Morgunblaðið - Sunnudagur - 26.10.2014, Side 15

26.10. 2014 MORGUNBLAÐIÐ SUNNUDAGUR 15
Ísfirðingar á höfuðborgarsvæðinu
komu saman um síðustu helgi á ár-
legri samkomu, Sólkveðjukaffi, þar
sem geislar sólar sjást nú ekki leng-
ur í bænum og bið verður á því þar
til eftir áramót. Síðustu helgina í
janúar verður einmitt árlegt Sólar-
kaffi af því tilefni að þá skína geislar
hennar aftur yfir fjallstinda.
„Við erum full bjartsýnni, kveðj-
um sólina með bros á vör og byrjum
strax að hlakka til að sjá hana aftur,“
segir Guðmundur Friðrik Jóhanns-
son, formaður Ísfirðingafélagsins.
„Samkoman er aðallega hugsuð til
að brottfluttir geti komið saman.
Sólkveðjukaffið hefur verið haldið
árlega í tæp 25 ár en Sólarkaffið í lok
janúar alveg frá stofnun félagsins.
Það var stofnað í apríl 1945 og Sólar-
kaffi var fyrst haldið við fyrsta tæki-
færi; í janúar 1945 – og fer því fram í
70. skipti núna eftir áramótin.“
Um 700 eru skráðir í Ísfirðinga-
félagið að sögn formannsins, „en all-
ir eru velkomnir á viðburðina hjá
okkur. Við erum ánægð ef fólk vill
koma og gleðjast með okkur“.
HÖFUÐBORGARSVÆÐIÐ
Morgunblaðið/Árni Sæberg
Sólin kvödd tímabundið
Guðmundur
formaður
í samsætinu.
Aðeins 12% innflytjenda á Ís-landi telja sig tala góða ís-lensku og ekki nema fjórð-
ungur telur sig hafa starf við hæfi.
Aðrir segjast ekki í starfi sem hæfir
menntun sinni og reynslu. Sé það
jafnvel ástæða at-
vinnuleysis síns
um lengri tíma.
Margir segja það
sömuleiðis setja
sér skorður að
enskukunnátta
þeirra sé ekki
nógu góð, fjórð-
ungur finnur fyr-
ir fordómum og
margir telja jafn-
vel erlent nafn setja sér félagsleg
takmörk.
Norðvestur og Breiðholt
Þetta var meðal þess sem fram kom
á ráðstefnunum Íslenskunám og
fjölmenningarsamfélagið sem haldn-
ar voru á Ísafirði og í Reykjavík í
síðustu viku. Þær voru haldnar á
vegum verkefnisins Menntun núna
– sem nær yfir Norðvesturkjör-
dæmi og Breiðholtshverfi í Reykja-
vík. Verkefnið er að hluta til gert út
frá Háskólanum á Bifröst í Borg-
arfirði. Fjölmenni sótti ráðstefn-
urnar þar sem fjölmargir lögðu orð
í belg.
Á ráðstefnunni í Reykjavík kom
fram að skilgreina þurfi ferli og
stuðning við íslenskukennslu sem sé
minni nú en fyrr á árum. Sú vinna
sé mikilvæg því aðeins um 20% út-
lendinga telji sig vera í starfi þar
sem menntun þeirra og reynsla nýt-
ist.
Þegar kom svo vestur á Ísafjörð
beindu ráðstefnugestir, að því er
segir í tilkynningu, sjónum að ís-
lenskunámi og ólíkum kennsluað-
ferðum sem þróaðar hafa verið og
virka vel. Er í því sambandi nefnt
verkefnið Íslenskuþorpið sem Guð-
laug Stella Brynjólfsdóttir kynnti.
Það verkefni er einskonar brú úr
kennslustofunni út í samfélagið og
daglegt líf. Markmiðið er meðal
annars að flýta fyrir frekara námi
og þátttöku á íslensku í samfélag-
inu. Dr. Guðrún Theodórsdóttir er
hugmyndasmiðurinn að Íslensku-
þorpinu og var doktorsrannsókn
hennar nýtt til að hanna nám. Eru
niðurstöðurnar nú nýttar til að
hanna og þróa fleiri tungumálaþorp.
