Fréttablaðið - 22.08.2013, Blaðsíða 10

22. ágúst 2013 FIMMTUDAGUR| FRÉTTIR | 10
PERÚ, AP Mashcu-Piro þjóðflokkur-
inn í Perú hefur stigið fram úr ein-
angrun vegna rasks frá ólöglegu
skógarhöggi og smyglurum.
Yfir hundrað frumbyggjar birt-
ust vopnaðir sveðjum og bogum
á bakka árinnar Las Piedras og
höfðu í hótunum við íbúa þorpsins
Monte Salvado hinu megin árinnar.
Þeir eru sagðir hafa krafist þess
að fá banana, reipi og sveðjur og
sneru við þegar þeim var bent á
bananstæðu þeirra megin árinnar.
Í Perú er bannað að hafa sam-
skipti við 15 þjóðflokka sem þar
búa enn einangraðir í skóglendi í
hlíðum Andesfjalla. Talið er að þar
búi 12 til 15 þúsund manns. - gb
Þjóðflokkur í Perú ósáttur:
Veifa sveðjum í
mótmælaskyni
FRUMBYGGJAR Mashcu-Piro þjóð-
flokkurinn hefur búið einangraður í
frumskógum Perú. FRÉTTABLAÐIÐ/AP
HEKLA · Laugavegi 170-174 · Reykjavík · Sími 590 5000 · hekla.is
Umboðsmenn um land allt: Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði
VIRKJANAMÁL Svanfríður Jónas-
dóttir, fyrrverandi formaður verk-
efnisstjórnar um rammaáætlun,
segir af og frá að fagleg sjónar-
mið hafi ekki búið að baki því að
Norðlingaölduveita hafi verið sett í
verndarflokk í rammaáætlun.
„Nei, það er af faglegum ástæð-
um sem að Norðlingaölduveita
lendir í verndarflokki. Það eru full-
komlega faglegar ástæður og það
hafði enginn stjórnmálamaður nein
afskipti af því,“ segir Svanfríður.
Hún segir ýmsa samverkandi
þætti hafa verið þess valdandi að
Norðlingaölduveita sé í verndar-
flokki. „Þegar ákvörðun var tekin
um Norðlingaölduveitu var ekki
síst litið til þess að Alþingi
var búið að fjalla um Norð-
lingaölduveitu,“ segir
Svanfríður.
Hún segir að nátt-
úruverndaráætlun hafi
meðal annars haft áhrif
á matið. „Norðlinga-
ölduveita var í raun-
inni komin hálfa
leið inn í friðunarflokk af því að
Alþingi hafði með náttúruverndar-
áætlun stækkað útmörk friðlands-
ins. Það var litið til þess sem
Alþingi hafði áður tekið ákvörðun
um,“ segir Svanhildur. Orð Svan-
fríðar eru þvert á orð iðnaðar- og
viðskiptaráðherra, sem sagði í
kvöldfréttum Stöðvar 2 á föstu-
daginn að skipun Norðlingaöldu-
veitu í verndarflokk hefði verið
„pólitísk ákvörðun tekin af
Alþingi og í krafti síðasta
meirihluta“. - js
Fyrrverandi formaður verkefnisstjórnar talar þvert á orð iðnaðarráðherra:
Í verndarflokk að faglegu mati
SVANFRÍÐUR JÓNASDÓTTIR
SÝRLAND Stjórnarandstæðingar í
Sýrlandi saka stjórnarherinn um
efnavopnaárás, sem kostað hefur
hundruð manna, ef ekki vel yfir
þúsund, lífið í einu úthverfa höf-
uðborgarinnar Damaskus.
Sýrlandsstjórn segir ekkert
hæft í þessu en myndir af fjöl-
mörgum líkum barna og fullorð-
inna sýna að mannfallið er mikið.
Engin skotsár sjást á líkunum og
blóð sést ekki heldur.
Samtök, sem hafa höfuðstöðvar
í Bretlandi en fylgjast með mann-
réttindabrotum í Sýrlandi, segja
að eiturgasi hafi verið skotið með
flugskeytum bæði af jörðu og úr
lofti á bæinn Arbin, sem er rétt
austan við Damaskus.
Nokkra furðu vekur að stjórnar-
herinn skuli ákveða að beita efna-
vopnum einmitt nú, þegar tuttugu
manna sendinefnd sérfræðinga frá
Sameinuðu þjóðunum er nýkomin
til landsins til að kanna ásakanir
um að efnavopnum hafi verið beitt
á þremur stöðum í borgarastríðinu
þar.
Frakkar, Bandaríkin og fleiri
ríki hafa nú krafist þess að þessi
efnavopnahópur Sameinuðu
þjóðanna haldi án tafar til Arbin
að kanna ummerki þar og komast
til botns í málinu.
