Morgunblaðið - 18.07.2014, Side 10

Kristín Heiða Kristinsdóttir
khk@mbl.is
Ég hafði engan áhuga álist og mér fannst listekkert merkilegt fyrir-bæri. En mig langaði til
að búa eitthvað til sem ég myndi
sjálfur vilja setja upp á vegg hjá
mér. Þannig byrjaði þetta og ég hef
fengið mikil og góð viðbrögð og
margir þeirra sem hafa keypt af mér
verk hafa aldrei áður keypt sér lista-
verk,“ segir Oddur Eysteinn Frið-
riksson sem hefur vakið þó nokkra
eftirtekt fyrir klippimyndir sínar.
„Ég byrjaði á þessu fyrir tveimur
árum en fyrst fór ég í þó nokkra
undirbúningsvinnu, því ég vildi
skapa mér minn eigin stíl.“
Sneri blaðinu í hringi
Oddur segir að listamaðurinn
Erró sé ein af hans fyrirmyndum í
listsköpuninni. „Ég var hugfanginn
af Erró þegar ég var krakki, mér
fannst teiknimyndastíllinn hans
flottur. Erró málar allar sínar mynd-
ir en ég nýti mér tækni tuttugustu
og fyrstu aldarinnar og klippi og lími
allar mínar myndir í tölvu,“ segir
Oddur og bætir við að þegar hann
var krakki þá teiknaði hann mikið.
„Ég sneri alltaf blaðinu í hringi og á
endanum var blaðið þéttskipað af
allskonar myndum. Þetta var
kannski upphafið af því sem ég er að
gera núna, nema að nú teikna ég
ekki myndirnar heldur sæki ljós-
myndir og teikningar annað til að
nota í verkin mín.“ Oddur segir að
stíllinn hans hafi þróast og breyst.
„Ég var ekki eins hnitmiðaður í
byrjun, núna finnst mér ég hafa náð
að fókusera betur, verkin mín eru
orðin markvissari.“ Hann segir að
fyrstu myndirnar hans hafi allar
verið „silúett“ á svörtum bakgrunni,
en síðan skipti hann upp og fór að
nota hvítan bakgrunn með. „Núna
fylli ég meira upp í bakgrunninn,
með ljósmyndum eða öðru.“ Oddur
segir að það sem á ensku fellur undir
„popular cultures“ eða vinsæla
menningu, hafi mikil áhrif á það sem
hann velur í myndirnar sínar. „Ég
skoða mikið hvað hefur verið vin-
sælt, það sem er vinsælt og það sem
mun verða vinsælt, hvort sem það
eru Star Wars-bíómyndirnar eða
eitthvað nýrra.“
Myndirnar þola veðrun
Oddur er sjálfmenntaður lista-
maður sem hefur náð góðri færni í
myndvinnslu en þó fór hann eitt sinn
á námskeið um auglýsingar í prent-
miðlum. „Þar lærði ég hvernig góðar
auglýsingar eiga að vera, en ég hef
alltaf verið mjög markaðsmiðaður,
kannski af því pabbi minn er mark-
aðsfræðingur. Þetta skilar sér í
verkin mín,“ segir Oddur sem er
fæddur í Reykjavík, en hann ólst
upp í Bandaríkjunum og flutti síðan
aftur heim til Íslands. Núna býr
hann á Eskifirði. „Ég hef verið þó
nokkur flökkukind, hef búið á ýms-
um stöðum, bæði í útlöndum og úti á
landi hér heima. En nú er ég sestur
að hér á Eskifirði og ég vinn í ál-
verinu á Reyðarfirði. Ég titla mig
sem álbónda því í vinnunni fæ ég
stundum sömu tilfinningu og þegar
ég var í sveitinni hjá ömmu og afa
sem voru bændur á Skógarströnd á
Snæfellsnesi. Til dæmis þegar ég er
að keyra lyftara og er umvafinn
smurolíulykt, rétt eins og þegar ég
var að keyra dráttarvélina hjá ömmu
og afa.“ Oddur lætur prenta eitt
stykki af öllum verkunum sínum í ál,
til að fá ákveðna áferð og upplifun.
„Þá verður bjarminn á litunum líkt
Álbóndi sem prentar
listaverkin sín í ál
Oddur Eysteinn Friðriksson er sjálfmenntaður listamaður sem fer sínar eigin
leiðir. Hann býr til klippimyndir sem hann lætur brenna á ál til að ná fram sér-
stakri áferð og fá bjarma í litina. Hann hefur vakið athygli fyrir verk sín og selt
eitt þeirra til þekktrar raunveruleikapersónu í Bandaríkjunum.
Ljósmynd/Jón Tryggvason
Oddur Í hverju listaverki eru margar myndir sem hann klippir og raðar.
