Fréttablaðið - 22.03.2014, Qupperneq 110

22. mars 2014 LAUGARDAGUR| LÍFIÐ | 74
UPPNÁM Á TÖKUSTAÐ
Tökur á auglýsingu fyrir kampa-
vínsrisann Dom Pérignon hafa
staðið yfir á Íslandi síðustu daga
og aðstoðar Sagafilm tökuliðið. Í
miðjum tökum fór tökuliðið út að
borða á Grillmarkaðinum og lenti
aðaltökumaðurinn frá Frakklandi í
því að bragða humar en hann er með
bráðaofnæmi fyrir honum.
„Hann var sendur með
sjúkrabíl og þurfti
að gista yfir nótt á
spítala,“ segir Árni Björn
Helgason, yfirmaður
erlendrar framleiðslu
hjá Sagafilm. Annars
hafa tökur gengið
vel og klárast um
helgina. - lkg
Við erum á sex stöðum á höfuðborgarsvæðinu
www.lodur.is - Sími 544 4540
Viltu vinna miða á
Justin Timberlake?
Opið allar helgar á Fiskislóð 29
8:00-19:00 virka daga og 10:00-18:00 um helgar
Löður dregur út tvo miða fyrir einn heppinn föstudaginn 4 apríl!
Farðu á Facebook-síðu Löðurs og taktu þátt.
Þú gætir verið að fara á Justin Timberlake í ágúst.
„Þetta er í fyrsta skiptið sem
ég skrifa eitthvað af viti og flyt
opinberlega,“ segir hin tvítuga
Vigdís Ósk Howser, sigurveg-
ari Ljóðlympíuleikana sem fóru
fram á Lofti Hosteli í vikunni.
Ljóðlympíuleikar eru ljóðaslamm
sem ungskáldahópurinn Fríyrkj-
an og Meðgönguljóð standa fyrir.
„Þetta kom skemmtilega á
óvart,“ segir Vigdís, en tíu aðrir
keppendur létu ljós sitt skína. „Ég
bjóst ekki við neinu eftir að hafa
heyrt öll hin ljóðin, allir hinir
stóðu sig svo vel,“ segir Vigdís
hógvær.
Í dómnefnd sátu þau Hallgrím-
ur Helgason, Sigurbjörg Þrastar-
dóttir, Bergrún Anna Hallsteins-
dóttir og Stefán Ingvar Vigfússon.
Eftir ljóðaslammið voru það
hinar sívinsælu Reykjavíkur-
dætur sem tróðu upp en Vigdís er
nýliði í rappsveitinni.
„Ég kem fram ásamt stelpun-
um í Reykjavíkurdætrum 4. apríl
á Harlem, þær eru algjör snilld,“
segir Vigdís, sem lýsir því síðan
hvernig tónlistarkonurnar veittu
henni innblástur til þess að byrja
að skrifa og rappa sjálf.
„Ég var bara dolfallin um leið
og ég sá þær fyrst,“ segir Vigdís
sem gaf sig á tal við stelpurnar
eftir fyrstu tónleikana sem hún
sá. „Ég spurði hvort ég mætti ekki
prófa að rappa með þeim og þær
tóku bara vel í það.“
Vigdís segir mikla grósku vera í
ljóðamenningu Reykjavíkur og að
fólk sækist sífellt meira í að tjá sig
með þessum hætti.
„Þetta er alls staðar – fullt af
fólki sem ég bjóst einhvern veginn
aldrei við að semdi ljóð er að því
núna,“ segir Vigdís. „Það er mjög
spennandi að sjá þessa senu þró-
ast, það eru allir með sinn eigin
stíl.“
Sjálf vinnur Vigdís við harð-
fiskvinnslu í Hafnarfirðinum.
„Ég mæti klukkan sjö á morgn-
ana, þannig að það var ekki beint
möguleiki á að fagna fram á nótt
eftir Ljóðaslammið,“ segir Vig-
dís og hlær. „En ég klára vinnu-
daginn klukkan þrjú og þá hef ég
nógan tíma til að skrifa og æfa
flæðið.“
baldvin@365.is
Ljóðaslammari
í harðfi skverkun
Hin tvítuga Hafnarfj arðarmær Vigdís Ósk Howser kom, sá og sigraði á
Ljóðlympíuleikunum. Hún vinnur í harðfi ski á daginn og rappar á kvöldin.
