Fréttablaðið - 15.06.2013, Síða 10

15. júní 2013 LAUGARDAGUR| FRÉTTIR | 10
Annað megin-
atriði í breyting-
unum er að vald
verður í auknum
mæli fært frá
Brussel til aðild-
arríkjanna.
„Á vettvangi
ESB er gerð
almenn löggjöf
sem ríkin sjá um
að framfylgja með ítarlegri hætti.
Aðildarríki innan ákveðins svæðis
geta þá komið sér saman um tillög-
ur um innleiðingu ESB-reglna.“
Poulsen tekur sem dæmi heimild-
ir til framsals aflaheimilda. Fram-
kvæmdastjórnin hafi talað fyrir því
að skylda aðildarríkin til að hafa
slíkan hátt á, þar sem viðhorfið þar
á bæ hafi verið að það fyrirkomulag
myndi vinna gegn ofveiði. Það náði
hins vegar ekki í gegn, en hverju
ríki er þó frjálst að hafa veiðiheim-
ildir framseljanlegar.
Hann segir aðspurður að í þessu
ferli megi segja að vísindin hafi
tekið við af pólitík hvað varðar
stjórn fiskveiða í ESB.
„Það er engar ýkjur, því að nú
er alveg ljóst að ákvörðun veiði-
heimilda verður að fylgja vísinda-
legum forsendum til að tryggja
sjálfbærni.“
SJÁVARÚTVEGUR Eftir margra ára
þref hafa aðildarríki ESB loks náð
saman um breytingar á sameigin-
legu fiskveiðistefnunni. Ráðherra-
ráðið og Evrópuþingið sættust fyrir
síðustu mánaðamót á heildarpakka,
sem er miðaður að því að tryggja
sjálfbærni fiskveiða eftir mikla
ofveiði úr stofnum ESB um árabil.
Breytingarnar verða að öllum lík-
indum staðfestar í lok mánaðarins
og taka gildi í upphafi næsta árs.
Ole Poulsen, helsti sérfræðing-
ur Dana í sjávarútvegsmálum, var
staddur hér á landi í vikunni til að
kynna breytingarnar, en Poulsen
leiddi endurskoðunarstarfið í ráð-
herraráðinu á meðan Danir höfðu
þar forsæti á síðasta ári. Hann
segir þetta marka tímamót fyrir
sjávarútveg í Evrópu.
„Þetta er sannarlega stórt skref.
Við höfum áður leitt í gegn breyt-
ingar á stefnunni, en þetta eru mun
meiri grundvallarbreytingar en
hingað til. Það sem munar mest um
er að stefnan er unnin út frá sjónar-
miðum vistkerfisins, bannar brott-
kast og eykur svæðanálgun.“
Poulsen segir að erfiðasti hjall-
inn í umbótaferlinu hafi verið að fá
aðildarríkin til að samþykkja bann
við brottkasti. En af hverju er slíkt
umdeilt?
„Það er erfitt í framkvæmd
vegna þess að skipum verður nú
gert að tilkynna allan sinn afla
og eiga heimildir fyrir honum.
Því þurfti að koma upp kerfi með
úrræði sem hægt væri að nota til
að bregðast við því ef ekki væri til
kvóti fyrir meðaflanum.“
Meðal þeirra úrræða sem Poul-
sen á við er að meðafla mætti að
hluta til draga af heimildum í þeirri
tegund sem ætlað var að veiða, en
þau tilfelli verða metin hvert fyrir
sig.
Stórt skref í átt að sjálfbærni
Sérfræðingur í fiskveiðistefnu ESB segir að grundvallarbreytingar hafi verið gerðar með nýsamþykktum
breytingum. Stefnt sé að sjálfbærni veiða, brottkast bannað í áföngum og aðildarríkin fái meiru ráðið.
■ Eins og sakir standa er veitt of mikið úr 68% allra fiskistofna ESB, þar á
meðal 80% í Miðjarðarhafinu.
■ Talið er að um 23% af öllum fiskafla í ESB-ríkjum sé hent í sjóinn aftur,
en nýju lögin gera ráð fyrir því að slíkt verði bannað í áföngum á næstu
þremur árum.
■ Poulsen hefur talað á opnum kynningarfundum á Stykkishólmi, í Vest-
mannaeyjum og Reykjavík síðustu daga, auk þess sem hann hefur hitt fólk
úr stjórnsýslunni og sjávarútvegsgeiranum.
23% afla hent aftur í sjóinn
Í ÁTT TIL SJÁLFBÆRNI Aðildarríki ESB hafa komið sér saman um breytingar á fiskveiðistefnu sambandsins. Sjávarútvegsgeirinn
í ESB hefur um langa hríð einkennst af ofveiði. FRÉTTABLAÐIÐ/AP
OLE POULSEN
BRETLAND, AP Flugfélög um allan
heim gætu átt yfir höfði sér sekt ef
þau hleypa Edward Snowden, sem
lak upplýsingum um eftirlit banda-
rískra stjórnvalda á síma- og net-
notkun, um borð í vél til Bretlands.
Bresk stjórnvöld gáfu út viðvör-
un þess efnis fyrr í vikunni, og til-
taka að Snowden verði líklega neit-
að um landvistarleyfi við komuna
til landsins. Viðkomandi flugfélag
gæti þurft að greiða sekt upp á allt
að 2.000 sterlingspund.
Snowden, sem starfaði hjá leyni-
þjónustu Bandaríkjanna, er enn tal-
inn vera í Hong Kong. Hann hefur
ekki verið ákærður fyrir glæp og
engin handtöku skipun hefur verið
gefin út á hendur honum.
Ef fleiri lönd fylgja fordæmi
Bretlands gæti farið að þrengja að
Snowden, sérstaklega ef hann fengi
ekki hæli í Hong Kong.
Kínversk stjórnvöld hafa ekki
tjáð sig um mál hans, en fjölmiðlar
þar í landi, nátengdir kommúnista-
flokknum, hafa velt því upp hvort
ekki væri fengur í því fyrir Kína
að halda Snowden í landinu, frek-
ar en að reka hann á brott, og fá
þannig frá honum enn frekari upp-
lýsingar. - þj
Bresk stjórnvöld vilja ekki fá Snowden til landsins:
Sekt fyrir að fljúga
með uppljóstrara
STYÐJA SNOWDEN Flugfélögum hefur verið bannað að hleypa Edward Snowden
um borð í vélar til Bretlands. Hann nýtur þó víða stuðnings fyrir uppljóstranir sínar.
NORDICPHOTOS/AFP
Nýdoktorastyrkir Háskóla Íslands
Háskóli Íslands auglýsir tíu nýdoktorastyrki sem ætlaðir eru vísindamönnum sem hafa
lokið doktorsprófi á síðastliðnum fimm árum og verða þeir veittir til allt að þriggja ára.
Miðað er við að að minnsta kosti einn nýdoktor verði styrktur til starfa á sérhverju fræða-
sviði Háskóla Íslands. Sérstök stjórn skipuð af rektor, með fulltrúum allra fræðasviða,
annast mat og forgangsröðun umsókna.
Við mat á umsóknum er fyrst og fremst farið eftir rannsóknaáformum, rannsóknaáætlun
og ritvirkni umsækjanda. Með umsókn þarf að fylgja staðfesting, frá fræðasviði, deild eða
stofnun við Háskóla Íslands, á að umsækjandi njóti fullnægjandi aðstöðu og hafi aðgang
að búnaði til að stunda fyrirhugaðar rannsóknir eftir því sem við á. Einnig skal umsækjandi
senda með afrit af doktorsprófskírteini.
Umsóknarfrestur er til og með 10. ágúst 2013.
Miðað er við að styrkþegar hefji störf eigi síðar en 1. janúar 2014.
Nánari upplýsingar, þ.á m. um ofangreinda staðfestingu á aðstöðu,
veitir Sólveig Nielsen, vísinda- og nýsköpunarsviði solveign@hi.is.
Nánari upplýsingar á
www.hi.is/laus_storf og www.starfatorg.is