Ég titla mig sem ál-
bónda því í vinnunni í ál-
verinu fæ ég stundum
sömu tilfinningu og þeg-
ar ég var í sveitinni hjá
ömmu og afa.
10 DAGLEGT LÍF
MORGUNBLAÐIÐ FÖSTUDAGUR 18. JÚLÍ 2014
Á vefsíðunni www.psychcentral.com
er að finna aragrúa ráða til að stuðla
að bættri líðan fyrir þá sem glíma við
andleg veikindi. Einnig er þar að
finna prýðilegar upplýsingar fyrir að-
standendur og fróðleikurinn er með
fjölbreyttasta móti. Einnig er að
finna þar góð ráð við öllu mögulegu,
t.d. hvernig má gleðja aðra, ná tökum
á reiði og gremju, lífga upp á ástar-
lífið, tjá kærleika, nýta lækningajurtir
fyrir heilsuna og margt fleira í þeim
dúr.
Vefurinn hefur verið í stöðugri þró-
un frá árinu 1995 og er einn viða-
mesti leitarvefur um málefni tengd
andlegum veikindum. Hann er ein-
faldur í notkun og viðmótið líflegt og
gott. Auk þess er á síðunni að finna
ýmsa tengla og gagnlegar upplýs-
ingar um það hvernig skuli leita sér
hjálpar og hvar best sé að byrja í leit-
inni að aðstoð.
Vefsíðan www.psychcentral.com
Reuters
Ráð Ýmis ráð er að finna á síðunni, meðal annars um samskipti kynjanna.
Ráð til andlegrar uppbyggingar
Þær ætla að fagna eins
árs afmæli Fjallkonunnar
í dag mágkonurnar,
framhaldsskólakennar-
inn Elín Una og prestur-
inn Sigrún Óskarsdóttir,
en þær opnuðu sælkera-
verslun á Selfossi á
þessum degi í fyrra.
„Þetta hefur verið
spennandi ævintýri, við
erum búnar að þróa okk-
ar eigin framleiðslu,
sultur, pestó, hummus
og fleira, eignast trygga
viðskiptavini og gera
fullt af vitleysum líka.
Við reynum að fá sem
ferskast hráefni frá
matarkistunni góðu hér í
grenndinni í bland við
framandi sælkeravöru
frá Frakklandi og víðar. Gamli Óli, sá danski er í ostaborðinu. Hrossabjúgu,
lynghænuegg og broddur er líka ómissandi í búðinni okkar,“ segir Sigrún.
Meðal þess sem fæst hjá Fjallkonunni er nýtt og brakandi grænmeti, jarðar-
ber og hindber beint úr uppsveitunum, reykt bleikja úr Mýrdalnum, holda-
nautasteikur og hamborgarar frá Koti, þurrverkaðar gæðapylsur úr Þykkva-
bænum, hveiti og bygg úr sveitinni, hunang af Skeiðunum, kartöflukonfekt,
spænskar ólífur, frönsk gæsa- og andalifur og allskonar erlendir gæðaostar,
franskar eðalolíur, edik og sölt, hrákökur, jurtate, síróp og rabbarbari.
Endilega ...
... smakkið brodd og holdanaut
Sælkerar Sigrún og Elín Una utan við verslun sína á
Selfossi þar sem fæst gúmmelaði úr nærumhverfi.
Morgunblaðið/Golli
Skannaðu kóðann
til að fara inn á
vefsíðuna.
Mörgæs í dýragarði í Madrid á Spáni
gefur unga sínum að borða með því
að gubba matnum upp í hann, en
mikil gleði er með ungana hennar því
þetta er í fyrsta sinn frá því garður-
inn var opnaður 2001 sem mörgæs-
irnar sem þar búa koma upp ungum.
AFP
Gubbar matn-
um upp í unga
Móðurástin söm við sig
Dreifing:
HÁR EHF
s. 568 8305
har@har.is
REDKEN Iceland á
FÆST Á REDKEN HÁRGREIÐSLUSTOFUM
GET INSPIRED. SEE YOUR STYLIST.
SÖLUSTAÐIR
REDKEN
SENTER
SCALA
SALON VEH
SALON REYKJAVÍK
PAPILLA
N-HÁRSTOFA
LABELLA
MENSÝ
MEDULLA
KÚLTÚRA
HÖFUÐLAUSNIR
HJÁ DÚDDA
FAGFÓLK
Í
I
I
VERTU KLÁR Í FERÐINA!
VERSLAÐU 2 REDKEN HÁRVÖRUR
FÁÐU EITT FERÐASETT MEÐ SJAMPÓI,
NÆRINGU & DJÚPNÆRINGU (VIRÐI 3.900 KR.)