Fréttablaðið - 22.08.2013, Síða 56

22. ágúst 2013 FIMMTUDAGUR| MENNING | 40
Kl. 12.00-13.00
HAFNARHÚSIÐ
Reykjavík Dance Festival býður upp
á Lunch Beat í Hafnarhúsinu. Eina
reglan er að dansa.
? Sæl Sigga Dögg. Mig langar að byrja á því að segja þér að
ég les alltaf greinarnar þínar og
finnst þær mjög skemmtilegar. Ég
hef verið að velta fyrir mér swing-
hugtakinu og opnum samböndum.
Er þetta mikið stundað hér á
Íslandi og hefur þetta reynst fólki
vel sem er kannski í sambandi þar
sem kynlíf er ekki lengur stundað
jafn oft og áður?
●●●
SVAR Ég þakka kærlega hólið,
gott að vita að lesendur hafi gagn
og gaman af. Það er ekki til neitt
eitt svar við þessari spurningu
því hún er margþætt og felur í sér
ólíka hluti, swing og opin sam-
bönd. Þá ber að nefna að þessir
hópar eru ekki einsleitir og því
skilgreining aðeins til viðmiðunar.
Algengur skilningur á swing er
að það sé eitthvað sem pör stunda
saman, eiginleg makaskipti. Oftar
en ekki fer par saman á sérstakan
swing-stað, það getur verið
heimahús eða klúbbur. Margir
slíkir staðir hleypa einungis
pörum inn. Makaskiptin snúa
frekar að kynlífi með einhverjum
öðrum en maka, en ekki því að
stofna til sambands við þann ein-
stakling. Pör sem stunda maka-
skipti setja sér eigin ramma um
hvað sé leyfilegt og hvað ekki,
líkt og pör í opnum samböndum.
Það sem greinir þessa tvo hópa
að eru þessi makaskipti. Í opnu
sambandi ríkir sá skilningur að
annar aðili, eða báðir, megi vera í
samböndum með öðrum einstak-
lingum eða stunda kynlíf með
öðrum einstaklingum. Í opnum
samböndum geta því margir
einstaklingar verið saman í sam-
bandi en ekki endilega allir hver
við annan.
Að mér vitandi hafa þessir
hópar ekki verið rannsakaðir á
Íslandi. Oftar en ekki er talað um
„lyklateiti“ í tengslum við maka-
skipti og var þetta töluvert vin-
sælt í kringum áttunda áratug-
inn. Byggt á erlendum gögnum
eru makaskipti stunduð af eldri
einstaklingum sem hafa jafnvel
verið giftir í mörg ár. Makaskipti
geta átt sér stað einu sinni eða
reglulega.
Opin sambönd (polyamory)
ganga út á tilfinningar og kynlíf
og þeir sem eru í opnum sam-
böndum segja þetta sinn „lífs-
stíl“. Umræðan um opin sambönd
er að aukast og eru þó nokkrir
fræðimenn sem telja það mann-
inum eðlislægara en einkvæni.
Vissulega getur afbrýðisemi
skotið upp kollinum og því er
þetta ekki eitthvað sem hentar
öllum.
Samskipti eru lykilinn, hvort
sem um ræðir opið samband eða
makaskipti. Báðir aðilar þurfa
að vera sáttir, viðurkenna til-
finningarnar og tala um þær.
Þegar kynlíf er stundað með
mörgum einstaklingum má alls
ekki gleyma að nota smokkinn.
Hann, ásamt opnum samskiptum,
er alger grundvöllur fyrir því að
þetta geti gengið upp.
KYNLÍF TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
ÞÉTT DAGSKRÁ
Á MENN INGARNÓTT
Það verður úr nægu að moða fyrir gesti menningarnætur á laugardag.
Blaðamaður skoðaði viðburðina í boði og raðaði saman eigin dagskrá.
