Morgunblaðið - 06.11.2014, Side 34

BAKSVIÐ
Þórunn Kristjánsdóttir
thorunn@mbl.is
Jólabækurnar streyma nú á mark-
að, fjöldi prentaðra titla er nú kom-
inn í verslanir en fáar rafbækur
standa kaupendum til boða. Í Bóka-
tíðindum, sem Félag íslenskra
bókaútgefenda gefur út, eru 49 raf-
bækur skráðar. Í fyrra voru þær 60
talsins og árið þar áður, 2012, voru
þær 94. Útgefnum rafbókum hefur
því fækkað en ekki fjölgað.
Bryndís Loftsdóttir, fram-
kvæmdastjóri Félags íslenskra
bókaútgefenda, segir þróun raf-
bókamarkaðarins vera svipaða og á
Norðurlöndum; hann stækkar
hægt. Rafbókamarkaðurinn er inn-
an við 1% af markaðnum hér á
landi, að sögn Bryndísar. „Þetta
tekur tíma og sala rafbóka á án efa
eftir að aukast en markaðurinn er
enn sem komið er mjög lítill. Bóka-
bransinn hér snýst mikið um að
gefa bækur, sérstaklega á þessum
árstíma.“
Þó svo að tölurnar sýni að færri
rafbækur komi út í ár miðað við ár-
ið 2012, þá segir fjöldinn ekki alla
söguna, bendir Bryndís á. Margar
af þeim rafbókum sem komu út árið
2012 komu eingöngu út sem rafbók.
„Minni tilraunamennska er nú í
gangi en miðað við t.d. árið 2012.
Færri bækur koma nú eingöngu út
á rafrænu formi.“
Sala íslenskra rafbóka lakari
Sala á íslenskum rafbókum hefur
verið lakari í ár en í fyrra en auð-
vitað er helsti sölutíminn eftir, seg-
ir Stefán Hjörleifsson eigandi
eBóka, sem selur rafbækur og
hljóðbækur. „Ástæðan eru sú að fá-
ar íslenskar rafbækur koma út á
árinu. Það hefur þó gengið ágæt-
lega að selja þær rafbækur sem við
höfum fengið í sölu,“ segir Stefán.
Hann vonast til að fleiri útgef-
endur, að undanskildu Forlaginu,
átti sig á því að þeir þurfi að taka
þátt í þessari þróun ef ekki eigi illa
að fara.
Stefán segir vandamálið liggja í
því að útgefendur vilji halda í
prentuðu bókina og komi titlunum
ekki yfir á rafbókarform fyrr en
mun seinna. „Segja má að útgef-
endur séu í samkeppni við sjálfa
sig. Það hefur ekki verið hvetjandi
fyrir þá að gefa út rafbækur því
salan hefur verið svo lítil. Á móti
kemur að salan verður aldrei al-
mennileg fyrr en gott úrval er í
boði.“ Hann bendir á að bókin sé í
eðli sínu þannig vara að fólk vill fá
að lesa sinn uppáhaldshöfund um
leið og verkið kemur út. „Raf-
bókaunnendur sitja ekki við sama
borð og aðrir neytendur bóka því
þeir þurfa jafnvel að bíða í nokkra
mánuði til að fá verkið.“
Hann líkir rafbókavæðingunni við
tónlistarútgáfu og segir að um leið
og afritunarvarnir hafi verið af-
numdar af tónlist þá hafi sú útgáfa
vaxið. Hann segir höfundavarnir,
sem útgefendur hafa valið, haml-
andi í bókaútgáfu. Hann tekur fram
að aðgengi þurfi að vera gott og
hvert aukaskref sem kaupandinn
þurfi að taka á netinu sé hamlandi.
Forlagið með svipaðan fjölda
Tæplega 40 nýjar rafbækur
koma út hjá Forlaginu í ár. Þetta
er svipaður fjöldi og í fyrra en er
þó nokkuð meira en árið 2012.
„Stefna Forlagsins er að reyna
að gefa út flestar skáldsögur sem
rafbók á svipuðum tíma og prent-
aða bókin kemur,“ segir Egill Örn
Jóhannsson, framkvæmdastjóri
Forlagsins.
Hann bendir á að útgefendur séu
ekki eins hikandi við að gefa út raf-
bók samtímis prentuðu bókinni og
þeir voru í fyrstu. Egill segir sölu
rafbóka vera litla enn sem komið
er. „Ég trúi því að með auknu
framboði aukist eftirspurnin.“ Unn-
ið er að því að koma nýjustu titl-
unum yfir á rafbókarform en enn
sem komið er eru engar slíkar í
boði.
Forlagið er með rafbækur til sölu
á svokallaðri ePub-skrá. „Vonandi í
náinni framtíð verður þetta skrá-
arsniðsvandamál úr sögunni þegar
við förum að streyma rafbókum.“
Egill, ásamt fleirum, hefur unnið
að því í rúmt ár að koma á fót raf-
bókaveitu. Hún yrði í sambærileg
við efnisveituna Netflix og tónlist-
arveituna Spotify. „Þar yrði boðið
upp á áskrift að bókum, aðgengi að
miklu úrvali bóka gegn föstu gjaldi.
Það sem helst stendur í vegi fyrir
því er ekki tæknin heldur skortur á
framboði. Það þýðir lítið að bjóða
upp á hlaðborð með einum eða
tveimur réttum.“ Hann bendir á að
ef slíkt hlaðborð eigi að vera girni-
legt þurfi framboðið að vera á
bilinu 500-1.000 titlar.
