Fréttablaðið - 29.03.2014, Blaðsíða 125

LAUGARDAGUR 29. mars 2014 | LÍFIÐ | 65
KVIKMYNDIR ★★★★★
Noah
LEIKSTJÓRI: DARREN ARONOFSKY
AÐALHLUTVERK: RUSSELL CROWE,
EMMA WATSON, JENNIFER CONNELLY,
RAY WINSTONE OG ANTHONY HOPKINS
Nánast hvert einasta mannsbarn
þekkir biblíusöguna um Nóa sem
fékk boð frá Guði um að smíða örk
því syndaflóð væri í nánd. Átti Nói
að smala dýrum í örkina, tvennt
átti að vera af hverri tegund til að
viðhalda lífi á jörðinni.
Leikstjórinn Darren Aronofsky
hefur verið hugfanginn af sög-
unni um Nóa síðan hann var barn
og loksins er hugmynd hans komin
á hvíta tjaldið. Og þessi hugsjón
hans svíkur aldeilis ekki.
Þessi mynd er í einu orði sagt
stórfengleg. Stuttu eftir að hún
hófst gleymdi ég að um ævaforna
biblíusögu væri að ræða og varð
spennt að vita hvernig sagan færi
að lokum – þótt ég vissi það upp á
hár. Undir niðri kraumar svo afar
hárfínn áróður fyrir umhverfis-
vernd. Þar dansar Darren á lín-
unni og leysir það listavel. Aldrei
verður áróðurinn fráhrindandi
eða óbærilegur. Hann hins vegar,
tvinnaður saman við klassísk
þemu sögunnar, verður til þess að
myndin espar upp tilvistarangist
mína, eins og félagi minn orðaði
það svo meistaralega vel.
Og leikararnir! Maður minn!
Fyrir þessa mynd var ég síðasta
manneskjan til að hoppa á aðdá-
endalest Russells Crowe en sit
nú í lestarstjórasætinu og þyrst-
ir í meira. En myndin er aðeins
jafn góð og hennar slakasti leik-
ari og í þessu tilviki stígur eng-
inn í leikaraliðinu feilspor. Emma
Watson sannar sig hér sem miklu
meira en litla Hermione úr Harry
Potter-myndunum og Jennifer
Connelly býr yfir svo mikilli feg-
urð og yfirvegun í túlkun sinni að
ég táraðist í sífellu í bíósætinu.
Svo ekki sé minnst á tónskáldið
Clint Mansell sem Darren hefur
unnið með margoft. Hann setur
punktinn yfir i-ið með tónlist sem
er svo undurfögur að maður trúir
ekki að hún sé af þessum heimi.
NIÐURSTAÐA: Þessa mynd verða
allir að sjá. Það er bara þannig!
Lilja Katrín Gunnarsdóttir
Í einu orði sagt stórfengleg
LEIKSIGUR Noah er upphafið af
einhverju stærra og meira fyrir Russell
Crowe.
Skyndibitastaðurinn Burger
King hefur boðist til að sjá um
veitingar í brúðkaupi Kim Kar-
dashian og Kanye West eftir að
upp kom orðrómur um að Kanye
hefði keypt tíu sérleyfi fyrir unn-
ustu sína.
„Við vitum ekki um kaup herra
West og ungfrú Kardashian á
Burger King-veitingastöðum
en við getum séð um veitingar í
brúðkaupinu!“ segir í tilkynningu
frá keðjunni.
Kanye bað Kim í október á
síðasta ári og segir sagan að þau
ætli að gifta sig í Frakklandi í
sumar.
- lkg
Burger King í
brúðkaupinu
HVAÐ SEGIR KANYE? Verða borgarar í
brúðkaupinu? FRÉTTABLAÐIÐ/GETTY