Fréttablaðið - 22.08.2013, Síða 58

22. ágúst 2013 FIMMTUDAGUR| MENNING | 42
Evgeniy Mironov leikur aðalhlutverkið í
Calculator. Hann á sitt eigið leikhús í Rússlandi
og er góðvinur Pútíns.
„Rússneskar myndir fara ekki mikið út fyrir
landsteinana, en ég á dyggan og stóran að-
dáendahóp í Rússlandi sem ég reyni að vera í
góðum tengslum við. Það vita ósköp fáir hver
ég er utan Rússlands,“ segir Evgeniy Mironov,
sem tökuliðið vísar til sem hins rússneska Tom
Cruise.
„En mér finnst dásamlegt að vera í tökum á
Íslandi, þessir tökustaðir eru frábærir. Ég hef
aldrei áður leikið í mynd þar sem tökustaðirnir
eru svona fullkomnir, ég þarf varla að hafa
fyrir því að leika,“ segir Egveniy kíminn.
„Ég fæ tvo frídaga til að skoða landið og ætla
að nýta þá út í ystu æsar,“ segir hann jafnframt.
Evgeniy Mironov leikur snilling í Calculator
sem rís upp gegn kerfinu.
„Það er ekki erfitt,“ segir hann og hlær. „Ég
sakna líka stúlkunnar sem ég verð ástfanginn
af en hún breytir viðhorfi mínu til heimsins,“
útskýrir hann.
„Karakterinn minn sér nefnilega ekki fólk
heldur bara tölur og reiknar allt út. Þannig
kom nafn myndarinnar til: Calculator,“ bætir
Evgeniy við.
„En myndin fjallar um ást og frelsi, á annarri
plánetu“ segir hann.
„Ég hef aldrei leikið í geimmynd áður. Ég sér-
hæfi mig í klassískum verkum í Rússlandi eins
og Fávitanum eftir Dostojevskí,“ segir Egveniy
og er augljóslega ekki hræddur við áskoranir.
„Sem leikari þarf ég alltaf að vera trúr
stílnum og leika alla stíla mjög alvarlega –
meira að segja kómedíu. Leikari á að trúa öllu
sem hann gerir og það er aldrei auðvelt,“ heldur
hann áfram.
Aðspurður sagði Evgeniy það hafa komið sér
á óvart hversu mikill fagmaður Vinnie Jones
væri, fram í fingurgóma.
„Þótt hann sé ekki lærður leikari, þá er mjög
gott að vinna með honum,“ segir Evgeniy að
lokum.
Anya Chipovskaya leikur hitt aðalhlutverkið
í myndinni – stúlkuna sem Evgeniy verður ást-
fanginn af.
Hún var aðeins fimmtán ára gömul þegar hún
hóf feril sinn sem leikkona í kvikmyndum.
„Ég er búin að vera að leika í ellefu ár, en nú
til dags leik ég meira í leikhúsum í Rússlandi,“
segir Anya.
„Það er mikill heiður fyrir mig að leika á móti
Evgeniy. Hann er frábær leikari og mjög gott að
leika á móti honum. Hann er mjög virtur í Rúss-
landi og Calculator er sannkölluð stórmynd á
okkar mælikvarða,“ útskýrir Anya.
„Karakterinn minn er pínulítið brjálaður.
Mig hefur alltaf dreymt um að vera með stutt
hár og ég fékk þann draum uppfylltan í þessari
mynd sem er persónulegur sigur fyrir mig,“
segir Anya, létt í bragði.
Aðspurð segist Anya hafa verið pínulítið
stressuð yfir að hitta meðleikara sinn, Vinnie
Jones, í fyrsta sinn.
„Mér skilst að hann sé kallaður beinabrjót-
urinn. En hann er almennilegur og kurteis. Ég
myndi samt ekki vilja mæta honum í dimmu
húsasundi,“ segir Anya.
Þetta er í fyrsta sinn sem Anya kemur til
Íslands.
„Þetta er ótrúlega fallegt land. Ég fór til
dæmis að Seljalandsfossi og gekk bak við foss-
inn. Tíminn stoppaði. Ég trúði ekki hvað þetta
var fallegt,“ segir Anya að lokum.
olof@frettabladid.is
Vill ekki mæta Vinnie
Jones í húsasundi
Evgeniy Mironov og Anya Chupovskaya leika aðalhlutverk við hlið Vinnie Jones
í kvikmyndinni Calculator, en tökur á kvikmyndinni standa nú yfi r á Íslandi.
EVGENIY MIRONOV OG ANYA CHUPOVSKAYA Leikarnir sem leika aðalhlutverkin í rússnesku
kvikmyndinni Calculator, en tökur standa yfir á myndinni um þessar mundir á Íslandi. MYND/SAGA FILM
Söngkonan Cher býr sig þessa
dagana undir tónleikaferðalag
á næsta ári sem gæti vel orðið
hennar síðasta sökum aldurs, en
hún er 67 ára gömul. Dívan hefur
fengið búningahönnuðinn og vin
sinn til margra ára, Bob Mackie til
þess að sjá alfarið um útlit hennar
á tónleikunum. Mackie á heiðurinn
af mörgum af eftirminnilegustu
búningum söngkonunnar, eins og
þegar hún kom fram með Michael
Jackson á MTV Music Awards árið
1975 í silfurlituðum samfestingi
sem sýndi mikið hold og vakti gríð-
arlega athygli. Búningahönnuður-
inn sagði nýlega í viðtali að hann
væri ótrúlega spenntur yfir að fá
að hanna á Cher á ný. „Það er ekki
eins og þetta sé venjuleg mann-
eskja, þetta er gyðjan Cher,“ sagði
Mackie.
Í hverju verður Cher?
Söngkonan undirbýr tónleikaferðlag til þess að
kynna plötu sína „Closer To The Truth“
GLÆSILEG Cher lítur ótrúlega vel út. Hér
er hún að syngja á tónleikum í New York.
NORDICPHOTOS/GETTY
Konurnar á bak við hátískumerkið
Marchesa, þær Georgina Chap-
man og Keren Craig, kynntu nýja
fatalínu fyrirtækisins, sem nefnist
Marchesa Voyage, fyrir stuttu.
Voyage-línan er frábrugðin
Marchesa að því leytinu til að
hún höfðar til stærri og breiðari
hóps kvenna. Marchesa er þekkt
fyrir glamúr og fágaðar flíkur og
sjást þær ósjaldan prýða stjörnur
á rauða dreglinum í Hollywood.
Fastakúnnar Marchesa eru
stjörnur á borð við Halle Berry,
Blake Lively og Naomi Watts.
Aðdáendur Marchesa eru að
vonum ánægðir með Voygae-
línuna þar sem hún inniheldur
flíkur sem henta við fleiri tæki-
færi. „Við viljum að konur noti
fötin okkar í vinnunni eða í
ferðalaginu, þetta eru föt sem
henta við öll tækifæri“, segir
Chapman.
Fatalína Marchesa Voyage
verður seld vestanhafs í stór-
verslunum eins Saks og
Bloomingdales.
Ný lína frá Marchesa
Fatalínan Marchesa Voyage er fyrir breiðari hóp
kvenna. Flíkurnar sagðar henta við öll tækifæri.
NÝ FATALÍNA VÆNTANLEG Hönnuðir
Marchesa, þær Keren Craig og Georgina
Chapman. NORDICPHOTOS/GETTY
AF TÖKUSTAÐ Hér má sjá tökulið og leikara á sólríkum tökudegi. MYND/SAGAFILM
Fullorðins
595»
Barna
295»
KOMD’Í
SHAKE