LJÓÐASLAMMAR Vigdís Ósk Howser fékk innblástur frá rappsveinni Reykjavíkurdætrum. FRÉTTABLAÐIÐ/DANÍEL
„Þetta er mikill og skemmtilegur
doðrantur. Fullkominn ferðafélagi,“
segir leikarinn og vísindamaðurinn
Ævar Þór Benediktsson. Ný bók
eftir hann, Umhverfis Ísland í 30
tilraunum, kemur út í maí. Margir
þekkja Ævar örugglega úr þáttun-
um Ævar vísindamaður á RÚV en
síðasti þátturinn fer í loftið í kvöld.
„Í bókinni er stoppað á þrjátíu
stöðum á Íslandi þar sem ég segi
frá skemmtilegum staðreynd-
um um staðinn, meðal annars
með vísan í þjóðsögur og Íslend-
ingasögurnar. Á hverjum stað er
framkvæmd tilraun sem tengist
staðnum en hægt er að gera allar
tilraunirnar heima líka. Það á samt
helst ekki að framkvæma þær
inni í bílnum. Ég mæli með því að
sleppa því,“ segir Ævar, sem gaf
út bókina Glósubók Ævars vísinda-
manns árið 2011 sem vakti mikla
lukku og er uppseld hjá útgefanda.
„Ég byggi bókina að stórum
hluta á eigin reynslu,“ segir Ævar.
Í sjónvarpsþætti sínum hvetur
hann ungmenni til að senda sér
póst og hefur ekki staðið á því.
„Ég reyni að svara öllum og því
gengur það hægt. Viðbrögðin frá
krökkunum hafa verið stórkost-
leg og ég gæti verið í fullri vinnu
við að svara spurningum þeirra.
Ég vanda mig mikið því ég vil
svara öllum vel og rétt. Krakk-
arnir spyrja mikið út í það hvern-
ig snjallsímar virka, út í líkamann,
heilann og hvað er innan í okkur.
Svo fékk ég til dæmis bón um dag-
inn sem hljóðaði einfaldlega svona:
Geturðu hjálpað mér að finna upp
tæki sem hjálpar mömmu að vera
minna þreytt,“ segir Ævar, sem er
því í miklu ábyrgðarhlutverki.
„Ég tek þetta hlutverk mjög
alvarlega. Ég hef einnig fengið
bréf frá foreldrum þar sem þau
segja mér að börnin noti svör-
in frá mér til að æfa sig að lesa.
Það er æðislegt og ýtir enn frekar
undir að ég vandi mig við þetta allt
saman.“
- lkg
Full vinna að svara
bréfum aðdáenda
Ævar vísindamaður gefur út nýja bók í maí með
tilraunum sem hægt er að framkvæma á ferðalagi.
Í bókinni er sérkafli
um tilraunir sem taka
lengri tíma og hægt er að
setja af stað áður en lagt er
í ferðalag. Þá sést árangur
þegar heim er komið. Þá
er einnig sérkafli sem
fjallar um hvernig á
að bregðast við í
öllum mögulegum
og ómögulegum
aðstæðum sem
geta komið upp á
ferðalagi.
PLAIN VANILLA FLYTUR
Snjallleikjafyrirtækið Plain Vanilla sem
framleiðir spurningaleikinn QuizUp
flytur á Laugaveg 77. „Við erum bara
búin að sprengja utan af okkur hús-
næðið og erum því að flytja í gamla
húsnæði Landsbankans,
VISA og Valitor á
Laugavegi. Við verð-
um á tveimur hæðum
á nýja staðnum, þetta
eru rétt rúmlega
1.000 fermetrar,“
segir Þor-
steinn Baldur
Friðriksson,
framkvæmda-
stjóri Plain
Vanilla. - fbj
SILJA MAGG SLÆR Í GEGN
Ljósmyndarinn Silja Magg myndaði
á dögunum fyrirsætuna Ana Castelo
fyrir marsútgáfu tímaritsins Nylon.
Óhætt er að segja að vel hafi tekist til
en myndirnar eru tólf talsins og birtast
þær í svarthvítu og eru
sjáanlegar á heimasíðu
Silju, siljamagg.com.
Einnig myndaði Silja
nýlega fyrirsætuna
Juliu Restoin fyrir
spænska glans-
tímaritið Grazia.
Þær myndir
eru einnig
hægt að skoða
á heimasíðu
hennar. - bþ
„Ekkert. Sönn
saga. Svona eru
þær. Forðist plokk-
ara.“
GAME OF THRONES-
STJARNAN EMILIA
CLARKE UM HVERNIG
HÚN HUGSAR UM
AUGABRÚNIRNAR
SÍNAR.