Morgunblaðið - Sunnudagur - 20.04.2014, Síða 18

Ferðalög
og flakk
Óhefðbundið flughótel
*Við fyrstu sýn mætti halda að í þétt-um skógi nálægt vesturströndKostaríka hefði orðið flugslys. Svoer ekki, heldur er þar að finna gisti-stað sannarlega frábrugðinn flestum:Lúxushótel í skrokki gamallar Bo-eing 727-flugvélar. Á hótelinu, Costa
Verde, eru tvö risaherbergi og stofa,
og verönd tengd trjánum fyrir utan.
Eyjan Bali í Indónesíu er yndisleg og gaman að vera kominn
aftur eftir 34 ár. Ég hef talað um þessa stórkostlegu eyju við
kærustuna mína, Ingu Vestmann, síðan við kynntumst fyrir
mörgum árum og loks erum við komin hingað til þess að fagna
50 ára afmæli Ingu. Fólkið á Balí er yndislegt, eyjan undur-
samleg að öllu leyti, hitinn er um 30 gráður en rakinn reyndar
nokkuð mikill. Við erum með innfæddan leiðsögumann, sá er
sonur eins skipverjans sem var um borð hjá pabba þegar hann
var skipstjóri hér á vegum FAO, Matvæla- og landbúnaðar-
stofnunar Sameinuðu þjóðanna. Það gerir upplifunina enn
skemmtilegri og héðan er sem sagt allt frábært að frétta.
Þórhallur Jónsson
Balí er ákjósanlegur staður til að láta rómantíkina blómstra. Fallegar strendur og yndislegt fólk.
Dásamlegur staður
Inga og Þórhallur á Balí í vikunni.
PÓSTKORT F
RÁ BALÍ
S
ólin virkar eins hver svo sem strandbærinn er, hvarvetna er
hægt að fá sér gott í gogginn og mannlífið er víða notalegt og
afslappað. Íslendingar hafa sótt Spán heim af miklum dugnaði
í áratugi og sóla sig líka samviskusamlega á Ítalíu, Grikklandi
og víðar við Miðjarðarhafið. Franska rívíeran virðist hins vegar
undarlega fjarlægur staður þegar landinn hugsar sér til hreyfings.
Ekki hefur verið boðið upp á beint flug á svæðið eða hópferðir
norðan af Íslandi svo vitað sé. En nú þegar ferðaskrifstofa er starf-
rækt í tölvunni á flestum heimilum er auðveldara en oft áður að
prófa eitthvað nýtt og flug þangað suður eftir er hægt að kaupa fyrir
einkennilega lágt verð miðað við ýmislegt annað. Dæmi: flug á milli
London og Nice, fyrir tvo, fram til baka, fékkst fyrir fáeinum dögum
á 30 þús. kr. Á háannatíma, í ágúst, vel að merkja.
Alþjóðaflugvöllur er við enda aðalgötunnar á ströndinni þarna í
Englaflóa. Það er eins og að lenda á Akureyri: túristinn er kominn í
miðbæinn áður en hann veit af.
Verðlag hefur þótt í hærri kantinum í Suður-Frakklandi, og vita-
skuld er lítið mál að eyða fúlgum eins og annars staðar, en ekki
nauðsyn. Bæði eru tiltölulega lítil fjölskylduhótel í borginni og næstu
bæjum, og stór íbúðahótel þar sem nokkrir geta verið saman fyrir
mjög sanngjarnt verð. Frakkar eru góðir kokkar eins og allir vita og
víða hægt að fá gómsætan mat á góðu verði.
Þeir sem vilja sletta úr klaufunum og djamma hraustlega fá eitt-
hvað fyrir sinn snúð í Nice en ekki síður þeir sem vilja slaka á, ganga
um í rólegheitum og skoða sig um. Margt ferðamanna er jafnan í
borginni, m.a. á ströndinni, en þangað sækja heimamenn líka í mikl-
um mæli, ekki síst á þann hluta sem sést á myndinni þar sem ekkert
kostar að leggjast enda grjót en ekki sandur. Ótrúlega gott að liggja
þar á handklæði og sandur festist ekki í sundskýlunni … Sand-
ströndin er svo við hliðina fyrir þá sem vilja.
Lítið mál er að ferðast um svæðið, t.d. í lest eða strætó, stoppa í
litlu þorpi við vík eða vog. Dvergríkið Mónakó er ekki nema 15 km
austan við Nice og gaman að skoða sig um þar. Það er á misskilningi
byggt að allir þurfi að fylla veskið af seðlum áður en haldið er til
Mónakó. Reyndar er auðvelt að eyða miklu á skömmum tíma; áhuga-
samir geta leigt sér herbergi yfir nótt og fengið að borga nokkur
hundruð þúsund krónur. Rándýr matur er í boði en allt hið hefð-
bundna fyrir okkur þessi „venjulegu“ er líka fáanlegt.
Morgunblaðið/Skapti Hallgrímsson
FRANSKA RÍVÍERAN
Næs í Nice
AUSTASTI HLUTI SUÐURSTRANDAR FRAKKLANDS ER
HRÍFANDI SVEIT. ÞAR ER NICE HÖFUÐSTAÐURINN EN
MEÐFRAM STRÖNDINNI FJÖLDI LÍTILLA PLÁSSA ÞAR SEM
TÍMINN ER HREINT EKKI Á HRAÐFERÐ.
Skapti Hallgrímsson skapti@mbl.is