Morgunblaðið - 08.08.2014, Blaðsíða 12

12 FRÉTTIRinnlent
MORGUNBLAÐIÐ FÖSTUDAGUR 8. ÁGÚST 2014
Hin árvissa Ólafsdalshátíð verður
haldin í sjöunda skipti í Ólafsdal í
Gilsfirði sunnudaginn 10. ágúst kl.
13–18. Að venju verður boðið upp á
fjölbreytta dagskrá.
Hátíðin hefst með ávörpum.
Leikhópurinn Lotta flytur leikritið
Hróa hött og boðið verður upp á
tónlist og önnur skemmtiatriði.
Á staðnum verða handverks- og
grænmetismarkaður. Hestar verða
teymdir undir börnum í boði hús-
bænda í Hvítadal.
Kaffi, djús, kleinur og flatkökur
verða seld á sanngjörnu verði. Net-
samband er stopult í Ólafsdal og því
er gestum ráðlagt að hafa með sér
lausafé til að versla.
Aðgangur er ókeypis. Dagskrá
hátíðarinnar er að finna í heild á
www.olafsdalur.is.
Ólafsdalur Hátíðin hefur jafnan verið fjöl-
sótt þau ár sem hún hefur verið haldin.
Ólafsdalshátíðin
haldin á sunnudag
Sunnudaginn
10. ágúst verður
boðið upp á
áhugaverða
garðagöngu um
Laugardal og
Laugarás.
Gangan er
skipulögð í sam-
starfi Grasa-
garðs Reykja-
víkur, Garðyrkjufélags Íslands og
Íbúasamtaka Laugardals. Þátt-
taka er ókeypis og allir eru vel-
komnir. Kaffisopi og spjall í lok
göngu. Mæting er við aðal-
inngang Grasagarðs kl. 10. Geng-
ið verður um svæðið, einstakir
garðar skoðaðir og einnig holta-
gróður. Hægt er að ganga alla
leiðina en einnig má bætast inn í
hópinn á leiðinni.
Ganga um Laugar-
dal og Laugarás
Tvíund, nemendafélag tölv-
unarfræðinema við Háskólann í
Reykjavík, heldur dagana 8.–10.
ágúst árlegt LAN-mót sem kallast
HR-ingurinn. Þátttakendum fjölgar
með ári hverju. Í fyrra mættu rúm-
lega 240 manns og miðað við skrán-
ingarfjölda er búist við metfjölda í
ár. Mótið er haldið í byggingu Há-
skólans í Reykjavík. Spilaðir eru
leikirnir DotA 2, Hearthstone,
League of Legends og CS:GO.
Áhorfendur eru velkomnir.
Árlegt LAN-mót í HR
STUTT
Kristján H. Johannessen
khj@mbl.is
Hlýjasti dagur ársins á landinu á ár-
unum 1949 til 2013 hefur að með-
altali verið 8. ágúst. Munur á hita
einstakra daga er þó svo lítill að til-
viljun ein ræður hvaða dagur það er
á tímabilinu frá því um 20. júlí til 10.
ágúst sem fær þennan sess. Segir
frá þessu á Hungurdiskum, blogg-
síðu Trausta Jónssonar veðurfræð-
ings.
„Þetta er sú dagsetning þegar það
fer að kólna að meðaltali. Hásumarið
er búið og í staðinn tekur síðsumarið
við,“ segir Trausti í samtali við
Morgunblaðið og bendir á að telja
megi tímabilið frá 17. júlí sl. til dags-
ins í dag til hásumars. Tekur nú við
tími síðsumars sem að sögn Trausta
mun líða undir lok þegar meðalhiti
fer undir sjö stig, að líkindum um
miðjan septembermánuð.
September leynir á sér
- Er þá farið að halla til vetrar?
„Hlýjustu dagar þessa sumars
geta enn komið. Þó að sumarið í ár
hafi verið óvenjuhlýtt hafa ekki
komið margir hitabylgjudagar. Það
hefur komið fyrir að fyrstu dagarnir
í september séu hlýjustu dagar árs-
ins.“ Aðspurður segir Trausti það
hins vegar ekki mjög algengt.
„Við getum sagt að það séu svona
30% líkur á því að hlýjasti dagur árs-
ins sé í ágúst eða seinna. Þar sem
ekki er við neitt sérstaklega hlýja
daga að keppa fyrripart sumarsins
getum við tekið þessum líkum sæmi-
lega bókstaflega,“ segir hann. Hita-
bylgja í júlímánuði hefði hins vegar
minnkað líkurnar á því að hlýjasti
dagur ársins væri handan við hornið.
