Morgunblaðið - 18.07.2014, Síða 21

UMRÆÐAN 21
MORGUNBLAÐIÐ FÖSTUDAGUR 18. JÚLÍ 2014
nordicgames.is
DOMINO EXPRESS
Klassísku Domino kubbarnir
eru komnir aftur og með
fullt af nýju brellum!
Útsölustaðir: Elko, Hagkaup, Spilavinir
Endurupplifið
æskuminningar
á hraðari og
skemmtilegri
máta!
NÝTT
Enn eina ferðina
hefur ITF, Al-
þjóðaflutningaverka-
mannasambandið,
þurft að hafa afskipti
af drullumixi Thor-
Ship í Hafnarfirði
sem sér um álflutn-
inga fyrir alþjóðlegu
álrisana Alcoa á
Reyðarfirði og Rio
Tinto Alcan í
Straumsvík. Intership Geshifffart-
geshallschaft, útgerð flutn-
ingaskipsins UTA frá Antígva og
Barbúda, hefur verið tekin til gjald-
þrotaskipta í Þýskalandi en skipið
hefur legið við kaja á Reyðarfirði
frá því það var kyrrsett fyrir tæp-
um mánuði. UTA er átta þúsund
tonna skip. Það átti að flytja ál til
Rotterdam.
ITF þurfti í síðustu viku að grípa
í taumana til þess að tryggja ellefu
skipverjum samningsbundin laun.
Ég sem fulltrúi ITF fór um borð
10. júlí síðastliðinn. Í áhöfn eru
Rússar og Úkraínumenn. Þýskur
banki tók að sér að greiða launin
en Intership hafði verið tekið til
gjaldþrotaskipta vegna olíuskuldar.
Væntanlega siglir dallurinn tómur
til Þýskalands þar sem hann fer á
uppboð.
Cargow BV í skúffu á Selhellu
Raunar er UTA á vegum Cargow
BV sem mun geymt í skúffu Thor-
Ship á Selhellu í Hafn-
arfirði en er skráð í
Hollandi. Eigendur
Cargow BV eru sóma-
piltarnir Karl Harð-
arson, forstjóri ThorS-
hip, Bjarni
Ármannsson, banka-
maðurinn siðprúði, og
Norðmaðurinn Øvind
Sivertsen. Sýslumað-
urinn á Eskifirði kyrr-
setti UTA vegna olíu-
skuldar í Austur-
löndum en þá höfðu sjö
þúsund tonn af áli verið lestuð um
borð í skipið sem átti að sigla til
Rotterdam.
Í kranaviðtali yppti Karl Harðar-
son öxlum: „Hvorki Alcoa né hol-
lenska félagið eru aðilar að mál-
unum. Við erum eingöngu þol-
endur,“ sagði forstjórinn með
grátstafinn í kverkunum og helst
að skilja að hann hefði enga vitn-
eskju af tilvist Cargow BV í skúff-
unni sinni.
ITF hefur ítrekað þurft að grípa
í taumana vegna vangreiddra launa
og illrar meðferðar á skipverjum á
hungurlaunum á ryðkláfum sem
eru engum til sóma. Álrisarnir sem
þykjast axla „samfélagslega
ábyrgð“ kjósa að vega að íslenskri
sjómannastétt með því að skipta við
siðblinda spekúlanta í ThorShip.
Af ryðkláf í Hafnarfirði
Frægt er þegar ryðkláfur var
dreginn úr Straumsvík til Hafnar-
fjarðar þar sem hann var rústbar-
inn svo að jafnvel hávaði sem var
frá dalli, sem verið var að mylja í
brotajárn, drukknaði í látunum.
Fréttablaðið skýrði frá því að
gauragangurinn hefði haldið vöku
fyrir Hafnfirðingum. Ég sem
fulltrúi ITF þurfti eitt sinn að fara
með handarbrotinn sjómann á
sjúkrahús vegna þess að skipafélag
ThorShip hafði neitað honum um
læknismeðferð. Blessuðum mann-
inum hafði verið vísað til skottu-
læknis í Hollandi og blöskraði ís-
lenskum læknum meðhöndlunin
sem hann hafði fengið.
Auðvitað er þessi myrkvaveröld í
hróplegu ósamræmi við fögur fyr-
irheit álveranna. ThorShip nefnir
ekki þessa gráu, skuggalegu veröld
á heimasíðu sinni. Þeir segjast vera
„snjallari“ og hafa öryggi og
áreiðanleika í stafni. Öllu má nafn
gefa en félagarnir á Selhellu eru
snillingar í drullumixi svo sem
dæmin sanna. Þeir og álrisarnir
vega að öryggi þjóðarinnar með því
að grafa undan íslenskri sjó-
mannastétt.
