Morgunblaðið - 10.10.2014, Qupperneq 14
14 FRÉTTIRInnlent
MORGUNBLAÐIÐ FÖSTUDAGUR 10. OKTÓBER 2014
BAKSVIÐ
Baldur Arnarson
baldura@mbl.is
Þrír gististaðir fyrir erlenda ferða-
menn eru nú í undirbúningi í grónum
hverfum Reykjavíkur og kemur sá
fjórði til greina í húsi sem er í endur-
byggingu á Lindargötu. Tveir þeirra
verða í Skipholti 15 og er áformað að
hefja þar rekstur fyrir áramót.
Í fyrsta lagi er um að ræða tveggja
herbergja gistiheimili á jarðhæð sem
er í eigu Skarphéðins Andra Ein-
arssonar fjárfestis. Í öðru lagi sex
stúdíóíbúðir í sama húsi á baklóð
Skipholts 15 og eru þær í eigu Ingi-
bergs Þorkelssonar, dáleiðslulæknis
hjá Dáleiðsluskóla Íslands.
Í þriðja lagi undirbýr félagið
Norðursýn ehf. opnun gistiheimilis á
Hrísateig 14. Framkvæmdin er nú í
grenndarkynningu en óskað er eftir
leyfi til að endurbyggja húsið sem er
kjallari og 2 hæðir og stendur á horni
Hrísateigs og Sundlaugavegar með
aðkomu frá Sundlaugavegi. Eins og
sýnt er á mynd hér til hliðar er húsið
aðeins klætt til hálfs að utanverðu.
Fram kemur á vef skipulags- og
umhverfisráðs að Sundlaugavegur sé
aðalgata samkvæmt aðalskipulagi
Reykjavíkur 2010-2030. „Samkvæmt
aðalskipulagi er heimilt að vera með
gistiheimili við aðalgötur og stendur
til að breyta notkun hússins úr íbúð-
arhúsi í gistiheimili,“ segir í greinar-
gerð vegna breytingar á deiliskipu-
lagi reitsins. Húsið verður stækkað
og hámarksgrunnflötur 200 ferm.
Átta herbergi á hverri hæð
Uppdráttur með greinargerðinni
bendir til þess að í húsinu verði átta
tveggja manna herbergi á hverri
hæð. Gólf kjallara verður lækkað
þannig að salarhæð verði 2,6 metrar.
Viðbygging verður til vesturs á hús-
inu og skal hún vera að mestu úr
gleri. Kjartan Bergur Jónsson, tals-
maður Norðursýnar, baðst undan
viðtali um framkvæmdirnar að sinni.
Fyrirhugað gistiheimili verður í
nágrenni við gistiheimilið Lauga-
bjarg að Sundlaugavegi 37. Það var
opnað fyrir sumarið 2012 og eru þar
þrjár íbúðir og nokkur herbergi leigð
ferðamönnum. Ofar í götunni er Far-
fuglaheimilið í Laugardal.
Líkt og á Sundlaugavegi verða að
líkindum senn þrjú gistihús við sama
hluta Lindargötu í Reykjavík.
Á Lindargötu 50 er 101 Skuggi
Guesthouse til húsa og handan göt-
unnar, á Frakkastíg 6a, er nýtt íbúða-
hótel með 10 stúdíóíbúðum.
Vestast á þessum vestasta hluta
Lindargötu, á Lindargötu 62, er til
skoðunar að hafa gistiaðstöðu fyrir
ferðamenn. Þar hafa miklar endur-
bætur staðið yfir frá því í sumar. Fé-
lagið Byggir ehf. á húsnæðið, sem
skráð er sem þrjár íbúðir á þremur
hæðum. Eigendur félagsins hafa ekki
tekið ákvörðun um hvort húsnæðið
verður leigt til ferðamanna eða hvort
þar verði íbúðir leigðar til fyrirtækja í
langtímaleigu.
Var í eigu Félagsbústaða
Að sögn Arnars Hannesar Gests-
sonar, eins eigenda Byggis, var
Lindargata 62 áður í eigu Félags-
bústaða. Húsið var selt á sínum tíma
en kaupandinn skilaði því. Sagan
endurtók sig og er Byggir þriðji
kaupandinn að húsinu.