Spurður hvort hann treysti sér til
þess að spá fyrir um veturinn kveður
Trausti nei við. Bendir hann þó á að
árstíðarspá evrópsku veðurmið-
stöðvarinnar sé oft í takt við hita
sjávar en hér við land hefur hiti sjáv-
ar mælst hærri í ár en í fyrra.
„Sérstaklega er hann hærri fyrir
norðan. Úti af Suðvesturlandi er
kannski minni munur en þar hefur
samt verið hlýtt. Það er aðallega
smáblettur við Austfirði þar sem
hefur verið frekar kaldur sjór en
hann er svo lítill að hann hefur ekki
áhrif á svona vangaveltur fram í tím-
ann,“ segir Trausti og bendir á að sé
sjórinn hlýr í lok sumars sé líklegt
að það endist eitthvað fram eftir
vetri.
Hlýjasti dagur
ársins að með-
altali 8. ágúst
 Hlýjustu dagar þessa sumars geta
enn komið, segir veðurfræðingur
Morgunblaðið/Eggert
Sumar Þegar vel viðrar getur verið
gott að fara út og slaka á í sólinni.
Síðsumar tekið við
» Tímabilið frá 17. júlí til 8.
ágúst er kallað hásumar.
» Tími síðsumars tekur nú við
en það líður að líkindum undir
lok um miðjan september.
» Líkur á hlýjasta degi ársins í
ágúst eða seinna eru 30%.
Helgi Bjarnason
helgi@mbl.is
Nokkur kraftur er í uppbyggingu
fjölbýlishúsa í nýja íbúðahverfinu í
Garðabæ, Urriðaholti. Fram-
kvæmdir eru hafnar við byggingu
um 250 íbúða. Fyrstu íbúðirnar í
fjölbýlishúsunum verða tilbúnar til
afhendingar í haust.
Á annan tug verktaka er að vinna
í Urriðaholti þessa dagana og fjöldi
byggingakrana setur svip á um-
hverfið.
Bygging fyrstu einbýlishúsanna
hófst sumarið 2008 og hefur verið
flutt inn í um tíu hús, að sögn Jóns
Pálma Guðmundssonar, fram-
kvæmdastjóra Urriðaholts ehf.
Bankahrunið hægði á öllum
áformum um byggingu fjölbýlishúsa
en nú er kominn nokkur kraftur í
uppbygginguna. Allar þær fjölbýlis-
húsalóðir sem skipulagaðar voru
fyrir hrun eru seldar og nú er verið
að undirbúa fleiri lóðir sem miðað er
við að hægt verði að byggja á næsta
sumar.
Verktakar hafa auglýst til sölu
íbúðir í tveimur fjölbýlishúsum.
Annað húsið á að verða tilbúið seint
í haust og hitt seinna í vetur. Jón
Pálmi segir að fleiri hús séu langt
komin þótt íbúðirnar hafi ekki verið
settar í sölu.
Uppbygging hverfisins er sam-
starfsverkefni bæjaryfirvalda í
Garðabæ og Urriðaholts ehf. sem er
að meirihluta í eigu Oddfellow-regl-
unnar á Íslandi. Gert er ráð fyrir að
1500 íbúðir verði í hverfinu full-
byggðu og alls um 4500 íbúar. Verið
er að hanna leikskóla og grunnskóla
og hefst jarðvegsvinna við þá í
haust. Reiknað er með að skólarnir
verði tilbúnir til notkunar haustið
2016.
Við skipulagningu hverfisins er
sérstaklega hugað að umhverfismál-
um, meðal annars til að vernda Ur-
riðavatn og búsvæði þess. Náttúru-
legu rennsli regnvatns í vatnið er
viðhaldið í hringrás, í stað þess að
leiða það um holræsi í sjó fram. Er
þetta í fyrsta skipti hér á landi sem
ofanvatn er nýtt með þessum hætti í
heilu hverfi.
Morgunblaðið/Eggert
Urriðaholt Fyrsta fjölbýlishúsið hefur verið málað og skógur byggingakrana sýnir framkvæmdahug.
Fyrstu fjölbýlishúsin í
Urriðaholti að klárast
 Framkvæmdir hafnar við 250 íbúðir  Flutt inn í haust