíl-
slys ástæðu þess að hann væri
haldinn minnisleysi.
» Til stóð að réttarhöldin
stæðu í þrjá daga, frá 9. des-
ember til 11. desember. Ljóst
var á fyrsta degi að sú dagskrá
stæðist ekki enda vitni í út-
löndum og önnur týnd.
Samkeppniseftirlitið er ósammála
lagatúlkun og forsendum Héraðs-
dóms Reykjavíkur í máli kjöt-
vinnslufyrirtækjanna Síld og fiskur
ehf. og Matfugl ehf. og ætlar að
skjóta málinu til Hæstaréttar.
Í febrúar 2012 staðfesti áfrýj-
unarnefnd samkeppnismála þá nið-
urstöðu eftirlitsins að kjötvinnslu-
fyrirtækin Síld og fiskur ehf. og
Matfugl ehf. hefðu brotið gegn
banni samkeppnislaga við ólög-
mætu samráði með því að hafa við
Bónus nána samvinnu um smá-
söluverð Bónuss og afslætti frá því.
Einnig var staðfest sú niðurstaða
að rétt hefði verið að leggja sekt á
Langasjó ehf. vegna þessara brota.
Síld og fiskur og Matfugl eru 100% í
eigu Langasjávar og það því móð-
urfélag þeirra. Í samkeppnisrétti er
að öllu jöfnu litið á móður- og dótt-
urfélag sem er alfarið í eigu þess
sem eitt og sama fyrirtækið.
Samkvæmt dómi Héraðsdóms
Reykjavíkur í gær var ekki heimilt
að leggja sekt á Langasjó. Eðlilegra
hefði verið að leggja hana á dótt-
urfélögin.
Samkeppniseft-
irlitið áfrýjar til
Hæstaréttar