Fréttablaðið - 29.03.2014, Blaðsíða 94

Súkkulaði-Baileys-kaka
með kókosívafi
Uppskriftin miðast við tvær hringlaga
tertur 20 cm á breidd og 6 cm á hæð.
Kókosbotnar
100 g eggjahvítur (um það bil 3)
100 g sykur, þeytt saman í hræri-
vél á mesta hraða í um5 mín.
50 g ristaður kókos
50 g möndlumjöl
20 g hveiti, öllu blandað rólega
saman við, skipt í tvö form og
smurt út í formin.
Bakað við 180°C í átta mínútur.
300 g niðursoðnar perur, saxað-
ar niður og skipt á botnana tvo.
Kaffi-Baileys súkkulaðimús
400 g 53% dökkt súkkulaði, brætt
120 g eggjarauður (um það bil 4)
60 g sykur, hrært létt saman
með pískara
einfaldur espressókaffi
25-40 ml Baileys (eftir smekk)
Næst er súkkulaðinu hrært rólega
saman við eggin. Til að súkkulaðið
stífni ekki er vökvanum bætt út í ró-
lega, um leið og súkkulaðinu.
1 l rjómi léttþeyttur, blandað við
súkku laði-kaffi-Baileys-blönduna í
þremur áföngum.
Svampbotnar
100 g sykur
2 egg þeytt
90 g hveiti
rétt framan á hnífsodd lyftiduft
Sykur og egg þeytt saman í hræri-
vél á mesta hraða þangað til bland-
an tekur að stífna. Þá er hveiti og lyfti-
dufti bætt saman við rólega.
Þegar efnin hafa blandast vel saman
er deigin smurt út á eina skúffuplötu
og bakað við 180°C í fjórar til fimm
mínútur í blástursofni, botnar kældir
og skornir út með örlítið minni hring,
um það bil 18 cm, til að botninn falli
inn í tertuna.
Aðferð til að raða saman
kökunni
Best er að baka fyrst kókosbotnana
í formunum tveimur. Þegar botninn
er bakaður og síðan kældur er hann
skorinn til eftir örlítið minni hring svo
að botnarnir hverfi inn í tertuna og
sjáist ekki utan frá. Svampbotninn
er síðan lagaður, best er að smyrja
deigið út á plötu til að botninn verði
ekki of þykkur og baka. Botnarnir fá
svo að kólna áður en þeir eru skorn-
ir út í rétta stærð (18 cm), aðeins minni
hring en tertumótið er.
Síðan er gott að skera niður perurn-
ar, gera músina og raða í tertumót-
ið í eftirfarandi röð: kókosbotn, perur,
kaffi-Baileys-súkkulaðimús fyllt út í
tertumótið, svampbotn, kaffi-Baileys-
súkkulaðimús, sléttað vel í hringlaga
tertumótið.
Gott er að frysta tertuna og afþíða
hana svo þannig að auðveldara verði
að losa mótið. Hún er síðan skreytt
að vild.
Brúðkaup LAUGARDAGUR 29. MARS 201416
Hin týpíska brúðarkaka er ekki til að sögn Ingibergs Sigurðssonar, bakara á Grand Hóteli Reykjavík.
„Brúðartertur eru eins misjafnar og þær
eru margar. Þær fara alveg eftir vilja fólks
og smekk og oft eru hugmyndir varðandi
kökuna fastmótaðar fyrirfram í hugum
brúðhjóna.“
Hann segir hindber og súkkulaði mögu-
lega vera vinsælustu samsetninguna en
alls kyns strauma og stefnur vera í gangi.
Ingibergur hefur ekki sjálfur gengið í
hjónaband þannig að hann hefur ekki
þurft að hugsa út í eigin draumaköku.
„Súkkulaði-Baileys-kakan með kókos-
ívafinu er afar góð kaka sem hefur þró-
ast í gegnum tíðina hér á Grand Hóteli og
hefur verið mjög vinsæl. Í hana er raðað
saman hráefnum sem við vitum að virka.
