Skessuhorn - 27.11.2013, Page 6

6 ÞRIÐJUDAGUR 26. NÓVEMBER 2013
Fjöldi
hálkuóhappa
LBD: Ellefu umferðaró-
höpp urðu í umdæmi lög-
reglunnar í Borgarfirði og
Dölum fyrir síðustu helgi,
fjórir árekstrar, þrjár útaf-
keyrslur og fjórar bílvelt-
ur. Fólk varð fyrir eymslum
eða minniháttar meiðslum í
2-3 þessara óhappa. Hálka
og lélegar aðstæður til akst-
urs komu nokkuð við sögu í
þessum málum að sögn lög-
reglu. Einn ökumaður var
tekinn úr umferð í vikunni
vegna gruns um akstur undir
áhrifum fíkniefna og reynd-
ist hann einnig sviptur öku-
réttindum.
–þá
Helga María á
heimleið
AKRANES: Ísfiskstogar-
inn Helga María AK er nú á
heimleið eftir umfangsmikl-
ar breytingar og endurbæt-
ur sem gerðar voru á skipinu
í Alkor skipasmíðastöðinni í
Gdansk í Póllandi. Er reikn-
að með því að heimsiglingin
taki rúma fimm sólarhringa
þannig að ef allt gengur
að óskum er von á Helgu
Maríu til hafnar í Reykjavík
um miðja þessa viku. Breyt-
ingarnar á Helgu Maríu eru
umfangsmiklar og þótt skip-
ið sé farið frá Póllandi mun
enn nokkur tími líða þar til
það kemst á veiðar, að því er
fram kemur á heimasíðu HB
Granda. Helgast það m.a.
af því að eftir á að setja nið-
ur nýtt vinnsludekk í skip-
ið. Það verk munu starfs-
menn 3X Stáls sjá um en að
auki koma fleiri fyrirtæki að
lokafráganginum á Helgu
Maríu. Sem kunnugt er tók
stjórn HB Granda ákvörðun
fyrr á þessu ári að láta breyta
Helgu Maríu úr frystitogara
í ísfiskstogara og var samið
við Alkor skipasmíðastöðin
um verkið. Var skipið komið
til Póllands um mánaðamót-
in júní og júlí.
–þá
Fáir spenna
beltin í aftur-
sætunum
LANDIÐ: Annar hver far-
þegi í aftursæti leigubíla
spennir ekki beltið sam-
kvæmt talningu sem bílstjór-
ar hjá Hreyfli/Bæjarleiðum
gerðu fyrir VÍS helgarnótt
eina á haustdögum. Þetta
kemur fram í nýjasta tölu-
blaði VÍS frétta. Af farþeg-
unum 435 spenntu aðeins
218 beltin. Samkvæmt síð-
ustu talningu VÍS á bílbelta-
notkun ökumanna á höfuð-
borgarsvæðinu voru 93,9%
spenntir. Þessar niðurstöður
sýna að víða er pottur brot-
inn í beltanotkun og til að
mynda leiða símakannanir
Samgöngustofu í ljós tölu-
verðan mun eftir því hvort
ekið er innan og utan bæj-
armarka. Um fjórðung-
ur bæði bílstjóra og farþega
hefur verið í bíl innanbæj-
ar án öryggisbeltis hálfu ári
eða skemur áður en könnun-
in var gerð, á móti um tíunda
hverjum utanbæjar. –þá
310 gr. lægri
meðalvigt
LANDIÐ: Nú liggja fyrir tölur
um lambaslátrun á landinu í slát-
urtíðinni í haust. Slátrað var alls
532.500 lömbum sem er um fjög-
ur þúsund fleiri en á sama tíma
2012. Meðalþunginn var hins-
vegar 310 grömmum lægri eða
15,99 kg saman borið við 16,30
kg. árið áður. Á vef Landssam-
taka sauðfjárbænda segir að þetta
þýði samdrátt í lambakjötsfram-
leiðslu um tæplega 100 tonn.
Þyngstu lömbin komu til slátr-
unar hjá Norðlenska á Húsa-
vík (16,55 kg) en þau léttustu hjá
Sláturfélagi Suðurlands (15,68
kg).
–mm
Yfirlýsing vegna
kjúklingakjöts
LANDIÐ: „Ekkert erlent kjúk-
lingakjöt hjá Ísfugli,“ er yfirskrift
tilkynningar sem fyrirtækið
sendi í lok síðustu viku. „Vegna
umræðu í fjölmiðlum síðustu
daga um sölu á erlendu kjúk-
lingakjöti hérlendis vill Ísfugl
árétta þá stefnu fyrirtækisins að
bjóða viðskiptavinum sínum ein-
göngu íslenskt alifuglakjöt. Þetta
á bæði við um unnar afurðir fyr-
irtækisins og óunnið kjöt af kjúk-
lingum og kalkúnum. Eigendur
Reykjabúsins, sem í áratugi hef-
ur ræktað alifugla fyrir íslensk-
an markað, eignuðust Ísfugl fyrir
um ári síðan. Nýir eigendur tóku
þá ákvörðun að hverfa algerlega
frá sölu á erlendu kjúklingakjöti.