„Það eru tveir búnir að skila hús-
inu. Ég er þriðji aðilinn sem kaupir
það. Við erum að leita ráða hjá skipu-
lagsyfirvöldum varðandi breytingar á
húsinu,“ segir Arnar Hannes. „Húsið
er friðað og eru breytingarnar unnar
í samstarfi við Minjastofnun,“ segir
Arnar Hannes og tekur ýmis dæmi
um hvernig síðari tíma breytingar
hafi spillt útliti hússins. Hann segir
að komið verði fyrir kvistum á þak-
inu, líkt og á Lindargötu 60, ásamt
því sem komið verður fyrir svölum til
vesturs. Innra byrði hússins verður
fært í sem upprunalegast horf.
„Skorsteinn sem var á þakinu var
kominn niður á fyrstu hæð. Ég tók
saman brotin og mun nýta þau síðar.
Sandblásnir ofnar verða í kjall-
aranum, eins og algengt var í húsum
frá þessum tíma. Það eru hand-
höggnir steinar í kjallaranum sem við
ætlum að háþrýstiþvo svo þeir fái
eldra útlit. Þá verður sett dren með
húsinu. Þessari endurbyggingu fylgir
verulegur kostnaður. Þess vegna gáf-
ust hinir upp,“ segir Arnar Hannes.
Húsið byggt 1903 eða 1907
„Þetta er mjög skemmtilegt verk-
efni og gaman að fá tækifæri til að
færa húsið í fyrra horf. Það er álita-
mál hvort húsið var byggt 1903 eða
1907. Þegar um svona gamalt hús er
að ræða kalla ég strax Minjastofnun
til verksins.“
Spurður hvort hagkvæmt sé að
hafa hótelíbúðir í húsinu segir Arnar
Hannes að ekki sé á vísan að róa í
þeim efnum. Samkeppnin á mark-
aðnum sé mikil og verðið utan há-
annatíma aðeins um 100 evrur fyrir
dagsleigu á íbúð í miðbænum, borið
saman við 250-300 evrur yfir hásum-
arið. Það sé ekki mikið miðað við
kostnað við utanumhald, þar með tal-
ið þrif. Hann áætlar að 80% þeirra
sem reyni fyrir sér með leigu íbúða
eða herbergja í miðborg Reykjavíkur
gefist upp á slíkum rekstri.
Byggir hefur endurbyggt þrjár
húseignir í miðborginni, Laugaveg
20b, 30 og 30b. Þá er félagið með
þrjár íbúðir til útleigu til ferðamanna
á Laugavegi 86-94 undir merkjum
Northern Lights apartments.
Eins og fram kom í Morgunblaðinu
í vikunni voru seldar gistinætur á
hótelum sem eru opin allt árið um
1.636 þús. á fyrstu átta mánuðum árs-
ins, eða 11,3% fleiri en í fyrra, og er
það met. Aukningin er 67% frá 2009.
Ný gistihús í grónum hverfum
Morgunblaðið/Golli
Endurbyggt Lindargata 62 verður tekin í gegn. Félagið Byggir stendur fyrir
framkvæmdinni. Ekki hefur verið ákveðið hvort íbúðahótel verður í húsinu.
Morgunblaðið/Eggert
Nærri Laugardalslaug Félagið Norðursýn hyggst opna gistiheimili að
Hrísateig 14. Áformað er að reisa viðbyggingu úr gleri til vesturs.
Nokkrir gististaðir eru í undirbúningi í miðborg Reykjavíkur og nálægum hverfum Nýtt gisti-
hús og nýtt íbúðahótel verða opnuð í sama húsinu í Skipholti síðar á árinu Gamalt hús fær nýtt líf
Morgunblaðið/Árni Sæberg
Á horni Grensásvegar og Miklubrautar Gistiheimilið Summer Day Guest-
house var opnað í fyrrasumar. Ekki fengust upplýsingar um gistinguna.
Morgunblaðið/Golli
Skipholt 15 Tveir nýir gististaðir opna í þessu fjölbýlishúsi í Skipholtinu í
Reykjavík á næstunni. Skammt frá er verið að stækka Hótel Klett.
Hrísateigur 14 Hér má sjá frum-
drög að norðurhlið eftir breytingu.
Baldur Arnarson
baldura@mbl.is
Héraðsdómur Reykjavíkur hefur
dæmt að ríkissjóður skuli endur-
greiða fjármála-
fyrirtækinu Lýs-
ingu á annan tug
milljóna króna
vegna oftekinna
skatta.
