Morgunblaðið - Sunnudagur - 03.08.2014, Síða 16

S
íðasta mánudag ágústmán-
aðar hefst hin árlega Burn-
ing Man-listahátíð í
Nevada-eyðimörkinni í
Bandaríkjunum og stendur yfir í
viku. Hátíðarsvæðið er 14 ferkíló-
metrar að stærð, hámarksfjöldi
þátttakenda er 50.000 manns, og
þar er hægt að njóta ótrúlegrar
listar, fylgjast með skrautlegu fólki
í búningum og mannlífi og bregða
sér á margbreytileg námskeið.
Listamenn verja mörgum mán-
uðum í að búa til stórbrotna skúlp-
túra sem settir eru upp í eyði-
mörkinni, „listabílar“ sem líta út
eins og hjónarúm eða ísbirnir eða
hvaðeina á hjólum aka um og taka
fólk upp í, danspartí standa yfir
allan sólarhringinn og fólk bregður
sér á námskeið til að læra að snúa
Hula-hring eða búa til absint eða
tala við ókunnuga eða kasta hníf-
um svo fá dæmi séu tekin.
Gjafa-hagkerfi í
stað peninga
Eyðimörkin þar sem hátíðin er
haldin nefnist Black Rock og sam-
félagið sem reist er í kringum há-
tíðina kallast Black Rock City. 20
manns mættu á fyrstu hátíðina
sem haldin var árið 1986 en í
fyrra voru þátttakendur 68.000
talsins. Þá var ákveðið að tak-
marka aðgang við 50.000 miða.
Ólíkt hefðbundnum lista-/
tónlistarhátíðum eru engir opin-
berir dagskrárliðir heldur er það
þátttakenda að skapa hátíðina
sjálfa með atriðum og uppá-
komum.
Þekktar hljómsveitir dúkka þó
oft upp á ólíklegustu stöðum og
halda tónleika.
Þátttakendum ber að koma með
allt sem þeir þurfa fyrir vikulanga
dvöl í eyðimörkinni og óþarfi er að
koma með peninga með sér. Bann
er lagt við því að selja og auglýsa
og sterk hefð er fyrir hvers kyns
gjöfum og segja má að gjafa-
hagkerfi sé við lýði. Þátttakendur
eru hvattir til að gefa af sér og
því tíðkast að fólk gefi hvert öðru
mat og drykk, ljóð, vinnu, tíma
eða hvaðeina. Allir hjálpast að.
Hápunktur hátíðarinnar er svo á
laugardeginum þegar risavaxinn 15
metra hár viðarskúlptúr af manni
er brenndur. Skúlptúrinn breytist
á hverju ári og í fyrra var hann
geimvera sem stóð uppi á ógn-
arstóru viðargeimskipi.
Ljósmynd/Sue Holland
SKÚLPTÚRAR, VIÐARGEIMSKIP OG DANSPARTÍ
Logandi maður í eyðimörk
BURNING MAN ER STÓR-
MERKILEG OG ÖÐRUVÍSI
LISTAHÁTÍÐ SEM ER HALDIN
Í NEVADA-EYÐIMÖRKINNI Í
LOK ÁGÚST Á HVERJU ÁRI
ÞAR SEM STÓRBROTNIR
SKÚLPTÚRAR, BÚNINGAR
OG LISTASÝNINGAR ERU Á
HVERJU STRÁI EN PEN-
INGAR FYRIRFINNAST EKKI.
Halldór Armand Ásgeirsson
haa@mbl.is
Ferðalög
og flakk
Engin spor skilin eftir
*Burning Man-hátíðin fer fram á svæði sem eróbyggt allan ársins hring. Eitt af ein-kennisorðum hátíðarinnar er að hátíðar-gestir skilji ekki eftir sig nein ummerki ásvæðinu þegar henni lýkur. Ætlunin er aðsjálfsögðu að vernda umhverfið og koma íveg fyrir mengun á svæðinu. Engu að síður
hefur úrgangur á svæðinu aukist töluvert
undanfarin ár enda gestirnir margir.
Í agnarsmáum og óspennandi bæ í Miðvesturríkjum Bandaríkjanna er
áhugavert bókasafn. Safnið er stútfullt af bókum, ritgerðum og greinum
um hinn löngu dauða Søren Kierkegaard frá Danmörku. Á hverju sumri
sækja fræðimenn hvaðanæva að úr heiminum bókasafnið heim og dvelja
þar allt frá nokkrum vikum upp í nokkra mánuði. Einhverjir sækja meira
að segja vatnið yfir lækinn og koma alla leið frá Danmörku, eins fáránlega
og það hljómar. Þeir fræðimenn sem hingað koma eiga það sameiginlegt að
hafa lifibrauð sitt af því lesa og uppfræða aðra um skrif Kierkegaards, og
deila því líklega einhverskonar ástríðu fyrir hugverkum hans. En það eru
bæði kostir og ókostir sem fylgja því að „vinna“ með texta sem er svo ná-
tengdur daglegum veruleika mannsins, og ástríðan getur dofnað ef ekki er
gætt að sér. Hvernig á maður að skrifa fræðitexta um endurtekningu og
endurminningu þegar maður örvæntir sjálfur yfir því að vera ekki sjálf?
Því er það þakkarefni að hér myndast vinatengsl handan fræðanna. Á
kvöldin opnast bjórar og þá er rætt um pólitík, byssueign og Íslend-
ingasögurnar. Stundum spilum við fótbolta, nú eða höldum tónleika. Þá
má Kierkegaard má bíða til morguns.
Kær kveðja, Guðmundur Björn
Stund milli stríða hjá Kierkegaard-nemum í Minnesota.
Pása tekin frá Kierke
gaard og efa-
semdum um sjálfið.
Kierkegaard í morgunsárið
Fræðimenn streyma til Minnesota-
safnsins hvaðanæva að.
PÓSTKORT F
RÁ MINNESO
TA