Fyrirtækið náði þessu markmiði
sínu í sumarlok. Eigendur Ísfugls
hvetja stjórnvöld til þess að flýta
gildistöku nýrra reglna um upp-
runamerkingar á kjöti sem áætl-
að er að taka upp hérlendis í des-
ember á næsta ári. Merkingarn-
ar eru sjálfsögð og eðlileg þjón-
usta við neytendur sem eiga ský-
lausan rétt á að vita hvort kjöt-
ið sem þeim stendur til boða er
íslenskt eða erlent,“ segir í til-
kynningunni.
–mm
Á framhaldsaðalfundi Samtaka
sveitarfélaga á Vesturlandi sem
haldinn var á Hótel Hamri sl.
föstudag var fjallað um tillögur að
breyttu skipulagi og lögum. Í til-
lögum starfshóps 2, Pálshópsins
svokallaða, felast talsverðar breyt-
ingar ef allar verða þær teknar
til greina. Stærsta tillagan er um
fjölda einstaklinga í stjórn. Ekki
er vitað hvort samstaða verður um
hana enda allróttæk breyting. Til-
laga starfshópsins gerir ráð fyrir
að öll sveitarfélög komi að stjórn
SSV með einn fulltrúa. Í sam-
þykkt framhaldsaðalfundar felst að
skýrsla starfshóps um skipulag SSV
verði send sveitarfélögum til um-
fjöllunar og umsagnar. Ekki verði
gerðar breytingar á samþykktum
SSV varðandi stjórnarkjör fyrr en
niðurstaða umsagna liggur fyrir,
umfram það að halda aðalfund SSV
fyrr á árinu og málþing á haustin.
Stjórn getur á grundvelli umsagna
sem berast kallað saman starfshóp-
inn til frekari útfærslu á tillögum.
Í tillögum starfshóps er þess get-
ið að starfsemi Markaðsstofu Vest-
urlands og Menningarsamnings
Vesturlands séu í ákveðnu upp-
námi. Ekki liggi enn fyrir samning-
ur við ríkið um menningarsamning
en þó er vitað að gert sé ráð fyr-
ir fjármagni til menningarsamn-
inga. Á framhaldsaðalfundinum
var samþykkt að teknar verði upp
viðræður við meðeigendur í Mark-
aðsstofu Vesturlands ehf. með það
að markmiði að framfylgja fram-
komnum tillögum um að markaðs-
setning verði verkefni innan skrif-
stofu SSV. Komist aðilar að sam-
komulagi á grundvelli þeirra til-
lagna sem fyrir liggi muni það þýða
að eigendur hlutafélagsins verði að
setjast niður og finna vettvang til
að leysa skuldabyrði félagsins. Þá
var það álit framhaldsaðalfund-
arins að þar sem nú ríki óvissa af
hálfu ríkisins varðandi menningar-
samninga er lagt til að leitað verði
samninga við menningarfulltrúa
um 50% starf til aprílloka næsta
vor. Stjórn taki menningarsamning
Vesturlands til skoðunar þegar for-
sendur liggja fyrir og verði kannað-
ur áhugi sveitarfélaga á áframhald-
andi samstarfi um menningarmál.
þá
Tillögur frá framhaldsaðalfundi fái
frekari umfjöllun í sveitastjórnum
Bæjarstjórnarfundur unga fólksins
Bæjarstjórnarfundur unga fólksins
á Akranesi verður haldinn í bæj-
arþingsalnum Stillholti á morg-
un, miðvikudaginn 27. nóvem-
ber og hefst kl. 17. Unglingar úr
grunnskólunum á Akranesi, Þorp-
inu, Arnardal og Hvíta húsinu auk
Fjölbrautaskóla Vesturlands hafa
framsögu og taka þátt í umræðum.
Fundurinn er öllum opinn og eru
bæjarbúar hvattir til að mæta og
kynna sér bæjarmálin. Vakin er at-
hygli á því að hægt er að hlusta á
beina útsendingu frá fundinum á
vef Akraneskaupstaðar http://www.
akranes.is/bein-utsending/, auk
þess sem honum er útvarpað beint
á FM 95,0. þá
Ungt fólk að störfum á Akranesi. Ljósm. Friðþjófur Helgason.