Fréttablaðið - 29.03.2014, Síða 123

LAUGARDAGUR 29. mars 2014 | LÍFIÐ | 63
Ég hlustaði á viðtal við nýkosinn
formann Samtakanna ’78 sem tal-
aði um að enn væri töluvert langt í
land í baráttunni gegn fordómum
í garð tví- og samkynhneigðra. Þá
las ég um íslenska rannsókn sem
skoðar vanlíðan samkynhneigðra
ungmenna í 10. bekk. Samkyn-
hneigðir unglingar eru 25 sinn-
um líklegri til að hafa endurtekið
reynt sjálfsvíg og eru 12 sinnum
líklegri til að vera með endur-
teknar hugsanir um sjálfsvíg, í
samanburði við gagnkynhneigða
jafnaldra sína. Þá hafa á milli 25%
til 33% samkynhneigðra unglinga
reynt sjálfsvíg. Þetta er sláandi
tölfræði og við hljótum að segja
stopp, hingað og ekki lengra.
Það kemur reglulega fyrir
að spurningar um kynlíf sam-
kynhneigðra berast til mín í
fræðslunni í grunnskólum. Krakk-
arnir velta fyrir sér tæknilegum
útfærslum, hvort alltaf þurfi að
örva rassinn og hvort viðkomandi
geti raunverulegu fengið fullnæg-
ingu ef bara tvær stelpur stunda
það. Að blanda kynhegðun og kyn-
lífstækni inn í umræðuna um kyn-
hneigð er eitt af því sem elur á alls
kyns fordómum og mýtum í garð
tví- og samkynhneigðra. Þegar ég
segi krökkunum að ekki stundi
allir hommar endaþarmsmök
verða þau eitt spurningarmerki.
Þau fara alveg í kross þegar ég
segi þeim að næmustu staðir pík-
unnar séu utan á henni og því geti
samfarir við lesbíu verið einkar
ánægjulegar því þá séu þessir
staðir örvaðir. Það er orðið algeng-
ara að gagnkynhneigðir drengir
geri kröfu um að fá að taka stúlku í
rass en ég bendi þeim á að allt kyn-
líf byrji á þér sjálfum. Ef þeir séu
svona spenntir fyrir endaþarms-
örvun þá er nú lítið mál að byrja
á sínum eigin rassi. Þeir súpa
hveljur en stelpurnar standa upp
og klappa.
Það þarf að minna á að kyn-
hneigð og kynhegðun er langt í
frá það sama. Ég reyni alltaf að
benda krökkum á að fá fræðslu
frá Samtökunum ’78. Það nefni-
lega brýtur hjarta mitt í þúsund
mola þegar upp að mér læðist
ungur strákur og greinir frá ein-
elti vegna kynhneigðar og kyn-
hegðunar. Í fyrsta lagi kemur
öðru fólki kynlíf annarra ekki
við og í annan stað virðumst við
skilja að það megi ekki leggja
aðra í einelti, en gleymist það
þegar kemur að kynhneigð?
Við þurfum að hætta að líta á
aðra kynhneigð en gagnkynhneigð
sem eitthvað sem sé öðru vísi eða
jafnvel að. Fordómalaus umræða
og fræðsla þarf að hefjast miklu
fyrr. Að gera ráð fyrir gagnkyn-
hneigð getur verið skaðlegt og sú
umræða hefst snemma. Nú vil ég
spyrja þig, þegar þú sækir son
þinn í leikskólann og sérð hann
leiða besta vin sinn, myndir þú
spyrja hvort þeir væru hommar?
Vanlíðan samkynhneigðra ungmenna
KYNLÍF TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
Krakkar hafa einstaklega gaman af
því að fylgjast með því þegar vatns-
litir eru búnir til frá grunni heima
fyrir í nokkrum einföldum skrefum.
1 Hellið einum bolla af matarsóda í skál.
2 Hellið ¾ bollum af ediki mjög rólega saman við. Ekki
blanda öllu saman við í einu því
blandan byrjar að freyða og gæti
farið út um allt.
3 Blandið þessu vel saman þegar edikið er hætt að
freyða.
4 Bætið tveimur matskeiðum af sírópi saman við.
5 Blandið síðan einum bolla af maíssterkju saman við
þangað til allt er orðið vel
blandað saman.
6 Hellið blöndunni síðan í ís-molaform en passið að fylla
hvert hólf ekki alveg.
7 Setjið örlítið af matarlit á hnífsodd og blandið vel
saman við.
8 Geymið bakkann á góðum stað og leyfið litunum að
þorna yfir nótt.
*fengið af allparenting.com
Nánari upplýsingar um verkefnið er
að finna á Lífið á visir.is.
Lumar þú á einföldu og skemmtilegu
verkefni sem hægt er að framkvæma
sjálfur? Sendu það endilega á okkur á
netfangið liljakatrin@frettabladid.is.
FÖNDRAÐU
HEIMAGERÐIR
VATNSLITIR
OFUREINFALT Gaman er að fylgjast
með litunum verða til.