Eftir Jónas
Garðarsson
Jónas Garðarsson
»Auðvitað er þessi
myrkvaveröld
ThorShip í hróplegu
ósamræmi við fögur fyr-
irheit álveranna um
„samfélagslega ábyrgð“
Höfundur er framkvæmdastjóri
Sjómannafélags Íslands og
fulltrúi ITF á Íslandi.
Af drullumixi ThorShip,
Alcoa og Rio Tinto
Það er mikið fjallað
um Lýsingu hf. og
hvernig það fyrirtæki
túlkar niðurstöður
Hæstaréttar með öðr-
um hætti en önnur
fjármálafyrirtæki.
Lýsing ber þannig
fyrir sig eigin túlkun á
dómi sem varðaði bíla-
samning við allt annað
fjármálafyrirtæki og
var því allt annars eðl-
is en samningar sem þeir sömdu.
En það er þeirra val, að túlka
dóma og niðurstöður þeirra með
þeim hætti sem þeir telja að rúm-
ist innan ramma laganna. Sama
val eiga að sjálfsögðu allir þeir
sem eru hinum megin borðs í
ágreiningnum. Það eru þær þús-
undir sem eru í samningssambandi
við Lýsingu.
Það er því hálf furðulegt þegar
upplýsingafulltrúi Lýsingar, Þór
Jónsson, stígur fram og tortryggir
þau fyrirtæki sem í gegnum árin
hafa staðið með lánþegum og hald-
ið uppi vörnum gegn einhliða túlk-
un Lýsingar á niðurstöðum í
dómsmálum.
Telur upplýsingafulltrúi Lýs-
ingar að starfsemi lögfræðistofa
líkt og þeirrar sem undirritaður
veitir forstöðu og nú aðstoðar
þessar þúsundir lánþega sé aðeins
til þess fallin að draga fé af trygg-
ingafélögum og hamla fyrirtæki á
borð við Lýsingu að sinna sínu
starfi.
Þessi skringilegu orð upplýs-
ingafulltrúans eru auðvitað hrein
fjarstæða og sett fram í þeim til-
gangi einum að slá ryki í augu við-
skiptavina Lýsingar.
Forsvarsmenn Lýsingar hafa
sjálfir sagt, að hvert mál sé ein-
stakt og því þurfi að skoða hvert
mál sérstaklega. Af einhverjum
ástæðum á þetta ekki við um
fjármögnunarleigusamninga, þar
eru allir eins, enda féll í því und-
antekningartilviki dómur Lýsingu
hf. í vil.
Ef það er hins veg-
ar svo, að hvert mál
er einstakt og að í
hverju máli telji lán-
þegar á sér brotið, þá
er ekki að undra að
málafjöldinn sé veru-
legur. Það er hins
vegar fráleitt að tala
um færibandavinnu
og get ég fullyrt að á
skrifstofu Procura er
vandlega farið yfir
hvert einasta mál,
það metið út frá
væntri niðurstöðu og áhættugreint
fyrir hvern lánþega.
Því við vitum, að þó Lýsing hf.
hafi yfir að ráða lögfræðideildum
og fjármagni til að standa í svona
slag, þá á það ekki við um gagn-
aðilana. Þeir þurfa því að velta
vandlega fyrir sér hvenær það
borgar sig að fara í mál og hvenær
ekki. Ég get jafnframt fullyrt að
starfsemi Procura er ekki fjár-
mögnuð af tryggingafélögum né er
Procura að standa í tilraunastarf-
semi í dómsal. Við höfum einfald-
lega unnið að þessum málum um
árabil og vitum sem er, að eina
leiðin til að sækja rétt sinn gagn-
vart Lýsingu er að leita aðstoðar
dómstóla. Ekkert af þeim málum
sem undirritaður hefur sett af stað
eða komið að með einhverjum
hætti fyrir lánþega, hefur hingað
til tapast. Líklega er það vegna
þess að hér er vandað til verka og
réttlætið haft að leiðarljósi.
Þeir sem síðan eru svo forsjálir
að vera vel tryggðir, þeir hafa
greitt sínar tryggingar svo þær
komi að notum í tjónum sem þess-
um og þannig minnkað áhættu
sína ef mál tapast. Vinnist málið
hins vegar, þá eru yfirgnæfandi
líkur til þess að málskostnaður
greiðist af Lýsingu hf. og kannski
er það nákvæmlega málið sem
upplýsingafulltrúi Lýsingar hf.
óttast fyrir hönd vinnuveitanda
síns.
Sérvalin fordæmi Lýsingar hf.
Eftir Guðmund
Andra Skúlason
» Þessi skringilegu orð
upplýsingafulltrú-
ans eru auðvitað hrein
fjarstæða og sett fram í
þeim tilgangi einum að
slá ryki í augu við-
skiptavina Lýsingar.
Guðmundur Andri
Skúlason
Höfundur er framkvæmdastjóri
Procura.