PIPA
R
\
TBW
A

SÍA

131870
EVRÓPA Vinnandi fólki fækkaði
í ríkjum ESB á fyrsta fjórðungi
þessa árs, hvort sem miðað er
við ársfjórðunginn á undan, eða
sama tíma í fyrra. Þetta segir í
tölum frá Eurostat.
Alls voru 221,9 milljónir
manna í vinnu í ESB á fyrsta
fjórðungi í ár. Það jafngildir
0,2% fækkun miðað við síðasta
ársfjórðung og 0,4% miðað við
fyrsta ársfjórðung í fyrra.
Atvinnuleysi í ESB var 12,2%
í apríl í ár, en það hefur aukist
stöðugt frá byrjun árs 2011. - þj
Nýjar tölur frá Eurostat:
Vinnandi fer
fækkandi í ESB
DANMÖRK Norskur karlmaður,
búsettur í Vejle í Danmörku, fékk
í gær tveggja mánaða skilorðs-
bundinn dóm fyrir stuðningsyfir-
lýsingar við fjöldamorðingjann
Anders Behring Breivik.
„Við elskum þig Anders Brei-
vik,“ skrifaði maðurinn á Face-
book-vegg Breiviks, eftir spreng-
inguna í Ósló og fjöldamorðin í
Útey fyrir tæpum tveimur árum.
Fram kemur í frétt Berlingske
að hann sendi Breivik einnig
SMS-skilaboð um hádegisbil dag-
inn sem ódæðin voru framin. Það
vakti grun um að maðurinn ynni
með Breivik. Það þótti hins vegar
ekki sannað. - þj
Dæmdur í Danmörku:
Sagðist elska
Anders Breivik
ANDERS BEHRING BREIVIK