Morgunblaðið - Sunnudagur - 15.12.2013, Page 15

15.12. 2013 MORGUNBLAÐIÐ SUNNUDAGUR 15
Mikið úrval af vinsælu
Kartell borðlömpunum
stórir og smáir í mörgum litum
Frábærir í jólapakkann
Take
Hönnun: Ferruccio Laviani
Verð 17.500.- stk
Skeifunni 8 | Kringlunni | sími 588 0640 | casa.is
Opið í Skeifunni alla
sunnudaga fram að
jólum frá kl.13-16
BOURGIE
Hönnun: Ferruccio Laviani
Svartur 49.000,-
Silfur 74.000,-
Glær 49.000,-
stæðismenn á Suðurlandi höfðu í stórum
stíl kosið Framsókn því fylgið hrundi af
Sjálfstæðisflokknum en Framsókn vann
eftirminnilegan sigur.“
Hvernig líst þér á ríkisstjórnina?
„Mér líst vel á hana. Ég kaus Fram-
sókn í síðustu kosningum og þar áður
kaus ég Vinstri græna vegna þess að
Steingrímur var svo ákveðinn í því að
koma ekki nálægt Evrópusambandinu.
Hann sveik það loforð og ég mun ekki
kjósa Vinstri græna aftur. Ég er sjálf-
stæðismaður en Sjálfstæðisflokkurinn er
loðinn í of mörgum málum, eins og til
dæmis gagnvart Evrópusambandinu en
innganga í það myndi ganga frá þjóðinni.
Sumir þingmenn flokksins fylgja svo ekki
samþykktum landsfundar. Icesave er besta
dæmið um það. Svo eru Grímsstaðir á
Fjöllum þar sem átti að gefa kínverska
heimsveldinu stóran hluta af hálendinu og
búa til kínverska túristaparadís. Og sjálf-
stæðisleiðtogar fyrir norðan urðu yfir sig
hrifnir en Ögmundur Jónasson stöðvaði
málið enda ekkert blávatn, sá maður, og í
hópi bestu þingmanna. Nú er deilt um
flugvöllinn í Vatnsmýrinni en margir vilja
koma honum í burtu. Gersemi hverrar ein-
ustu borgar í heiminum er flugvöllur, en
fulltrúar Sjálfstæðisflokksins í borginni
voru ekki á móti því að hann yrði fluttur
úr Vatnsmýrinni.
Staða Sjálfstæðisflokksins er ekki nógu
góð, samanber að hann er með 23 prósent
fylgi á landsvísu. Ef Sjálfstæðisflokkurinn
ætlar að komast hjá því að verða smá-
flokkur sem alltaf verður hafður úti í
horni verður hann að taka sín mál til al-
varlegrar skoðunar.“
Hvað er að?
„Það vantar foringja og þeir eru ekki
auðfundnir. Reyndar vantar alla íslensku
stjórnmálaflokkana verulega sterka foringja
en þeir eiga hins vegar góða fótgönguliða.
Við þurfum ekki fólk sem er nýútskrifað
úr lögfræði heldur fólk með lífsreynslu.
Sterkustu stjórnmálamenn Evrópu á 20.
öld voru gamalmenni, Churchill varð for-
sætisráðherra 66 ára og aftur 77 ára til
81 árs. Adenauer varð kanslari Þýskalands
og tókst að reisa Þjóðverja til virðingar
meðal þjóðanna og sagði af sér 87 ára
gamall.
Það er of mikil æskudýrkun í pólitíkinni,
en það er lífsreynslan sem er svo mikils
virði. Ég var einu sinni ungur og hafði
ekkert vit á hlutunum en núna gæti ég
stjórnað. Það góða við að eldast er að
maður öðlast þroska og reynslu. Ég hef
upplifað ótalmargt, þótt ég hafi ekki sama
líkamlega þrek og þegar ég var ungur og
reri fjórar vetrarvertíðir í Þorlákshöfn.
Ég hef séð breytta tíma. Nú eru margir
unglingar illa læsir fimmtán ára. Enginn
af þeim sérfræðingum sem ræða um það
vandamál virðist koma auga á það sem
blasir við, sem er að unga fólkið liggur í
tölvum og sjónvarpi og gefur sér þess
vegna ekki tíma til að lesa. Nú fer ungt
fólk ekki í sveit en það var hið stóra lán
mitt og jafnaldra minna að fara í sveit og
vera með gömlu fólki og læra af því
tungutak. Ólafur Þorláksson á Hrauni í
Ölfusi var merkur og góður bóndi. Hann
sagði eitt sinn við mig: „Það eru sendir til
mín óknyttastrákar úr Reykjavík sem eng-
inn ræður við og það bregst ekki að ég
skila þeim um haustið sem úrvalsmönnum.
Þessir strákar þurfa að fá útrás og ráða
sér sjálfir svo ég læt þá bara á traktor-
inn.“ Þetta var alveg rétt hjá Ólafi, það
gerir öllum gott að vera einhvern tíma í
sveit. Að vera í sveit hjá góðu fólki er
þroskandi og góður skóli.“ Morgunblaðið/Árni Sæberg