Bjartur og veröld gefa út um 20
titla á rafbók á árinu, sem er örlítil
aukning frá því í fyrra. Helming-
urinn af þeim eru nýir titlar.
Engar rafbækur fyrir jólin
Enginn af þeim titlum sem bóka-
útgáfan Salka gefur út fyrir jólin
kemur út sem rafbók. Titlarnir eru
á bilinu 30 til 40 og örlítið færri en í
fyrra. „Við gefum líklega út nokkr-
ar rafbækur eftir áramótin, þá
skáldsögur og kannski hugsanlega
einhverjar handbækur sem ekki
eru mikið myndskreyttar. Við tök-
um þetta rólega því þetta hefur
ekki skilað miklu og þá erum við
ekki stórtæk í bráð,“ segir Hildur
Hermóðsdóttir, framkvæmdastjóri
Sölku. Innan við tugur rafbóka
hefur alls komið út hjá Sölku. Að
sögn Hildar þá hafa þær ekki selst
mikið.
Bókaútgáfan Sögur gefur út 28
titla fyrir jólin. Engin af þeim bók-
um mun koma út sem rafbók. Sömu
sögu er að segja um bókaútgáfuna
Dimmu.
Dræm sala íslenskra rafbóka
helst í hendur við lítið framboð
 Engar nýútkomnar íslenskar skáldsögur komnar út sem rafbækur en eru væntalegar, að sögn útgefenda
Morgunblaðið/Ómar
Rafbækur 49 rafbækur eru skráðar í Bókatíðindi í ár, færri en í fyrra.
34 FRÉTTIRInnlent
MORGUNBLAÐIÐ FIMMTUDAGUR 6. NÓVEMBER 2014
„Okkar stefna er að gefa allar texta-
bækur líka út sem rafbækur. Þetta
hefur verið markmið okkar frá upp-
hafi og við lítum á rafbókina sem
sjálfsagða þjónustu við kaupand-
ann,“ segir Marta Hlín Magnadóttir
sem á bókaútgáfuna Bókabeituna
ásamt Birgittu Elínu Hassell. Bóka-
beitan gefur eingöngu út barna-,
unglinga- og ungmennabækur. Í ár
koma átta titlar út á rafbókarformi
sem eru um 80% útgefinna titla.
„Við viljum fá börn og unglinga til
að lesa meira og á því formi sem
þau kjósa sjálf. Þau geta verið með
rafbókina í símanum og þar með í
vasanum.“
Allar bækur Bókabeitunnar eru
fáanlegar á Amazon.com. Að sögn
Mörtu er sala rafbókanna ekki kom-
in almennilega af stað ennþá,
hvorki hjá Amazon né hjá inn-
lendum rafbókasölum. „Við teljum
samt mikilvægt að bjóða líka upp á
rafbækurnar á Amazon. Sumir vilja
bara lesa á íslensku en ekki ensku
og því þurfa íslenskar rafbækur að
vera á boðstólum fyrir allar teg-
undir rafbókalesara. Margir á Ís-
landi nota Kindle fyrir Amazon og
einnig þeir sem búa erlendis.“
Þjónusta við kaupendur
BÓKABEITAN GEFUR ALLAR TEXTABÆKUR ÚT SEM RAFBÓK
Birgitta E. Hassel og Marta H. Magnadóttir.
Frumkvöðlasetrið Djúpið hefur ver-
ið opnaði á Djúpavogi. Tilgangur
setursins er að styðja frumkvöðla
við að skapa ný atvinnutækifæri á
Djúpavogi og víðar á Austurlandi.
Það var síðastliðið vor sem Aust-
urbrú ses., AFL Starfsgreinafélag
og Djúpavogshreppur undirrituðu
viljayfirlýsingu um stofnun frum-
kvöðlaseturs á Djúpavogi. Tilgangur
setursins er að styðja frumkvöðla
við að hrinda hugmyndum sínum í
framkvæmd og skapa ný atvinnu-
tækifæri á Djúpavogi og víðar í
landshlutanum, segir í fréttatilkynn-
ingu.
AFL Starfsgreinafélag leggur
setrinu til að byrja með til húsnæði í
Sambúð, Mörkinni 12, á Djúpavogi
auk aðgangs að nettengingu. Djúpa-
vogshreppur leggur frumkvöðla-
setrinu til 250.000 kr. til að standa
straum af nauðsynlegum stofnkostn-
aði. Austurbrú ses. veitir Djúpinu
samræmda og þverfaglega þjón-
ustu.Efnt var til nafnasamkeppni í
haust til þess að finna frum-
kvöðlasetrinu nafn. Alls bárust 33
tillögur að nafni og varð nafnið
Djúpið fyrir valinu.
Djúpið var opnað formlega mánu-
daginn 3. nóvember og í tilefni dags-
ins var boðið upp á námskeiðið
Sköpunarkjarkur sem byggt er laus-
lega á bókinni Sköpunarkjarkur eft-
ir bræðurna Tom og David Kelly.
Kennari var Karl Guðmundsson ráð-
gjafi í vöruþróun og markaðsmálum.
Ljósmynd/Djúpið
Í Djúpinu Fjöldi gesta leit inn þegar frumkvöðlasetrið var opnað.
Frumkvöðlasetur
opnar á Djúpavogi
Laugavegi 7, 101 Reykjavík - Sími: 551-3033 Flot
tir í fötum
Frímúrarar – Oddfellowar
Vönduðu þýsku kjólfötin
komin aftur
Ótrúlegt verð:
72.900,-
með svörtu vesti
á meðan birgðir endast