Kakan inniheldur tvo mismunandi botna,
kókos- og svampbotna, og súkkulaðimús,
sem passa vel saman. Í uppskriftinni eru
perur notaðar en þeim má skipta út fyrir
til dæmis hindber.“
Til þess að geta gert fallega brúðartertu
þarf að gefa sér góðan tíma og er nauð-
synlegt að æfa sig. „Það er auðvelt að læra
allt í sambandi við bakstur og skreyting-
ar af myndböndum á netinu. Einnig er
gott að fara á námskeið. Ég mæli þó með
því sem fagmaður að fólk leiti til okkar ef
það vill fá góða og fallega brúðartertu án
þess að hafa of mikið fyrir henni,“ segir
Ingibergur.
Brúðartertur eru oft íburðarmiklar og
vel skreyttar. „Oft heyri ég fólk segja að
kökur séu mjög fallegar en ekkert endilega
bragðgóðar. Fyrir mér gildir það að minna
er meira þegar brúðartertur eru skreyttar.
Stílhreinar tertur sem bragðast vel eru þær
bestu. Brúðartertur þurfa ekki endilega
að vera eitthvað íburðarmiklar, þær mega
líka vera heimilislegar.
Annars skiptir kannski mestu að fólk
eigi góða stund í veislunni og reyni svo að
hanga saman um ókomna tíð,“ segir Ingi-
bergur og hlær. - lbh
Útlit og bragð þarf að fara saman
Ingibergur Sigurðsson, bakari á Grand Hóteli Reykjavík, segir brúðartertur vera eins misjafnar og þær eru margar enda smekkur
brúðhjóna ólíkur. Útlit brúðartertu skiptir miklu máli en hún þarf þó fyrst og fremst að vera bragðgóð.
Ingibergur Sigurðsson, bakari á Grand
Hóteli Reykjavík, gefur hér uppskrift að
gómsætri og fallegri brúðartertu.
MYNDIR/STEFÁN
Það hefur lengi tíðkast hjá verðandi brúðhjónum hérlendis
að útbúa gjafalista fyrir brúðkaup sitt. Þeir auðvelda gestum
að velja gjafir við hæfi og eftir fjárráðum hvers og eins. Um
leið fá brúðhjónin að mestu leyti þær gjafir sem þau óskuðu
sér.
Þegar brúðargjafir
undanfarinna áratuga
eru skoðaðar sést
að margar þeirra
virðast ekkert á
leiðinni að falla úr
tísku. Þannig eru
falleg matarstell,
vandaður borð-
búnaður og falleg
glös sígildar gjafir í
brúðkaupum ár eftir
ár. Samhliða slíkum
gjöfum fylgja oft ýmis
stærri áhöld og skálar á
matarborðið.
Dýr eldhústæki standa
alltaf fyrir sínu og eru þar
hrærivélar og matvinnsluvélar oft ofarlega á
lista. Þetta eru yfirleitt mjög vandaðar vörur sem
endast jafnan í marga áratugi. Önnur vönduð raftæki, til
dæmis í eldhúsið eða í stofuna, eiga einnig við hér.
Listaverk af ýmsum stærðum og gerðum eru góðar gjafir sem endast yfir-
leitt alla ævi og minna brúðhjónin á stóra daginn. Þar má nefna falleg mál-
verk og margvíslega íslenska hönnun. Ýmis skandínavísk hönnun hefur líka
lengi verið mjög vinsæl sem brúðargjöf hérlendis.
Einnig má nefna til sögunnar gjafabréf sem brúðhjón nýta gjarnan í
stórar og dýrar gjafir eins og borðstofuhúsgögn eða sófasett.
Sígildar brúðargjafir
EyeSlices augnpúðar
Ferskari augu á 5 mínútum
Púðana má nota í 10 skipti
facebook.com/Eyeslices/IcelandUpplýsingar um sölustaði: