Fréttablaðið - 22.03.2014, Side 78

22. mars 2014 LAUGARDAGUR| HELGIN | 42
1 Hvað halda margir um þig sem er alls ekki rétt? Að ég
heiti Gréta með é en ég heiti
sko Greta með e! Mjög stór og
algengur misskilningur.
2 Hvað kæmi fólki sem kynntist þér mest á óvart?
Kannski erfitt fyrir mig að
segja. En ég held að það komi
mörgum á óvart hvað ég er
mikið nörd.
3 Hvað kemur út á þér tárunum? Alveg ofsalega
margt, tárast yfir mjög fjöl-
breytilegu sjónvarpsefni. En
það sem kemur alltaf út hjá
mér tárum er laukur. Laukur
fær mig alltaf til að grenja.
4 Hvað gerir þig pirraða? Þegar ég er of sein eitt-
hvert. Þá kemur Grýlan fram.
5 Hvað er fyndnast í heimi? Prump klikkar ekki. Eitt-
hvað svo ofsalega fyndið við
það, sama hvað maður verður
gamall.
6 Er líf á öðrum hnöttum? Ég er eiginlega alveg viss
um það. Þó að það sé eitthvað
svo langt í burtu að við munum
aldrei komast í tæri við það.
7 Hvert er fallegasta hljóð sem þú hefur heyrt? Ætli
það sé ekki bara alltaf þegar
þjóðsöngurinn byrjaði þegar
ég spilaði landsleik.
8 Hvað gerirðu þegar allir aðrir eru sofnaðir? Þá er ég
yfirleitt að baka eða skreyta
köku eða hnoða í súrdeigs-
brauð. En þegar ég er ein
vöknuð og allir aðrir sofandi
þá borða ég yfirleitt bland í
poka.
9 Hvaða frægu persónu ertu skotin í? Chris Hemsworth
sem leikur Thor. Er sjúk í
hann.
10 Ef þú mættir taka eina bók, eina plötu og eina
bíómynd með þér eyðieyjuna,
hvað yrði fyrir valinu? Tæki
Lonely Planet-bók eyjunnar
sem ég heimsæki. Platan yrði
örugglega fyrsta SamSam-
platan, bara af því að hún er
ekki til og ég hlakka svo til
að heyra hvernig hún mun
hljóma. Get ekki beðið eftir að
hún verði hluti af heiminum.
Garden State yrði bíómyndin
af því að ég held ég gæti aldrei
fengið nóg af henni.
11 Hver er fyrsta minningin þín? Ein sú fyrsta var
þegar ég fékk eina af mínum
stórgóðu hugdettum þriggja
eða fjögurra ára. Ég ætlaði að
klæða mig upp sem Lína Lang-
sokkur (svona eins og ég gerði
flesta daga) og þurfti þ.a.l.
stóra sokka frá pabba. Þá var
auðvitað prílað upp í skáp sem
var himinhár (svona 190 cm
he, he) og man bara eftir því
þegar ég fann hann vagga, og
vagga þangað til við hrundum
niður saman, ég og skápurinn.
Nema hann endaði ofan á mér.
Þetta var fyrsta spítalaferðin
sem ég man eftir. Svo er líka
ein af þeim fyrstu sem ég
man af mér og Hófí sitjandi á
gólfinu að taka upp lög í kass-
ettutæki. Hófí kunni fullt af
lögum, en ég eiginlega engin
þannig að ég bjó þau bara til
á staðnum, um ruslatunnur og
inniskó og fleira.
12 Hvað verðurðu að gera eftir fimm ár? Alveg
örugglega eitthavð sem ég er
ekki enn búin að láta mér detta
í hug að sé hægt að gera. Von-
andi verð ég enn þá bara að ýta
mér út fyrir þægindahringinn
á alla mögulega vegu. Kannski
í öðru landi, kannski
með börn, kannski
að skrifa bók,
kannski búin að
eignast húsnæði,
kannski með stutt
hár. Hver veit.
13 Popp eða klassík? Popp
fyrir mig, þó að ég
kunni að meta klassík.
En svo finnst mér
popp algjör klassík, fer
stundum í bíó bara til að
fá mér popp (djók).
