Morgunblaðið - 30.07.2014, Síða 4

VIÐTAL
Björn Jóhann Björnsson
bjb@mbl.is
„Hér er bara mannhaf, mikill
straumur fólks, og var í raun enn
meira í gær [fyrradag] þegar far-
þegar skemmtiferðaskipa komu
hingað,“ sagði Ólafur Örn Haralds-
son, þjóðgarðsvörður á Þingvöll-
um, í samtali við Morgunblaðið í
gær. Hann var þá staddur á Hak-
inu og horfði yfir svæðið.
Slegið var á þráðinn til að kanna
hvernig þjóðgarðurinn réði við
aukinn straum ferðamanna á
helstu áningarstöðum landsins. Í
sumar er talið að yfir 600 þúsund
ferðamenn heimsæki Þingvöll og
með þeim sem aka í gegnum þjóð-
garðinn má áætla að mannfjöldinn
verði vel á aðra milljón.
Ráðist var í nokkrar fram-
kvæmdir innan þjóðgarðsins í sum-
ar, m.a. með hellulagningu plans-
ins ofan Almannagjár, fjölgun
bílastæða við Hakið um 85 og lag-
færingu á gatnamótum. Ólafur Örn
sagði fjárveitingar sem fengust í
þetta vissulega vera mikið fagn-
aðarefni en þær dygðu einfaldlega
ekki til að hafa undan þeirri 25%
aukningu sem hefði verið í sumar á
heimsóknum ferðamanna í þjóð-
garðinn, miðað við sama tíma í
fyrra. „Það trúir því enginn fyrr
en hann kemur hversu gríðarlegur
mannfjöldinn er hérna á svæðinu,
sama hvert er litið.“
Sem dæmi þá mynduðust langar
biðraðir á mánudag við salernin á
Hakinu. Líktu starfsmenn þjóð-
garðsins þessu við útsölu í stór-
markaði, slíkt hefði mannhafið
verið.
Gróðurskemmdir
Aukin umferð og ekki síst vætan
í sumar hefur orðið til þess að
gróðurskemmdir eru miklar innan
þjóðgarðsins, m.a. þegar fólk fer
utan við stígina og gengur um
mosavaxnar klappir og viðkvæman
gróður.
„Ástandið við Nikulásargjá, eða
Peningagjá, fer sífellt versnandi.
Þar er búið að spæna upp allan
mosa og annan gróður og það
kemur hreinlega til greina að
girða þar af ákveðin svæði. Sem
betur fer fengum við 10 milljónir
króna í endurbætur við Peninga-
gjána og erum komin af stað með
arkitektum að undirbúa lagfær-
ingar.“
Ólafur Örn sagði stærsta við-
fangsefnið hins vegar vera við
þinghelgina og næsta nágrenni og
hvernig haga ætti umferðar-
stjórnun um Hakið, Almannagjá,
Valhallarreit og austur yfir Öxará.
Til hefðu orðið bílastæði án skipu-
lags og ferðafólk farið að leggja
bílunum hist og her.
Bílastæðin troðfull alla daga
„Öll bílastæði eru troðfull alla
daga. Umferðin virðist mótast af
tilviljanakenndu ferli. Mikilvægast
er að gera deiliskipulag af þing-
helginni og nágrenni, móta fram-
tíðarstefnu um umferðarstjórnun,
landnýtingu og þjónustu við ferða-
menn. Það þarf að taka öll þessi
mál fyrir frá grunni,“ sagði Ólafur
Örn.
Hann sagði að á meðan væri
hægt að standa í bráðabirgða-
aðgerðum. Til viðbótar við
það sem þjóðgarðsvörð-
ur hefur nefnt má bæta
við veginum í gegnum
þjóðgarðinn. Hann
sagði veginn farinn
að láta undan og
sömuleiðis væri óráð-
ið hvernig haga ætti
umferðinni niður við
vatnið. Til greina kæmi
að hafa það ein-
stefnuakstur og
loka veginum
austan meg-
in.
Þjóðgarðurinn hefur ekki undan
 25% fjölgun ferðamanna í þjóðgarðinum á Þingvöllum  Fara vel yfir milljón  Nýframkvæmdir í
sumar duga ekki til  Þjóðgarðsvörður kallar eftir nýju deiliskipulagi og bættri umferðarstjórnun
Ljósmynd/Einar Á. E. Sæmundsen
Mannhaf Umferð ferðamanna um Almannagjá og Hakið er mikil eins og sést á myndinni sem var tekin nýlega.
4 FRÉTTIRInnlent
MORGUNBLAÐIÐ MIÐVIKUDAGUR 30. JÚLÍ 2014
Þjóðgarðsvörður og starfs-
menn hans hafa í nógu að snú-
ast en Ólafur Örn segir nýjasta
viðfangsefnið vera kvartanir
undan svonefndum drónum,
eða flygildum, sem sveima yfir
Almannagjá og víðar um þjóð-
garðinn. „Þeim hefur brugðið
fyrir í auknum mæli og veldur
mörgum óþægindum. Þeir eru
fljúgandi yfir fólki með mynda-
vélar og því er ekki að neita að
frá þeim öflugustu er töluverð-
ur hávaði,“ segir Ólafur Örn.
Hann segir jafnvel dæmi um
að drón hafi verið sett á loft
þegar þjóðhöfðingi kom að
Lögbergi. Öryggisvörðum í
fylgdarliði hans hafi ekki stað-
ið á sama. „Allt í einu stökk
ferðamaður til og hóf drón á
loft sem flaug yfir hausamót-
um á okkar gestum. Það fór
skjálfti um menn,“ segir þjóð-
garðsvörður um þetta atvik.
Ólafur Örn segir þetta hafa
verið nokkur tilvik í sumar og
með einhverjum hætti þurfi að
bregðast við. Til greina komi
að takmarka umferðina
þannig að drón fari ein-
göngu í loftið með sérstöku
leyfi.
„Þessum verkfærum fer
fjölgandi og því er ekki að
neita að drón hafa náð góðum
loftmyndum af svæðinu, en
við þurfum að
hafa einhverja
stjórn á
þessu.“
Kvartað und-
an drónum
NÝJASTA VIÐFANGSEFNIÐ
Ólafur Örn
Haraldsson
Útför Jóns Hákonar Magnússonar,
fjölmiðlamanns og fyrrverandi
framkvæmdastjóra KOM, var gerð
frá Hallgrímskirkju í gær. Séra
Bjarni Þór Bjarnason jarðsöng.
Vinir Jóns Hákonar og samstarfs-
menn báru kistuna úr kirkju,
Drífa Hilmarsdóttir, Eiður Svan-
berg Guðnason, Hörður H. Bjarna-
son, Víglundur Þorsteinsson,
Gerður G. Bjarklind, Páll Bragi
Kristjónsson, Stefán Friðfinnsson
og Magnús Gunnarsson.
Jón Hákon fæddist í Reykjavík
12. september 1941 og andaðist á
líkardeild Landspítalans 18. júlí sl.
Að loknu námi í stjórnmálafræði
og blaðamennsku í Bandaríkjunum
starfaði hann við blaðamennsku
hér á landi og í Bandaríkjunum og
vann við stjórnun fyrirtækja.
Hann var meðal annars fréttamað-
ur á fréttastofu Sjónvarps. Jón
Hákon var stofnandi KOM, kynn-
ingar og markaðar ehf., 1986 og
framkvæmdastjóri fyrirtækisins til
síðustu áramóta. Hann gegndi fjöl-
mörgum félags- og trúnaðar-
störfum og var virkur í þjóð-
félagsumræðu. Hann átti meðal
annars sæti í bæjarstjórn
Seltjarnarness og var forseti
hennar um tíma.
Morgunblaðið/Eggert
Útför Jóns Hákonar frá Hallgrímskirkju
Ingileif Friðriksdóttir
if@mbl.is
Lyfið Atacor, í 40 mg styrkleika,
sem er blóðfitulækkandi lyf og fram-
leitt af Actavis, hefur ekki verið fá-
anlegt að undanförnu. Lyfið, sem er
mjög vinsælt, er notað sem viðbót
við mataræðisbreytingu til að lækka
blóðfitu eins og kólesteról og þríglý-
seríð, þegar fituskert mataræði og
önnur meðferð eins og líkamsrækt
og breyttir lifnaðarhættir hafa ekki
nægt til árangurs. Atacor er einnig
notað til viðbótar annarri blóðfitu-
lækkandi meðferð.
Þeir lyfsalar sem Morgunblaðið
ræddi við staðfestu þetta og sögðu
skortinn afar bagalegan. Lyfið hefur
verið á biðlista hjá lyfjadreifingar-
fyrirtækinu Distica síðan 28. júní og
hefur því ekki verið fáanlegt í rúman
mánuð. Óstaðfest er hvenær lyfið er
væntanlegt aftur og engin ástæða er
gefin upp frá framleiðandanum fyrir
því að lyfið fáist ekki. Ekki náðist í
Actavis við vinnslu fréttarinnar.
Lyfið fæst ennþá í 10 mg og 20 mg
styrkleika og getur það nýst þeim
sem ekki þurfa að taka stærri
skammta. Einnig eru samheitalyfin
Atorvastatin og Zarator bæði fáan-
leg. Atacor er mikið notað, og er
þetta ekki í fyrsta skipti sem það
fæst ekki. Að sögn lyfjafræðinga í
lyfjaverslunum hefur það gerst að
lyfið fáist ekki í neinum skammta-
stærðum og hafa sjúklingar oft á tíð-
um verið ósáttir við þetta.
Yfir 150 lyf eru á biðlista hjá Dis-
tica og yfir 60 hjá dreifiaðilanum
Parlogis samkvæmt biðlistum á
heimasíðum fyrirtækjanna beggja.
Yfir 200 lyf á biðlist-
um hjá lyfjadreif-
ingarfyrirtækjum
 Blóðfitulækkandi lyfið Atacor hefur
ekki verið fáanlegt í rúmlega mánuð
Morgunblaðið/Sverrir
Lyf Atacor hefur verið á biðlista frá
28. júní, en alls eru þar yfir 200 lyf.