Morgunblaðið - 13.02.2014, Blaðsíða 2
2 FRÉTTIRInnlent
MORGUNBLAÐIÐ FIMMTUDAGUR 13. FEBRÚAR 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Helgi Bjarnason
helgi@mbl.is
„Menn eru að kveikja á hugmyndinni,“ segir
Baldur Helgi Benjamínsson, framkvæmdastjóri
Landssambands kúabænda, um hugsanlega stofn-
un kvíguhótela í nautgriparæktinni hér á landi.
Vísbendingar eru um að einhverjir mjólkur-
framleiðendur gætu hugsað sér að fela öðrum
bændum uppeldi kvíga sinna og jafnframt er
nokkur áhugi á meðal bænda fyrir því að setja upp
slík kvíguhótel. Kemur það fram í svörum sem
berast í viðhorfskönnun LK meðal félagsmanna
en niðurstöður liggja ekki fyrir.
Hugmynd frá nágrannalöndunum
„Það tíðkast í nágrannalöndunum að bændur
sem hættir eru mjólkurframleiðslu en vilja vera
áfram með skepnur og nýta aðstöðuna, hafa
breytt fjósum sínum til að taka að sér uppeldi
kvíga fyrir aðra,“ segir Baldur Helgi. Hann getur
þess að þetta hafi ekki verið stundað hér í neinum
mæli í áratugi en einhver vísir hafi verið að slíku á
Lundi á Akureyri fyrir áratugum.
Forsendan fyrir stofnun kvíguhótela er að
mjólkurframleiðendur sjái sér hag í því að semja
við hótelið um að ala kvígukálfa frá þriggja mán-
aða aldri og þar til fyrsti burður nálgast, við rúm-
lega tveggja ára aldur. Hóteleigandinn þarf að
láta sæða kvíguna á réttum tíma með ákveðnu
nauti og afhenda hana til eigandans á tilsettum
tíma. Helst þarf að vera hægt að gera samninga til
langs tíma. Baldur tekur fram að fleiri sýni áhuga
á að reka kvíguhótel en nýta sér þjónustuna.
Menn vilji greinilega helst ala upp eigin gripi.
Niðurstöður könnunarinnar liggi þó ekki fyrir.
Geta sparað fjárfestingar
Hagur kúabóndans felst í því að geta aukið
mjólkurframleiðsluna án þess að ráðast í meiri-
háttar framkvæmdir við nýbyggingar. Einnig tak-
markar geymslurými fyrir búfjáráburð víða fjölg-
un mjólkurkúa.
Baldur tekur fram að eftir sé að útfæra hug-
myndina frekar, greina kostnað og gera drög að
samningi.
Vilja stofna kvíguhótel
Bændur sýna áhuga á að nýta aflögð fjós til að ala upp kvígur fyrir aðra
Kúabændur gætu aukið mjólkurframleiðsluna án mikilla fjárfestinga
Morgunblaðið/Helgi Bjarnason
Uppeldi Væntanlegir gestir kvíguhótelanna eru
ungir að árum og dvelja þar fram að fyrsta burði.
Ágúst Ingi Jónsson
aij@mbl.is
Norðmenn hafa farið þess á leit við
íslensk yfirvöld að fallið verði frá
takmörkunum á lonuveiðum þeirra í
íslenskri lögsögu á þessari vertíð.
Samkvæmt samningum ríkjanna
mega Norðmenn aðeins stunda veið-
arnar til og með 15. febrúar, þ.e. á
laugardag, og ekki fara suður fyrir
línu sem dregin er í austur frá
punkti aðeins norðan við Hvalnes.
Erindið barst sjávarútvegsráðu-
neytinu í gær og hefur ekki verið
svarað.
Alls hafa 25 norsk skip leyfi til
veiða í lögsögunni í senn og undan-
farið hafa þau fyllt þann kvóta auk
þess sem nokkur hafa beðið á hliðar-
línunni eftir að komast að. Kvóti
Norðmanna er tæplega 41 þúsund
tonn, en aflinn til þessa mun vera
sáralítill og hafa einhver skipanna
gefist upp á leitinni.