Málið varðar
þjónustugjöld
sem lögð voru á
lánastofnanir,
Íbúðalánasjóð og
lífeyrissjóði árin
2010 og 2011 til að standa straum af
útgjöldum vegna Umboðsmanns
skuldara (UMS). Hóf það embætti
starfsemi 1. ágúst 2010.
Frá og með árinu 2012 hefur emb-
ættið verið fjármagnað með sköttum
á viðkomandi aðila.
Niðurstaðan er í samræmi við
samkomulag Lánasjóðs sveitarfé-
laga við ríkið. Um þau málalok segir
orðrétt í árshlutareikningi sjóðsins
30. júní sl.: „Lánasjóðurinn taldi
gjaldtökuna ólögmæta og höfðaði
mál til endurgreiðslu. Þann 14. maí
2013 gerðu lánasjóðurinn og ís-
lenska ríkið með sér samkomulag
þar sem ríkið féllst á að um væri að
ræða þjónustugjald sem lánasjóðn-
um bæri ekki að greiða. Var lána-
sjóðnum endurgreitt ásamt vöxtum
og málskostnaði.“
Lögum um embættið ekki fylgt
Fram kemur í dómi héraðsdóms í
máli Lýsingar að stefnandi byggir á
því að „lagaákvæði um gjaldtöku
Umboðsmanns skuldara vegna
rekstraráranna 2010 og 2011 hafi
ekki uppfyllt kröfur 40. og 77. gr.
stjórnarskrárinnar um skattlagn-
ingarheimild, enda hafi ekki með
skýrum og afdráttarlausum hætti
verið mælt fyrir um skattstofn eða
reglur um ákvörðun fjárhæðar
skatts, s.s. skatthlutfall“. „Vísar
stefnandi sérstaklega til þess að til-
vísun 5. gr. laga nr. 161/2010 til
„umfangs útlánastarfsemi“ feli ekki
í sér skýra og afdráttarlausa til-
greiningu skattstofns,“ segir í
dómnum.
Þá vísaði stefnandi, þ.e. Lýsing,
til þess að skipting gjalds á milli
gjaldenda þurfi að vera málefnaleg
og rökstudd og í samræmi við kostn-
að viðkomandi stjórnvalds af starf-
semi gjaldenda. Við gjaldtökuna hafi
ekki verið fylgt eftir ákvæðum laga
um Umboðsmann skuldara, né al-
mennum kröfum stjórnskipunar- og
stjórnsýsluréttar. „Í munnlegum
málflutningi vísaði stefnandi sér-
staklega til þess að stór hluti útlána
hans hefði verið til lögaðila en ekki
einstaklinga. Með gjaldtökunni
hefðu því verið innheimt gjöld vegna
starfsemi stefnanda sem aldrei hefði
getað leitt til verkefna hjá Umboðs-
manni skuldara.“
Jónas Fr. Jónsson var lögmaður
Lýsingar í málinu.
„Niðurstaðan er skýr og sýnir að
það var ekki fylgt þeim kröfum sem
stjórnarskrá og meginreglur laga
gera til töku þjónustugjalda. Þarna
var ekki afmarkað hvaða starfsemi
var verið að rukka fyrir. Þá voru
ekki á neinu stigi málsins lögð fram
gögn um hvernig gjaldið var fundið
út og hvaða forsendur voru að baki.
Þannig að gjaldið er ólöglegt.“
Þjónustugjald vegna UMS ólögmætt
Héraðsdómur Reykjavíkur dæmir að ríkissjóður skuli endurgreiða Lýsingu á annan tug milljóna
Jónas Fr. Jónsson
Á annan tug milljóna
» Í dómsorðum segir að ríkið
skuli greiða Lýsingu
10.257.743 kr. ásamt vöxtum.
» Það skuli gert skv. lögum
um vexti og verðtryggingu.
» Það reiknast af 5.440.609
kr. frá 15. september til 2.
nóvember 2011 en af
10.257.743 kr. frá þeim degi til
28. ágúst 2013 og ásamt
dráttarvöxtum samkvæmt
sömu lögum frá þeim degi til
greiðsludags.
» Þá skuli ríkið greiða Lýsingu
750.000 kr. í málskostnað.