Tölur um mannfall hafa verið
nokkuð á reiki. Á myndunum
sjást tugir líka. Samtök stjórnar-
andstæðinga tala um að meira
en hundrað hafi látist, en sumir
stjórnarandstæðingar segja meira
en 1.300 manns látna.
Misvísandi tölur af þessu tagi
eru algengar í kjölfar mannskæðra
árása í Sýrlandi, þar sem stjórnin
heimilar ekki óháðum frétta-
mönnum og samtökum aðgang að
upplýsingum.
Upplýsingaráðherra Sýrlands
sagði ásakanirnar tóman tilbúning
og til þess eins ætlaðar að
afvegaleiða eftirlitsmennina frá
Sameinuðu þjóðunum.
„Ef Sýrlandsstjórn hefur
ekkert að fela og vill í raun að
gerð verði óháð og trúverðug
rannsókn á notkun efnavopna
í Sýrlandi, þá mun hún veita
hópi Sameinuðu þjóðanna tafar-
lausan og óhindraðan aðgang að
þessum stað,“ segir Josh Earnest,
talsmaður Bandaríkjastjórnar.
Átökin í Sýrlandi hófust með
friðsamlegum mótmælum í mars
árið 2011 og hafa stigmagnast með
hverjum mánuðinum sem líður.
Þau hafa kostað meira en hundrað
þúsund manns lífið.
gudsteinn@frettabladid.is
Sýrlandsher sakaður um að
beita efnavopnum á borgara
Stjórn Assads Sýrlandsforseta sökuð um efnavopnaárás í einu úthverfa höfuðborgarinnar Damaskus. Ljóst þykir
að hundruð hafi látist. Stjórnarandstæðingar segja 13 hundruð hafa týnt lífi. Mörg börn eru meðal hinna látnu.
ÁRÁSIN KOSTAÐI HUNDRUÐ, EF EKKI ÞÚSUNDIR LÍFIÐ Skelfilegar myndir birtust
í gær af líkum barna jafnt sem fullorðinna í Arbin. NORDICPHOTOS/AFP
HÖNNUN Samkvæmt heimildum
breska blaðsins The Telegraph er
uppi orðrómur um að iPhone 5S-
síminn muni verða
fáanlegur í gull-
lit innan skamms,
en hingað til hafa
símarnir einungis
verið til í svörtu og
hvítu.
Ef rétt reyn-
ist mun litnum
líklega svipa til
litar á iPod mini,
sem er fáanlegur í
gulllituðu, en liturinn er mattur og
heldur daufur.
Talið er að Apple sé með þessu
að reyna að höfða betur til kaup-
enda í Kína og á Indlandi en þar
eru gylltir símar einstaklega vin-
sælir meðal neytenda. - le
Orðrómur um meira litaval:
Nýr iPhone-
sími í gulllit
ATVINNUMÁL Markaðsstofa Norð-
urlands hefur áhyggjur af auknum
umsvifum ólöglegrar atvinnu-
starfsemi í ferðaþjónustunni. Í til-
kynningu seigir að mikil þörf sé
á markvissum aðgerðum til þess
að sporna við slíkri starfsemi,
einkum í tengslum við leyfislausa
gistingu, bílaleigur og ferðaskipu-
leggjendur. Skorað er á Ragnheiði
Elínu Árnadóttur, iðnaðar- og við-
skiptaráðherra, að beita sér af
hörku gegn ólöglegri atvinnustarf-
semi innan geirans. - le
Ólöglegir þvælast fyrir:
Segja mikla þörf
á aðgerðum
VIÐSKIPTI Rannsóknasetur
verslunarinnar mun stýra tveggja
ára evrópsku rann sóknarverkefni
sem miðar að eflingu starfs-
þjálfunar í verslunum.
Markmið verkefnisins er að
til verði sérhæfðir starfsmenn í
verslunum sem tekið geta að sér
þjálfun og verklega kennslu nýrra
starfsmanna. Verkefnið er liður í
því að bæta fagmennsku í versl-
unarstörfum og verður það próf-
að í verslunum Samkaupa hér á
landi. - ka
Nýtt rannsóknarverkefni:
Fagmennska í
verslun aukin
UTANRÍKISMÁL
Fundaði um norðurslóðir
Gunnar Bragi Sveinsson utanríkis-
ráðherra fundaði í gær með Patrick
Borbey frá Kanada, formanni embættis-
mannanefndar Norðurskautsráðsins.
Kanada fer með formennsku í ráðinu
næstu tvö árin. Gunnar Bragi ræddi
mikilvægi norðurslóða í utanríkisstefnu
stjórnvalda og mikilvægi Norður-
skautsráðsins fyrir alþjóðasamvinnu á
norðurslóðum.