Fyrstu norsku skipin komu inn í
lögsöguna upp úr 20. janúar og fjölg-
aði þeim síðan jafnt og þétt. Í brælu
um mánaðamótin, samfara aflaleysi,
héldu þau inn á hafnir eystra og voru
þar í nokkra daga. Frá 4. febrúar
hafa þau nánast stöðugt verið 25
talsins við loðnuleit fyrir Aust-
fjörðum.
Veður hamlar veiðum
Á loðnumiðunum fyrir Suðurlandi
var ekkert hægt að aðhafast í gær
vegna veðurs. Dagana á undan hafði
orðið vart við loðnu og nokkur ís-
lensk skip fengið afla. Sex færeysk
skip hafa fengið leyfi til loðnuveiða
við landið og eru þau fyrstu komin á
miðin undan Suðurlandi.
Norðmenn
vilja fram-
lengingu
Lítill afli Norska skipið Brennholm
við bryggju á Seyðisfirði í vetur.
Hafa leitað mikið
en lítið fengið af loðnu
Ljósmynd/Unnar
Björn Már Ólafsson
Jón Pétur Jónsson
Sérstakur saksóknari hefur ákært þá Lárus Weld-
ing, fyrrverandi bankastjóra Glitnis, Jóhannes
Baldursson, fyrrverandi framkvæmdastjóra
markaðsviðskipta hjá Glitni, og Þorvald Lúðvík
Sigurjónsson, fyrrverandi bankastjóra Saga Capi-
tal, í tengslum við hið svokallaða Stím-mál.
Fleiri mál sameinuð í eitt
Ákærurnar voru að sögn Ólafs Þórs Hauksson-
ar, sérstaks saksóknara, birtar þremenningunum í
gær og hafa því ekki enn verið birtar opinberlega.
Að sögn Ólafs eru í ákærunni tvö mál sameinuð í
eitt. „Það er svipað og við höfum verið að gera t.d. í
markaðsmisnotkunarmáli, bæði Kaupþings og
Landsbankans, þar sem var ákært upp úr fleiri en
einu máli,“ segir Ólafur. Málið verður þingfest 28.
febrúar nk. í Héraðsdómi Reykjavíkur.
Félagið Stím var stofnað árið 2007 og keypti það
hlutabréf í FL Group og Glitni fyrir tugi milljarða
króna. Kaupin voru að miklu leyti fjármögnuð með
láni frá Glitni og veð fyrir láninu voru aðeins í
hlutabréfunum sjálfum. Á þessum tíma var FL
Group stærsti hluthafi Glitnis og átti Glitnir 32,5%
hlut í Stími. Árið 2010 fóru fram umfangsmiklar
húsleitir vegna rannsókna embættis sérstaks sak-
sóknara á Glitni. Voru þá þremenningarnir færðir
til yfirheyrslna.
Segist ekki hafa haft umboð
Þorvaldur Lúðvík setti á Facebook-síðu sína í
gær eftirfarandi tilkynningu vegna ákærunnar: „Í
dag barst mér ákæra frá embætti sérstaks sak-
sóknara. Í henni er ég ákærður fyrir hlutdeild í
umboðssvikum framkvæmdastjóra hjá Glitni
vegna viðskipta með skuldabréf sem Stím ehf. gaf
út.
Nánar er tiltekið að ég hafi með „hvatningu og
liðsinni“ stuðlað að fjártjóni sem síðar varð, en
ekki lá fyrir að myndi verða er viðskiptin áttu sér
stað árið 2008. Þess ber að geta sérstaklega að ég
vann ekki í Glitni fyrr eða síðar, né hafði umboð
fyrir hönd þess banka. Þá er að ákveðnu leyti léttir
að þremur og hálfu ári eftir að hafa fengið stöðu
sakbornings skuli nú leitast við að skýra það.“
Sérstakur saksóknari ákærir
þrjá vegna Stím-málsins
Tveir bankastjórar og einn framkvæmdastjóri ákærðir Fyrirtaka 28. febrúar
Morgunblaðið/Árni Sæberg
Glitnir Tveir fyrrverandi starfsmenn ákærðir.
