Morgunblaðið - 30.12.2013, Page 11

Hundafjölskylda (f.v.) Guðmundur Adam, Lena Rut, Geir Gígja og Jónína Einarsdóttir ásamt fjölskylduhundinum
Ronju. Fjölskyldan stundar nú meiri útveru eftir að ferfætlingurinn bættist við hópinn.
sem sagt að hafa allar upplýsingar
um hunda á einum stað.“
Geir hefur nú hafið samstarf við
nokkra hundaþjálfara sem munu
reglulega skrifa pistla á síðuna. Þó að
vefurinn sé enn ungur eru notendur
orðnir margir og augljóst að þörf var
á upplýsingasíðu sem þessari. Geir
segir að aðeins fáum dögum eftir að
vefurinn fór í loftið hafi lesendur farið
að senda inn fyrirspurnir. „Við vorum
spurð hvort við vissum ráð við hinu
og þessu og þar sem við erum í raun
engir sérfræðingar kom upp sú hug-
mynd að fá sérfræðinga til liðs við
okkur til að svara spurningum les-
enda.“
Sérfræðingar svara
spurningum
Það gekk vel og núna er hafið
samstarf við dýrahjúkrunarfræðing
og hundaatferlisfræðing. „Þau munu
svara spurningum lesenda sem á
þeim brenna.“ Spurningarnar er
hægt að senda inn í gegnum vefinn
bestivinur.is eða á Facebook-síðunni:
www.facebook.com/bestivinur.
Á síðunni má finna lista yfir
hundasvæði sveitafélaganna. Geir
segir að undanfarið hafi slíkum svæð-
um fjölgað töluvert. „Svæði eru mjög
víða á höfuðborgarsvæðinu en svo
eru ákveðnir landshlutar þar sem þau
eru fá, t.d. á Vesturlandi og Vest-
fjörðum. Þar þyrfti að bæta úr.“
Geir bendir á að nú séu komin
tvö hundasvæði á Akureyri og nokk-
ur á Austurlandi. Sem dæmi um góð
hundasvæði nefnir hann svæðið á
Akranesi og í Hveragerði.
Ferðamenn þurfa upplýsingar
„Í mínum huga snýst þetta ekki
bara um íbúana í hverju sveitarfélagi,
þeir vita sjálfsagt flestir hvar hunda-
svæðin eru. En þegar þú ert á ferða-
lagi með hundinn þinn er gott að geta
fundið upplýsingar um slík svæði, þar
sem þú getur með góðri samvisku
sleppt hundinum lausum. Þetta er
ákveðin þjónusta sem dregur hunda-
eigendur á ferðalagi að. Það hlýtur að
vera gott fyrir hvert sveitarfélag.“
Geir segir að sífellt fleiri tjald-
svæði leyfi hunda en þá þurfa þeir að
vera í taumi og eigendur þeirra að
þrífa upp eftir þá. „Þar verðum við
hundaeigendur að sýna gott fordæmi,
en því miður er alltaf einn og einn
sem gerir það ekki og það skemmir
fyrir okkur hinum.“
Hundaeigendur sýni ábyrgð
Geir segir að mjög mikilvægt sé
að hundaeigendur sýni ábyrgð, fari
með hundana sína á hvolpanámskeið
og jafnvel fleiri námskeið sem eru í
boði, s.s. taumgöngunámskeið. Það
gerði hann með tíkina Ronju og hafði
hún mjög gott af því.
En hvað er svona skemmtilegt
við það að eiga hund?
„Í fyrsta lagi þá hefur hún Ronja
orðið til þess að við fjölskyldan stund-
um meiri útivist en áður. Þarna er
einhver sem kallar eftir því að maður
fari út í gönguferðir. Hún hefur því
aukið lífsgæði okkar mikið.“
Hann segir Ronju vera hluta af
fjölskyldunni. Dóttir hans sem er sjö
ára og Ronja eru bestu vinir og á milli
þeirra ríkir mikið traust. „Hún getur
legið utan í henni og gert nánast hvað
sem er, Ronja lætur sér það vel
lynda. Á milli þeirra er einstök vin-
átta.“
Fjörug Ronja er fjörugur hundur.
www.bestivinur.is
DAGLEGT LÍF 11
MORGUNBLAÐIÐ MÁNUDAGUR 30. DESEMBER 2013
Sennilega er ekki ofsögum sagt að
sjaldan seljist fleiri leikföng en ein-
mitt í desember. Það er kúnst að
velja leikföng sem bæði hæfa aldri
barnanna og þroska
þeirra.
