Morgunblaðið - Sunnudagur - 15.12.2013, Qupperneq 53

Morgunblaðið/Einar Falur
fólk hafði önnur úrræði en vinnumennsku.
En það var alltaf nóg að gera hjá okkur.“
Talið berst aftur að ljóðum. Þóra kynntist
þeim ung, eins og fyrr segir, og segist hafa
lesið ljóð alla ævi.
„Það er mitt eftirlætislestrarefni. Mér
finnst skáldsögur svo orðmargar, ég er fyr-
ir stutta prósa.“
Er sköpunarkrafturinn sterkur drifkraftur
í lífi Þóru, þar sem hún yrkir og málar?
„Það er að minnsta kosti eitthvað sem
rekur mig til að gera eitthvað,“ svarar hún.
„En mér finnst að ljóðin eigi að segja það
sem þarf að segja. Það gleður mig líka ef
fólk hefur ánægju af ljóðunum mínum.“
„Þegar ég les ljóð finnst mér að það sé svo margt á milli línanna,“ segir skáldkonan Þóra Jónsdóttir.
15.12. 2013 MORGUNBLAÐIÐ SUNNUDAGUR 53
Á aðventu er notalegt að
láta lesa fyrir sig úr góðum
bókum. Á Gljúfrasteini lesa
höfundar og þýðandi kl. 16 á
sunnudag, þau Sigurlín Bjarney Gísla-
dóttir, Sjón, Þórdís Gísladóttir og
Sigrún Á. Eiríksdóttir.
2
Um þessar mundir er sann-
kölluð uppskeruhátíð kóra
landsins. Kammerkór
Mosfellsbæjar heldur sína
árlegu aðventutónleika, með ein-
söngvurum og hljófæraleikurum, í
Guðríðarkirkju í Grafarholti á
sunnudag k. 17. Á efnisskránni eru
þekkt jólalög og önnur kórverk.
4
Skúffuskáld sem atvinnuhöf-
undar ættu að gægjast í hand-
raðann um helgina og sjá
hvort þar leynist ekki óbirt
ljóð. Nú er auglýst eftir verkum í
samkeppnina um Ljóðstaf Jóns úr
Vör. Skilafrestur er til 21. desember.
5
Á dögunum tryllti Skálm-
öld lýðinn í Hörpu, studd
Sinfóníuhljómsveit Íslands og
þremur kórum. Hátíðinni er
þó alls ekki lokið því á sunnudags-
kvöld verður sýnd tveggja tíma upp-
taka frá tónleikunum í Háskólabíói og
hefst sýningin klukkan 21. Gagnrýn-
andi Morgunblaðsins kallaði uppá-
komuna „Málmmessu áratugarins“.
3
Jólasveinar mæta nú alla
daga í Þjóðminjasafnið á slag-
inu klukkan 11, eftir næt-
urvaktina, og skemmta börn-
um. Um helgina koma þeir Stúfur og
Þvörusleikir og ættu fjölskyldurnar
að þyrpast í safnið til fundar við þá.
MÆLT MEÐ
1
Út er kominn tvöfaldur diskur meðleik Ásgeirs Beinteinssonar píanó-leikara (1929-1992). Upptökurnar
voru gerðar af Ríkisútvarpinu á árunum
1960 til 1971 og leikur Ásgeir verk eftir
Chopin, Mozart, Franck, Bach og Gershwin.
Diskunum fylgir vönduð umfjöllun Bjarka
Sveinbjörnssonar um líf og list Ásgeirs og
einnig skrifa Haukur Guðlaugsson, fyrrver-
andi söngmálastjóri þjóðkirkjunnar, „kveðju
frá skólabróður“ og Ólafur Vignir Albertsson
„þakkarorð frá nemanda“.
Snemma kom í ljós að Ásgeir var afar list-
fengur en jafnframt viðkvæmur og mjög hlé-
drægur. Píanóleikur hans vakti snemma at-
hygli og samhliða námi í Menntaskólanum á
Akureyri, og á eftir, nam hann hjá píanóleik-
urunum Margréti Eiríksdóttur og Árna
Kristjánssyni. Var Ásgeir síðan við fram-
haldsnám í Þýskalandi og á Ítalíu. Fyrstu
opinberu tónleikana hér á landi hélt hann
1955 og hlaut góða dóma fyrir. Fór hann síð-
an að kenna hér og lék af og til opinberlega,
fram á sjöunda áratuginn. Glímdi hann alla
tíð við veikindi og slasaðist alvarlega árið
1970. Náði hann sér aldrei fyllilega.
„Það mun hafa verið samdóma álit flestra
sem til þekktu,“ skrifar Bjarki, „að Ásgeir
Beinteinsson hafi verið afburðapíanóleikari
og hefði vel getað ræktað þá hæfileika enn
meira.“
Haukur Guðlaugsson á heiðurinn af því að
þessum upptökum með leik Ásgeirs var safn-
að saman. Eftir að hafa látið leika upptöku
með spilamennsku hans á samkomu þar sem
afa Ásgeirs, hins kunna þjóðlagasafnara séra
Bjarna Þorsteinssonar á Siglufirði, var
minnst fannst honum að það þyrfti að ráðast
í þessa útgáfu. Fékk hann Þórunni systur
Ásgeirs í lið mér sér og gefur hún þennan
tvöfalda disk myndarlega út.
„Ég hafði mikið álit á Ásgeiri og við fé-
lagarnir litum allir upp til hans sem mikils
píanista,“ segir Haukur. „Hann var sér-
staklega hæfileikaríkur maður, og á mörgum
sviðum. Hann var sérstakur drengur en ým-
islegt í hans lífi var erfitt.
Þetta safn varð eiginlega til eins og af
sjálfu sér. Starfsmenn Ríkisútvarpsins lögðu
sig fram við að ganga vel frá upptökunum
fyrir útgáfuna.“
Þórunn systir Ásgeirs segir Hauk hafa
verið hvatamanninn að verkinu. „Þeir voru
vinir og taldi hann að Ásgeir hefði verið það
mikill listamaður að nafn hans mætti ekki
gleymast.“ Hún segist ekki hafa vitað af öll-
um þessum upptökum með leik hans. „Okkur
finnst svo sannarlega ánægjulegt að þessar
upptökur séu nú aðgengilegar. Þetta er ekki
gert með hagnaðarvon í huga heldur fannst
okkur gott að nafn Ásgeirs gleymdist ekki.“
DISKAR GEFNIR ÚT MEÐ LEIK ÁSGEIRS BEINTEINSSONAR
Var talinn „afburðapíanóleikari“
„OKKUR FINNST SVO SANNARLEGA
ÁNÆGJULEGT AÐ ÞESSAR UPP-
TÖKUR SÉU NÚ AÐGENGILEGAR,“
SEGIR ÞÓRUNN BEINTEINSDÓTTIR.
Einar Falur Ingólfsson efi@mbl.is
Ljósmynd Jóns Kaldal af Ásgeiri Beinteinssyni
prýðir umslag geisladiskanna með leik hans.