Viðar Guðjónsson
Anna Lilja Þórisdóttir
Sigurður Ingi Jóhannsson, sjávar-
útvegs- og landbúnaðarráðherra,
segir að upp hafi komið þau sjónar-
mið í samræðum deiluaðila í makríl-
deilunni að eðlilegt sé að semja um
alla flökkustofna í heild sinni. Þessum
sjónarmiðum hafi verið velt upp af
öllum deiluaðilum án þess að form-
legar viðræður þess efnis hafi farið
fram. Til þessa hefur verið reynt að
ná samningum um hvern flökkustofn
fyrir sig en án árangurs. Flökku-
stofnarnir sem um ræðir eru síld,
loðna og kolmunni auk makríls. „Það
er engin samninganefnd sem beinlín-
is hefur lagt þetta til. En það hefur
verið rætt að það sé óforsvaranlegt að
ekki séu samningar um alla þessa
fjóra flökkustofna,“ segir Sigurður
Ingi.
Hann segir að slíkar hugmyndir
hafi vaknað í ljósi þess hve erfiðlega
samningsaðilum hefur gengið að ná
saman um markrílveiðar. Því íhugi
menn að þörf sé á breyttum vinnu-
brögðum. Staða makrílmálsins var
rædd á fundi utanríkismálanefndar
Alþingis í gærkvöldi. Fram kom í
samtali mbl.is við Sigurð Inga að beð-
ið væri niðurstöðu tvíhliða viðræðna
Evrópusambandsins og Norðmanna
um gagnkvæma samninga um veiðar
í lögsögu landanna sem um ræðir. Í
framhaldinu verði ákveðið hvort
ástæða þyki til að boða til nýs samn-
ingafundar. „En það styttist í að
menn þurfi annaðhvort að ná nið-
urstöðu eða slíta viðræðum, þannig
að menn geti þá farið að hugsa til
þeirra hagsmuna sem hvert strand-
ríki þarf að hugsa til, jafnvel að út-
hluta kvóta einhliða,“ segir hann.
Samið verði um alla stofna
Styttist í að annaðhvort verði niðurstaða eða slit á viðræðum í makríldeilu
Deiluaðilar hafa viðrað hugmyndir um að semja um alla stofna í einu
Morgunblaðið/Kristinn
Meta stöðuna Ráðherrar upplýstu utanríkismálanefnd um stöðu makríldeilunnar í gærkvöldi.
Karlmaður á sextugsaldri brann í
andliti þegar hann fékk straum úr
háspennustreng í jörðu þar sem
hann var við vinnu fyrir Rarik nærri
nýrri dælustöð við botn Eskifjarðar í
fyrradag. Skv. upplýsingum frá
starfsmanni fyrirtækisins fór betur
en á horfðist og stóð maðurinn upp
eftir að hann hafði fengið strauminn
í sig. Þrír menn voru við vinnu þegar
sprenging varð og kastaðist hinn
slasaði frá en hinum varð ekki meint
af. Mennirnir voru með varnartjald
yfir sér en eftir sprenginguna sviðn-
aði um 80 cm gat á það. Þá var hinn
slasaði með öryggisgleraugu á sér
sem vörnuðu því að ekki fór verr.
Maðurinn hefur unnið hjá fyrir-
tækinu í um 30 ár. Hann var þó flutt-
ur á Sjúkrahúsið í Neskaupstað þar
sem hann dvelur til aðhlynningar.
vidar@mbl.is
Brann í and-
liti vegna
rafstraums