Lykill að samfélaginu
Á Ísafirði kynnti Kristín R. Vil-
hjálmsdóttir frá Borgarbóksafninu í
Reykjavík ýmis fjölmenningarverk-
efni þar á bæ. Inntak þeirra er að
stuðla að gagnkvæmri félagslegri
aðlögun, skapa vettvang fyrir menn-
ingar- og tungumálamiðlun og efla
tengsl milli Reykvíkinga. Er í því
sambandi nefnt að bókasafns-
heimsókn verði þáttur í daglegu lífi
innflytjenda. Geirlaug Jóhanns-
dóttir, sem stýrir verkefninu
Menntun núna í Norðvest-
urkjördæmi, segir ráðstefnurnar
m.a. hafa varpað ljósi á hversu víða
sé unnið gott starf til að auðvelda
innflytjendum þátttöku í samfélag-
inu. Mikilvægt sé að miðla af
reynslu þeirra sem hafa þróað leiðir
við kennslu. Tungumálið sé jú lykill-
inn að samfélaginu. Á Íslandi séu
nú töluð 100 tungumál og víða séu
vinnustaðir þar sem bróðurpartur
starfsfólks er af erlendum uppruna,
svo sem í fiskvinnslu.
NORÐVESTURKJÖRDÆMI
Fæstir telja nám og reynslu nýtast
VERKEFNIÐ MENNTUN
NÚNA Á AÐ GREIÐA LEIÐ
TIL DAGLEGS LÍFS. RANN-
SÓKN SÝNIR 100 TUNGUR
TALAÐAR Á ÍSLANDI
Geirlaug
Jóhannsdóttir
Útlendingar eru stærstur hluti vinnuafls
hjá sjávarútvegsfyrirtækjum á Vest-
fjörðum, þótt menntun margra ætti þó að
bjóða fólkinu tækifæri til annara starfa.
Morgunblaðið/Sigurður Bogi
Dalvíkurbyggð hóf í vikunni formlega þátttöku í
verkefninu Heilsueflandi samfélag í samstarfi við
Landlækni. Áhersla er á hreyfingu, næringu, líðan og
lífsgæði og er t.d. frítt í sund og rækt í þessari viku.
Dalvík
Skógarkerfill hefur ekkert landgræðslugildi og er til ama.
Setja ætti bann við gróðursetningu hans og eyða ef þess
þarf. Þetta segir bæjarráð Hornafjarðar sem tók undir
bókun Þórhildar Ástu Magnúsdóttur, formanns ráðsins.
Hornafjörður
Tryggvi Þór Gunnarsson, varabæj-
arfulltrúi L-listans á Akureyri, ósk-
aði í vikunni eftir lausn frá því starfi
„vegna trúnaðarbrests núverandi
meirihluta í minn garð“, eins og
hann sagði í erindi til bæjarstjórnar.
Tryggvi, sem sat í bæjarstjórn á
síðasta kjörtímabili, var í 4. sæti
listans við kosningarnar í vor en L-
listinn kom aðeins tveimur mönnum
að. Eftir kosningar var ákveðið inn-
an L-listans að Tryggvi yrði stjórn-
arformaður Norðurorku en skömmu
fyrir aðalfund fyrirtækisins á dög-
unum var honum tilkynnt að af því
gæti ekki orðið þar sem núverandi
meirihluti treysti honum ekki fyrir
verkefninu.
Geir Kristinn Aðalsteinsson, fyrr-
verandi forseti bæjarstjórnar fyrir
hönd L-lista, er nýr formaður Norð-
urorku. L-listi er í meirihluta-
samstarfi við Samfylkingu og Fram-
sóknarflokk og er hvert framboð
með tvo fulltrúa í bæjarstjórn.
Tryggi Þór Gunnarsson á fundi bæj-
arstjórnar á síðasta kjörtímabili.
Morgunblaðið/Skapti
AKUREYRI
Hættur,
farinn
SPORTÍS
OPIÐ: MÁN. - FÖS. KL. 12 - 18 - LAU. KL. 12-16
MÖRKIN 6 108 REYKJAVÍK S:520-1000 SPORTIS.IS