Morgunblaðið - Sunnudagur - 20.04.2014, Qupperneq 49

20.4. 2014 MORGUNBLAÐIÐ SUNNUDAGUR 49
áttunnar, gera bæklinga og annað sem til-
heyrir slíkri baráttu en á laugardegi kom
símtalið frá Páli.
„Það var svo fyndið að mín fyrstu við-
brögð voru að finnast þetta fráleitt. Ég kom
heim og sagði Völu þetta. Ég fann strax að
henni leist vel á þessa hugmynd og þá
ákvað ég að skoða þetta með opnum huga.
Ég get alveg viðurkennt að ég var orðinn
langþreyttur á því hvað mér fannst Sjálf-
stæðisflokkurinn vera tregur til þess að
lofta út og opna á nýjar hugmyndir.“
Í matarboði um kvöldið með vinahópi seg-
ist Gísli hafa sagt frá þessu tilboði Páls um
að koma til starfa hjá RÚV. „Það var ein-
róma, allir voru á því að ég ætti að hætta
og fara í sjónvarpið. Og þessir vinir mínir
eru flestir sjálfstæðismenn en eru eins og
margir þreyttir á íhaldsseminni í flokknum.
Þeim fannst, eins og ég hafði á tilfinning-
unni sjálfur, að jafnvel þótt ég ynni próf-
kjörið gæti ég lent í þeirri stöðu eftir enda-
lausar málamiðlanir og endanlega niður-
röðun lista, sem oddvitinn hefur ekkert um
að segja, að leiða lista sem ég gæti ekki
hugsað mér að kjósa!“
Hann segir að þegar hann tók svo ákvörð-
unina um að hætta hafi hún í raun snúist
um annað og meira en bara að skipta um
starf. „Það gerðist í raun tvennt. Bæði
skipti ég um starf, sem er í sjálfu sér ekk-
ert stórmál. En við það að loka á pólitíkina
opnuðust skyndilega nýir og stórskemmti-
legir möguleikar sem annars hefðu ekki ver-
ið í boði. Maður þarf að loka dyrunum á eft-
ir sér til þess að nýjar opnist. Það gengur
ekki að ætla að hafa þær allar í hálfa gátt.
Ég vissi að mig langaði til að víkka sjón-
deildarhringinn og læra meira. Sem hefði
verið örðugra sem borgarfulltrúi. Það hefur
hlaðist upp alls konar efni, skýrslur og bæk-
ur sem ég vil komast yfir að lesa, af því ég
veit það gerir mig að betri manni. Nú fæ ég
kærkomið tækifæri til að liggja á bókasafn-
inu í Harvard og stúdera mín hjartans mál.“
Gísli hefur gert fleira en að komast að í
erlendum háskóla frá því hann sagði skilið
við pólitíkina. Viku eftir að hann hætti var
hann til dæmis búinn að festa sér miða
ásamt æskufélögum sínum á HM í Brasilíu
sem fer fram í sumar og stofna félag um
kaffihús í Vesturbænum með litlum hópi
sem vill gera hverfið betra með aukinni
þjónustu. Kaffihúsið verður opnað í sumar.
Þúsundir fá vikulegt fréttabréf
Gísli Marteinn virkar ekki sérstakt tækni-
nörd en hann er þó alveg óhræddur við að
nýta allar þær leiðir sem eru færar til að
koma hugmyndum sínum á framfæri gegn-
um netið. Vefsíðan www.gislimarteinn.is hef-
ur verið virk frá árinu 2008. Hana nefnir
eigandinn borgarblogg, en frá 2008 hefur
Gísli Marteinn birt þar yfir 400 færslur um
borgarmál. Á vefnum gislimarteinn.tumblr.-
com er að finna ýmiss konar úrklippur,
myndir, myndbönd og fleira sem tengist
störfum hans. Nokkur þúsund manns eru
áskrifendur að vikulegu fréttabréfi hans þar
sem hann deilir jafnan ýmsum hugmyndum,
bendir á áhugaverða hluti sem eru að gerast
í Reykjavík, segir frá heilsufari sínu (hann
fór í viðamikla rannsókn á hjarta og æða-
kerfi eftir að einn úr vinahópnum þurfti að
fara í tvöfalda hjáveituaðgerð) og segir frá
því hvað er framundan í þætti helgarinnar.