14 Hver var æskuhetjan þín? Lína Langsokkur,
reyndar trúði ég heillengi að
ég væri bara hún.
15 Er ást í tunglinu? Klár-lega! Ástin er alls staðar!
YFIRHEYRSLAN GRETA MJÖLL SAMÚELSDÓTTIR
Bakar þegar aðrir sofa
App vikunnar að þessu
sinni er smáforrit sem ber
nafnið Lögregluþjónninn.
Um er að ræða snjalltækja-
forrit lögreglunnar á höfuð-
borgarsvæðinu.
Virkni Tilgangur þess er
að miðla upplýsingum til
þeirra sem búa, starfa og
dvelja á höfuðborgarsvæð-
inu. Með lögregluþjóninum
er hægt að skoða efni sem
lögreglan á höfuðborgar-
svæðinu deilir á samfélags-
miðlum með auðveldum
og þægilegum hætti en þar
birtir lögreglan skilaboð og
upplýsingar sem eiga sér-
staklega erindi til almenn-
ings, auk þess að eiga þar í
samskiptum við almenning,
en til að mynda er hægt
að nota lögregluþjóninn til
að koma ábendingum eða
fyrirspurnum til lögreglu.
Möguleikar Með
lögregluþjóninum er
einnig mögulegt að
koma áríðandi upp-
lýsingum hratt til notenda
hans með svokölluðum
þrýsti-skilaboðum (push
notifications), en slíkt er
til dæmis hægt að nota
þegar leitað er að týndum
einstaklingum.
Ef þig vantar lögreglu-
aðstoð, hringdu í 112.
Lögreglan tekur ekki við
útkallsbeiðnum gengum
samfélagsmiðla.
Samvirkni Með lög-
regluþjóninn í símanum
er hægt að sjá, á einum
stað, alla þá þjónustu sem
lögreglan á höfuðborgar-
svæðinu býður upp á,
gegnum samfélagsmiðla.
Þar er hægt að skoða
upplýsingar, ljósmyndir og
allt hitt sem við birtum
reglulega. Hægt er að ná
í Lögregluþjóninn á App
Store eða Google Play,
fyrir snjalltæki sem nota
Android og iOS. Vert er að
taka fram að forritið veitir
lögreglu engan aðgang að
gögnum símans eða stað-
setningu hans.
5 TÓNLISTARMENN SEM VERT ER AÐ FYLGJAST MEÐ Á ÁRINU
JOHN NEWMAN SÁLARTÓNLIST FKA TWIGS „ALTERNATIVE“ POPP
OG R&B
LO-FANG RAFTÓNLIST HOLYCHILD POPP RICH HOMIE QUAN HIP HOP
Vefsíðan Into the Gloss er stofnuð
af fj ölmiðlakonunni Emily Weiss og
hefur á stuttum tíma náð að festa sig
í sessi sem ein áhrifamesta vefsíða
um snyrtivörur í dag. Síðunni er skipt
niður í fl okkana hár, neglur, húð,
förðunarvörur, heilsa, ilmvötn, augu
og varir. Þar eru ítarlegar umfj all-
anir um nýjustu straumana, merkin
og góðar ráðleggingar frá fagfólki.
Einnig er fræga fólkið tekið í spjall,
kíkt í snyrtibuddurnar ásamt nýjustu
fréttum úr snyrtivöruheiminum.
Áhugasamir hefðu gaman af að
fylgjast með Instagram-síðu Into the
Gloss sem er virk.
FYLGSTU
MEÐ …
snyrtivöruvefsíðunni
Intothegloss.com
➜ Söngkona og
knattspyrnukona
Söngkonan og fyrrverandi
landsliðskonan í knatt-
spyrnu Greta Mjöll Samú-
elsdóttir vann hug og
hjörtu þjóðarinnar þegar
hún flutti lagið Eftir eitt lag
í undankeppni Eurovision.
Hún skipar dúettinn Sam-
Sam ásamt systur sinni
Hólmfríði en þær stefna á
að gefa út sína fyrstu plötu
á þessu ári.
APP VIKUNNAR LÖGREGLUÞJÓNINN