Fréttablaðið - 01.10.2014, Page 30
FÓLK|FERÐIR
FÓLK ER KYNNINGARBLAÐ
sem býður aug lýsendum að
kynna vörur og þjónustu í formi
viðtala og umfjallana ásamt hefðbundnum
auglýsingum. Blaðið fylgir Fréttablaðinu
daglega.
Útgefandi: 365 miðlar
Ábyrgðarmaður: Jón Laufdal
Hönnun: Silja Ástþórsdóttir
Sölumenn:
Bryndís Hauksdóttir,
bryndis@365.is, s. 512 5434
Kolbeinn Kolbeinsson,
kkolbeins@365.is, s. 512 5447
● HESTAR
Ein stærsta stóðrétt lands-
ins, Víðidalstungurétt, verður
haldin um helgina. Réttin er í
landi Litlu-Ásgeirsár.
Á föstudaginn verður stóði af
Víðidalstunguheiði smalað til
byggða en mögnuð sjón er að
sjá stóðið renna heim í sveit-
ina. Réttarstörf hefjast svo
klukkan 10 laugardaginn
4. október þegar stóðið
verður rekið er til réttar.
Búast má við því að hrossin
séu um 500 auk folalda, og
sumir vilja meina að hún sé
stærsta stóðrétt landsins,
ekki hvað fólksfjölda snertir
heldur fjölda hrossa. Þó hefur
fjölgað ár frá ári
gestum sem
vilja
taka
þátt í
þessari
hátíð
hrossa-
bænda,
bæði í
smölun-
inni og
réttunum.
STÓÐRÉTTIR
Í VÍÐIDALS-
TUNGU
The Lower East Side Tenement Museum í Orchard Street 97 í í New York heldur utan um sögu innflytjenda frá Evrópu
til borgarinnar á nítjándu öld. Safnið er rekið
í íbúðablokk sem hýsti hátt í sjö þúsund inn-
flytjendur frá því húsið var byggt árið 1863
og þar til því var lokað í kringum árið 1935.
Safnið er afar forvitnilegt fyrir þær sakir
að íbúðirnar í húsinu stóðu mannlausar og
gleymdar í yfir fimm áratugi eða þar til sagn-
fræðingurinn Ruth Abram uppgötvaði húsið
árið 1988 og opnaði safnið 1992.
Á safninu er hægt undir leiðsögn að skoða
íbúðirnar sem voru fyrsta heimili margra
írskra og þýskra innflytjenda. Nokkrar þeirra
hafa verið endurgerðar og gefa mynd af lífi
þeirra sem þar bjuggu meðan aðrar standa
óbreyttar svo sjá má mörg lög af veggfóðri
og gólfefnum. Búið er að rekja sögu nokkurra
fjölskyldna sem bjuggu í húsinu og er saga
þeirra sögð af leiðsögumönnum svo gestir
geti sett sig inn í daglegt líf.
Tuttugu íbúðir eru í húsinu og saman-
standa af stofu, litlu eldhúsi og svefnher-
bergi. Vatn var sótt í dælu í bakgarðinum og
þar voru einnig þrír kamrar sem allir íbúar
hússins, og gestir krárinnar á jarðhæðinni,
notuðu. Salerni voru ekki í húsinu fyrr en árið
1901, rafmagn var ekki í húsinu fyrr en 1924
og voru híbýlin hituð upp með kolavélum
framan af.
Þó að þröngt hafi verið um íbúana á
Orchard Street 97 bjuggu þeir þó við betri
skilyrði en margir innflytjendur sem hírðust í
óeinangruðum hjöllum.
Nánar á www.tenement.org
ÍBÚÐIR STÓÐU GLEYMDAR Í 50 ÁR
FERÐIR New York-borg er gjarnan lýst sem iðandi mannlífspotti enda streymdu þangað milljónir innflytjenda frá öllum heimshorn-
um á nítjándu öld. Sögu þeirra er haldið til haga í forvitnilegu safni í Lower East Side.
TÍMINN STÓÐ KYRR Lögum um brunavarnir var breytt í
borginni í kringum 1930. Eigandi gat ekki uppfyllt þær kröfur og
lokaði því efri hæðum hússins. Sagnfræðingurinn Ruth Abram
uppgötvaði íbúðirnar árið 1988 og opnaði safnið.
MYND/ NORDIC PHOTOS GETTY
REISULEGT HÚS Tutt-
ugu íbúðir eru í húsinu
og samanstanda af stofu,
eldhúsi og svefnherbergi.
Íbúarnir bjuggu þröngt en
þó við betri kost en margir
aðrir sem leituðu betra lífs í
New York.
MYND/ THE LOWER EAST SIDE
TENEMENT MUSEUM
DAGLEGT LÍF Nokkrar íbúðanna hafa verið gerðar upp og gefa
innsýn í daglegt líf innflytjenda á nítjándu öld.
MYND/THE LOWER EAST SIDE TENEMENT MUSEUM.
SAGAN Sjá má mörg lög
gólfefna í íbúðunum sem
stóðu gleymdar í fimmtíu
ár. MYND/ NORDIC PHOTOS GETTY
STOFNAÐ 1956
Bæjarlind 8-10
201 Kópavogur
s: 510 7300
www.ag.is