Fréttablaðið - 22.03.2014, Blaðsíða 38

22. mars 2014 LAUGARDAGUR| HELGIN | 38
REYKJAVÍKURFLUGVÖLLUR
Þetta er spurning um forgangsröðun.
Ef flugvöllurinn fer þá kostar það. Ég hef
líka ríka samúð með landsbyggðarfólki.
Flugvöllurinn er mikilvægur fyrir það. En
afstaða Dögunar er að það verði haldin
íbúakosning um málið og þannig verði það
afgreitt.
HARPAN
Það þarf að gera Hörpuna sjálfbæra.
Ég hefði haldið að það væri hægt að setja
aðra starfsemi inn í Hörpuna, t.d. versl-
unarmiðstöð og nýta rýmið betur.
FYRSTA VERK SEM
BORGARSTJÓRI
Mitt fyrsta verk væri að klára þessa
vegferð með hverfalýðræði. Setja völdin
út í hverfin, út í þjónustumiðstöðvarnar og
auka íbúalýðræði.
STJÓRNMÁLAÞÁTTTAKA
MENNTUN OG
HELSTU STÖRF
Dúklagningameistari
frá Iðnskólanum í
Reykjavík.
Trillukarl í
Reykjavík.
Starfsmaður
í Vélsmiðj-
unni Héðni.
Starfsmaður
Samtaka
herstöðvar-
andstæðinga.
Starfsmaður í
iðnaðarplastverk-
smiðju í Norrköping
í Svíþjóð.
Starfmaður
SÁÁ.
Formaður Félags dúklagninga- og
veggfóðrarameistara.
Stjórn Meistarasam-
bands byggingamanna.
Varaborgarfulltrúi VG
2006.
Borgarfulltrúi VG
2007.
Varaborgarfulltrúi VG
2010 til 2014.
Viðtalið við Þorleif er
hægt að sjá í þættinum
Pólitíkin á visir.is
visir.is
„Ég var einn af stofnendum Vinstri
grænna. Ég fann mig hins vegar ekki
lengur í flokknum og hafði ekki liðið vel
þarna í nokkur misseri þó að þar sé mikið
af góðu fólki,“ segir Þorleifur sem hætti í
Vinstri grænum í byrjun árs. Hann segir
að það hafi verið erfið ákvörðun. „Auð-
vitað eru tilfinningar í þessu en stóra
málið er að þetta er ekkert persónulegt.
Ég hef reynt að halda því þannig að ég hef
ekki verið að ráðast á mínu gömlu félaga.
Ég á marga góða vini þarna sem ég hef
haldið góðu sambandi við. Ég hef viljað
halda þessu á málefnalegum nótum en
ekki persónulegum.“
Ögmundur Jónasson, þingmaður Vinstri
grænna og fyrrverandi ráðherra, lýsti í
vikunni yfir stuðningi við framboð Þor-
leifs og þau málefni sem hann stendur
fyrir. „Við Ögmundur höfum verið miklir
og góðir samstarfsmenn í gegnum tíðina.
Þegar ég kem inn í VG á sínum tíma þá
var það hann sem tók fyrst á móti mér.
Við höfum alla tíð starfað mjög vel saman.
Þannig að [stuðningsyfirlýsing Ögmundar]
kemur mér ekki á óvart en mér þykir ákaf-
lega vænt um þennan stuðning frá þessum
merka manni sem ég lít mikið upp til,“
segir Þorleifur.
Tekjutengdar gjaldskrár
Dögun hefur ekki áður boðið fram í borg-
arstjórnarkosningum og Þorleifur segir
að málefnavinnu sé ekki lokið. Hann segir
þó ljóst að flokkurinn muni leggja áherslu
á velferðarmál í komandi kosningum.
„Okkar áherslur eru mikið á sviði vel-
ferðarmála og gagnvart láglaunafólki í
Reykjavík. Við tölum um réttlátara samfé-
lag sem felst í því að allir eigi að hafa í sig
og á og þak yfir höfuðið. Öll börn eiga að
hafa rétt á því að þroskast á eðlilegan hátt
óháð efnahag foreldra. Við viljum að gjald-
skrár verði tekjutengdar þannig að fátæk-
asta fólkið geti líka látið börnin sín í leik-
skóla, í skólamáltíðir og frístundaheimili.
Að okkar mati er þetta grunnþjónusta sem
á að vera gjaldfrjáls. Ríkið þyrfti að koma
meira inn í þetta eins og gengur og gerist
í nágrannaríkjum okkar. En á meðan það
er ekki þá viljum við taka þetta skref og
tryggja að öll börn eigi rétt á sömu þjón-
ustu.“
Vill ópólitískan borgarstjóra
Þorleifur vill auka íbúalýðræði og setja
völdin út í hverfin. Hann segir óeðli-
legt að flokkar sem ná oddastöðu setji
fram kröfu um borgarstjórastólinn. „Ég
myndi aldrei fara fram á það að fá að vera
borgarstjóri ef ég myndi komast í odda-
stöðu. Það er bara ólýðræðislegt í mínum
huga. Ég held hins vegar að það væri
gáfulegt að hætta að tala um minnihluta
og meirihluta. Við eigum bara að ráða
framkvæmdastjóra í stól borgarstjóra.
Borgarfulltrúar eiga að nálgast málin á
málefnalegan hátt en ekki vera bundnir
af flokkum. Við eigum bara að taka hvert
og eitt mál og afgreiða það málefnalega,“
segir Þorleifur.
Vill setja velferðarmál í forgang
Þorleifur Gunnlaugsson, oddviti Dögunar í Reykjavík, telur nauðsynlegt að setja meiri pening í velferðarmál í borginni og
byggja upp fleiri félagslegar íbúðir. Hann vill ráða ópólitískan borgarstjóra og auka íbúalýðræði. Þorleifur segir að það hafi
verið erfið ákvörðun að hætta í Vinstri grænum á sínum tíma en hann var einn af stofnendum flokksins.
AUKA ÍBÚALÝÐRÆÐI
Þorleifur Gunnlaugsson vill
auka íbúalýðræð og setja
völdin út í hverfin. Hann vill
ráða framkvæmdastjóra í
borgarstjórastólinn.
FRÉTTABLAÐIÐ/VILHELM
Höskuldur Kári Schram
hoskuldur.schram@frettabladid.is