Fréttablaðið - 22.03.2014, Blaðsíða 95

LAUGARDAGUR 22. mars 2014 | MENNING | 59
Evrópa hlær nefnist kvik-
myndahátíð sem hefst í Kamesi
aðalsafns Borgarbókasafns í
dag. Þar er fjallað, á gamansam-
an og á köflum grátbroslegan
hátt, um samskipti þjóðarbrota,
innflytjenda og innfæddra í
Evrópu.
Opnunarmynd hátíðarinnar er
austurríska myndin Geboren in
Absurdistan (Fædd í Absúrdist-
an) eftir Houchang Allahyari og
Tom-Dariusch Allahyari. Meðal
annarra mynda má nefna mynd-
ina Helsinki– Napoli All Night
Long (Helsinki – Napólí, úti alla
nóttina) eftir Mika Kaurismäki
og Shouf Shouf Habibi í leik-
stjórn Alberts Ter Heerdt.
Myndirnar eru sýndar dag-
lega klukkan 15 og þá með tali
á frummálum og enskum texta.
Einnig er hægt að panta annan
sýningartíma á einstökum
myndum og er þá hægt að velja
á milli ýmissa tungumála í tali
og textum. Aðgangseyrir er eng-
inn og allir velkomnir.
Evrópa hlær
OPNUNARMYNDIN Fædd í Absúrdist-
an (Geboren in Absurdistan) er fyrsta
myndin sem sýnd verður á hátíðinni.
Fókus, félag áhugaljósmynd-
ara, sýnir um þessar mundir
ljósmyndir í Borgarbókasafni,
Tryggvagötu 15. Sýningin ber
heitið Borgarljóð í fókus.
Félagsmenn í Fókus völdu sér
ljóð á Ljóðakorti Reykjavíkur
og eru ljóð og höfundur þess til-
greind við hlið ljósmyndar.
Fókus hefur frá stofnun
félagsins, árið 1999, haldið fjöl-
margar ljósmyndasýningar.
Náttúra, mannlíf og landslag
hafa verið aðalviðfangsefni sýn-
inga félagsins í gegnum tíðina.
Sýningin stendur til 30. mars.
Borgarljóð
í fókus
UPPGJÖR VIÐ FORTÍÐINA
„Ég spilaði með Sinfóníuhljómsveit unga
fólksins í gamla daga þegar ég var í námi
hérna heima,“ segir Geirþrúður Ása Guð-
jónsdóttir fiðluleikari, sem leikur einleik á
tónleikum sveitarinnar í Langholtskirkju í
dag. „Ég mun spila fiðlukonsert eftir Men-
delsohn en hljómsveitin spilar líka verk
eftir Jórunni Viðar og Dvorak,“ heldur
Geirþrúður áfram. „Hljómsveitarstjóri
Sinfóníunnar er Gunnsteinn Ólafsson og
hann er mjög duglegur að halda sambandi
við okkur nemendur sem erum í fram-
haldsnámi erlendis og bjóða okkur að leika
einleik með hljómsveitinni. Þetta er mjög
mikil væg reynsla fyrir okkur og er ég mjög
þakklát fyrir það tækifæri.“
Geirþrúður stundar framhaldsnám í
fiðluleik í Hartt-tónlistarháskólanum í
Connecticut og hyggst ljúka námi í vor. „Ég
er búin að vera í framhaldsnámi í Banda-
ríkjunum síðastliðin þrjú ár og hef haft nóg
að gera þar. Ég verð heima fram á mánudag
og fer þá beint út að undirbúa tónleikaferð
með tríóinu mínu. Við ætlum að halda tón-
leika í Scandinavia House í New York og
í sendiráði Íslands í Washington DC þann
10. og 14. apríl.“
Geirþrúður segist endilega hafa viljað
spila einhver íslensk verk á tónleikunum og
því haft samband við Atla Heimi Sveinsson.
„Ég hafði samband við Atla Heimi í nóvem-
ber síðastliðnum og fékk hann til að útsetja
ljúflingslögin fyrir tríóið mitt og hann tók
mjög vel í það. Auk þess spilum við verk
eftir Grieg, Sjostakovitsj og Brahms á tón-
leikunum.“
Hvað tekur við að námi loknu? Ætlarðu
að koma heim? „Já, ég hugsa það. Það er
svo gott að vera tónlistarmaður á Íslandi
því maður getur alltaf skapað sér einhver
verkefni.“
fridrikab@frettabladid.is
Undirbýr tónleika í New York og Washington
Geirþrúður Ása Guðjónsdóttir fi ðluleikari leikur einleik með Sinfóníuhljómsveit unga fólksins í dag.
GEIRÞRÚÐUR ÁSA „Ég verð heima fram á
mánu dag og fer þá beint út að undirbúa tón-
leikaferð með tríóinu mínu.“ FRÉTTABLAÐIÐ/ANDRI M ARINÓ
FRÆÐSLUFUNDUR UM FJÁRMÁL
FYRIR UNGT FÓLK 12–16 ÁRA
Jón Jónsson, tónlistarmaður og hagfræðingur,
verður með skemmtilegan fyrirlestur um fjármál.
Húsið verður opnað kl. 19.00 – pítsa og gos í boði.
Fundurinn byrjar stundvíslega kl. 19.30.
Nánari upplýsingar og skráning á arionbanki.is