Viss hætta getur
falist í því að leyfa of
ungum börnum að
leika sér með leikföng
fyrir eldri börn. Af þeirri
ástæðu er til merki með rauðri línu
yfir barn og stafina 0-3.
Forvarnasvið Sjóvár hefur sér-
staklega bent á mikilvægi þess að
gefa merkinu gaum og gefið út eft-
irfarandi lista yfir það sem gott er að
hafa í huga til að draga úr hættu á
köfnun vegna smáhluta.
 Leikföng sem ekki eru ætluð börn-
um yngri en þriggja ára eiga að
vera sérstaklega merkt ásamt við-
vörun um hættuna.
 Togaðu í hnappa og hár tuskudýra,
það á ekki neitt að losna af.
 Klipptu af miða sem eru langir og
geta farið upp í munn barna.
 Blöðrur eru ekki æskilegar fyrir
börn yngri en átta ára, hentu þeim
þegar loftið fer að minnka í blöðr-
unni eða hún springur.
 Leikföng sem gefa frá sér hljóð er
ekki æskilegt að setja upp að eyr-
um ungbarna.
 Lestu vel viðvörunarmerkingar og
leiðbeiningar sem fylgja leik-
fanginu.
 Skoðaðu sérstaklega vel aldurs-
viðvaranir.
 Allar varúðarmerkingar sem fylgja
leikföngum barna eiga að vera á
íslensku.
 Hentu strax umbúðum utan af
leikföngum.
 Leikföngum fylgja oft teygjur og
vírar sem geta verið varasöm
börnum.
 Leikföng eiga að þola hnjask.
Hentu þeim sem brotna eða eru
ónýt.
 Ekki lengja í böndum sem eru á
leikföngum.
 Segulleikföng henta ekki börnum
yngri en átta ára.
 Flokkaðu leikföngin ef þú ert með
börn á mismunandi aldri þannig að
yngri börn hafi ekki aðgang að
smáhlutum.
 Leikföng sem ætluð eru börnum
yngri en 14 ára eiga að vera CE-
merkt.
 Merkingin þýðir að leikfangið upp-
fyllir allar lágmarkskröfur sem
gerðar eru til þess.
Leikföng sem hæfa aldri barna
Morgunblaðið/Kristinn
Hættulegt? Gæta þarf að yngstu börnin stingi ekki smáhlutum upp í sig.
Geta leikföng reynst hættuleg?
Listvinafélag Hallgrímskirkju býður í
21. skipti upp á hátíðartónleika á
gamlársdag. Tónleikarnir hefjast
klukkan 17:00 og einkennast þeir af
lúðraþyt og trumbuslætti.
Flest verkanna sem leikin verða
eru frá barrokktímabilinu og að
þessu sinni eru það trompetleikar-
arnir Ásgeir H. Steingrímsson, Eiríkur
Örn Pálsson og Einar St. Jónsson,
pákuleikarinn Eggert Pálsson og
Hörður Áskelsson kantor og organisti
sem leika saman.
Á efnisskránni eru fanfarar og há-
tíðleg tónlist á borð við forleikinn að
Te Deum eftir Charpentier og Canti-
corum jubilo úr óratoríunni Samson
eftir Händel. Orgelunnendur iða
sennilega í skinninu af spenningi yfir
að heyra Hörð leika hina þekktu Tok-
kötu í d-moll eftir Bach og Adagio
eftir Albinoni sem Ítalinn Giazotto
umritaði.
Hörður Áskelsson hefur verið org-
anisti og kantor Hallgrímskirkju allt
frá því hann lauk framhaldsnámi í
Düsseldorf í Þýskalandi árið 1982.
Hann er einn þeirra sem stóðu að
stofnun Listvinafélags Hallgríms-
kirkju, Kirkjulistahátíðar og Al-
þjóðlega orgelsumarsins.
Hátíðarhljómar við áramót klukkan
17 í Hallgrímskirkju á morgun, gaml-
ársdag.
Síðustu tónleikar ársins í Hallgrímskirkju
Morgunblaðið/Ómar
Hátíðlegt Hér má sjá Hallgrímskirkju undir Vífilfelli á fögrum vetrardegi.
Hátíðarhljómar á gamlársdag
Skoðaðu úrvalið
www.jens.is Síðumúla 35
Kringlunni og
Íslensk hönnun og handsmíði - Falleg gjöf
Sérsmíðaðir skartgripir með íslenskum náttúrusteinum