Gísli hefur líka verið virkur á samfélags-
miðlunum Twitter, Instagram og Facebook,
bæði sem stjórnmálamaður og nú sem þátta-
stjórnandi. Hann hefur meðal annars notað
samfélagsmiðlana í þættinum og gert þannig
tilraunir með gagnvirkni í sjónvarpi.
Reyndar má telja til fleiri miðla sem Gísli
notar til að deila sínum hugmyndum um
betri borg, svo sem Pinterest, 4square, Trip-
advisor, Snapchat, Flipboard og Vine. „Ég
varð snemma var við það að málin sem ég
berst fyrir njóta víðtæks stuðnings alls kon-
ar fólks. Í staðinn fyrir að skrifa greinar í
blöð sem ná til fárra og eru bara einhliða
hef ég reynt að hafa mjög greiðan aðgang
að mér fyrir alla þá sem brenna fyrir þess-
um málum. Það er mjög þægilegt í gegnum
þessa samfélagsmiðla alla. Það má því segja
að smám saman hafi orðið til ákveðin hreyf-
ing sem er í samskiptum innbyrðis og deilir
greinum og upplýsingum um þetta mikil-
væga áhugamál; uppbyggingu og þróun
þéttbýlis á Íslandi. Bara á síðustu þremur
mánuðum hafa meira en þúsund manns
skráð sig á póstlistann minn til að fá að
fylgjast með því sem er að gerast í þessum
málum. Þetta er í raun alveg ný tegund
stjórnmálaþátttöku.“
Orðinn martröð
borgarstarfsmannsins
Gísli hefur sannarlega ekki hætt að skrifa
um borgarmál þótt hann hafi stigið út úr
pólitík. Sjálfur orðaði hann það sem svo á
sínum tíma að hann væri að segja skilið við
atvinnustjórnmál en takast þess í stað á við
það sem hann kallar almenningsstjórnmál.
„Hlutverk þáttastjórnandans er ekki að
öllu leyti frábrugðið því sem ég var að gera.
Í starfinu er ég í miklum tengslum við fólk,
tala við stjórnmálafólk, fólk með snjallar
hugmyndir og hugsjónir og tek í raun ekki
minni þátt í þjóðmálaumræðu en ég gerði
þegar ég var sjálfur kjörinn fulltrúi.
Þar fyrir utan er ég ennþá mikill aðgerða-
sinni. Ég læt mig umhverfi mitt varða. Ég
er í félögum sem berjast fyrir betri borg,
ætla að halda því áfram og vera enn dug-
legri í því. Ég held að því fleiri sem hafa
áhuga á að gera Reykjavík betri því betri
verði hún. Það versta er ef fólk er áhuga-
laust um það hvernig borgin á að þróast,“
segir Gísli Marteinn og fer allur á flug þeg-
ar talið berst að borginni og hvernig má
bæta hana. Það liggur því beint við að
spyrja hvort hann sjái ekkert eftir því að
hætta í borgarpólitíkinni?
„Nei, ótrúlegt en satt þá er engin eftirsjá.
Ég hélt að það yrði, en það er ekki. Það er
að hluta til vegna þess að svo stór hluti af
pólitíska starfinu er eitthvað sem ég hef
bara haldið áfram að gera. Ég held áfram
að lesa um borgarmál, bæði hér heima og í
öðrum borgum. Við það að hætta duttu í
raun bara út leiðinlegustu hlutar starfsins
en ég get haldið hinu áfram – að leitast við
að vera góður fulltrúi þessarar borgar,“ seg-
ir Gísli sem til dæmis er nú virkur notandi
á vefnum Betri Reykjavík þar sem borgar-
búar geta sent inn ábendingar um það sem
betur má fara í borgarumhverfinu. „Ég tek
óhikað myndir á símann minn og sendi emb-
Gísli Marteinn Baldursson er
langt því frá hættur að tjá sig
um borgarmál þótt hann hafi
sagt skilið við borgarpólitíkina.
Morgunblaðið/Kristinn