NÓG Í BOÐI Á meðal þess sem verður í boði á menningarnótt er vöfflukaffi, tískusýning á Skólavörðustíg, heimildarmynd um
Rax, sigling með Sigrúnu Eldjárn og tónleikar með Unnsteini Manuel og félögum í Retro Stefson, Ásgeiri Trausta og Sigríði Thor-
lacius og félögum í Hjaltalín. FRÉTTABLAÐIÐ/ERNIR
Umræða um opin
sambönd að aukast
HENTAR SUMUM Sigga Dögg segir
opin sambönd og swing henta sumum
pörum. NORDICPHOTOS/GETTY
„Þetta verður heil helgi af lífræn-
um og ljúffengum mat, hugleiðslu,
jóga og hreyfingu,“ segir Margrét
Alice Birgisdóttir, NLP heilsu-
markþjálfi, sem stendur fyrir
heilsuhelgi ásamt Gyðu Dröfn
Tryggvadóttir lýðheilsufræðingi
og jógakennara og Alberti Eiríks-
syni ástríðukokki. Á heildina litið
er heitið á heilsuhelgi sem fer
fram á Sólheimum í Grímsnesi.
„Við reynum að varpa ljósi á hvar
einstaklingurinn er staddur í dag
og hvert hann stefnir. Við vinnum
út frá markþjálfun og viljum fá
fólk til þess að setja sér mark-
mið og vinna í verðgildum sínum.
Það er mjög algengt að fólk eyði
of miklum tíma í það sem skiptir
ekki máli og þar með er lítill tími
fyrir jákvæða og heilbrigða hluti
í lífi fólks. Við vorum með nám-
skeið í júní sem heppnaðist það vel
að við ætlum að gera þetta aftur
í haust,“ segir Margrét að lokum.
Boðið er upp á tvær helgar í sept-
ember, helgina 12.-15 og 26.-29.
september.
Bætt líðan og betri
heilsa á Sólheimum
Margrét Alice Birgisdóttir er ein þriggja sem standa
fyrir heilsuhelgi á Sólheimum í september.
FLOTTUR HÓPUR Gyða Dröfn, Margrét Alice og Albert standa fyrir heilsuhelgi á
Sólheimum. MYND/ÁRNI SÆBERG
ÁSGEIR
TRAUSTI
RAGNAR
AXELSSON -
RAX
SIGRÍÐUR
THORLACIUS,
HJALTALÍN
UNNSTEINN
MANUEL
STEFÁNSSON,
RETRÓ STEFSON
Kl. 14.00-16.00
ÞINGHOLT
Vöfflukaffið í Þingholtunum hefur
fest sig í sessi í dagskrá menningar-
nætur og núna er það haldið í sjötta
sinn. Íbúar Þingholtanna bjóða
gestum og gangandi á heimili sín eða
garða þar sem vöfflur og kaffi verða
á boðstólum. Þrettán heimili taka
þátt í ár.
Kl. 16.00
SKÓLAVÖRÐUSTÍGUR
Verslunareigendur á Skólavörðustíg
halda tískusýningu á neðri hluta
götunnar, göngugötunni. Fögur fljóð
frá Elite feta stíginn og sýna íslenska
fata-, skart- og fylgihlutahönnun, sem
og vandaðar innfluttar vörur.
Kl. 16.30-16.50
HARPA, KALDALÓN
Stutt heimildarmynd sýnd um ljós-
myndarann Ragnar Axelsson, RAX.
Fjallaland er fyrsta verk Ragnars
Axelssonar sem eingöngu fjallar
um Ísland. Niðurstaðan er þetta
ljósmyndaverk sem sýnt verður í
Kaldalónssalnum.
Kl. 17.00
HARPA
Skáldleg sigling um Sundin með
systkinunum Sigrúnu og Þórarni
Eldjárn. Sigrún les úr óútkominni
sögu sinni sem hefst ein-
mitt á æsilegri siglingu og Þórarinn
fer með sín ástsælu ljóð. Siglt verður
frá smábátahöfninni við Hörpu kl. 15
annars vegar og 17 hins vegar.
Kl. 18.00-21.00
VITAGARÐURINN
Kextónleikar með Megasi og UXI,
sem er skipuð meðlimum úr Júpíters.
Einnig koma fram Retro Stefson
og Borko og má búast við mikilli
stemningu í garðinum sem er á horni
Vitastígs og Hverfisgötu.
Kl. 20.00-22.55
ARNARHÓLL
Kaleo, Ásgeir Trausti, Hjaltalín og
Sálin koma fram á Tónaflóði 2013,
hinum árlegu tónleikum Rásar 2.
Tónleikarnir standa yfir fram að
flugeldasýningu menningarnætur
en listrænn stjórnandi hennar er
danshöfundurinn Sigríður Soffía
Karlsdóttir.
SIGRÚN
ELDJÁRN