Læknablaðið - 15.07.2000, Síða 56

UMRÆÐA & FRÉTTIR / SAMEINING SJÚKRAHÚSA
r
Það verður aldrei hægt að aðgreina
kennslu og klíník að fullu
Viðtal við Gísla
Einarsson fram-
kvæmdastjóra
kennslu og fræða
á Landspítala um
framtíðarsýn
háskólasjúkra-
hússins
Gamla Templarahöllin við
Eiríksgötu hefur heldur
betur tckið stakkaskiptum
og heitir nú Eiríksstaðir.
Par eru skrifstofur forstjóra
og framkvœmdastjóra á
efstu hœð.

Landspítalinn og Sjúkrahús Reykjavíkur hafa
verið sameinuð eins og allir vita undir heitinu Latid-
spítali háskólasjúkrahús. Síðari hluti þessa nafns
hefur vakið talsverðar umræður og svo virðist sem
ekki sé öllum ljóst hvað hugtakið háskólasjúkrahús
felur í sér. Er það sjúkrahús sem starfrækt er á vegum
háskóla eða sjúkrahús sem hefur innlimað hluta af
háskóla? Eða er það einfaldlega sjúkrahús þar sem
einhver kennsla háskólastúdenta fer fram? Eru þá
Sjúkrahús Suðurlands á Selfossi og Fjórðungs-
sjúkrahúsið á Akureyri líka háskólasjúkrahús?
Fyrir nokkru var lokið við að skipa í fimm stöður
framkvæmdastjóra við nýja sameinaða sjúkrahúsið.
Sá sem gegnir nú stöðu framkvæmdastjóra kennslu
og fræða er Gísli Einarsson fyrrverandi yfirlæknir
endurhæfingadeildar Landspítalans. Læknablaðið
bað hann að greina frá þeim hugmyndum sem menn
gera sér um samstarf sjúkrahússins og læknadeildar
Fláskóla íslands í framtíðinni og um skipulag kennslu
og rannsókna á sjúkrahúsinu. Hann tók því vel en tók
fram í upphafi að vitaskuld væri margt ómótað og
umræðan á byrjunarstigi um annað, en fyrsta spurn-
ingin var að sjálfsögðu: Hvað felst í hugtakinu há-
skólasjúkrahús og hvenær verður sjúkrahús háskóla-
sjúkrahús?
Orð eru til alls fyrst
„Landspítalinn hefur verið háskólasjúkrahús og
raunar Sjúkrahús Reykjavíkur einnig þótt ekki vildu
allir fallast á það. Báðir spítalar settu orðið háskóla-
sjúkrahús á bréfsefni sitt. Nú er búið að sameina þau
svo sá ágreiningur ætti að vera úr sögunni. En það
eina handfasta í þessu efni er viljayfirlýsing forstjóra
Landspítalans og háskólarektors undirrituð 15. febr-
úar síðastliðinn. Þar segir: „Vegna nýrra laga um Há-
skóla íslands og stjómskipulagsbreytingar sjúkrahús-
anna í Reykjavík hafa forstöðumenn þessara stofn-
ana ákveðið að gera formlegt samkomulag er lýsi
samstarfi stofnananna um kennslu og rannsóknir.“
Viðræður um þetta eru rétt að fara í gang.
Þaö er því ekki um það að ræða á þessu stigi máls-
ins að verið sé að sameina tvö fyrirtæki. I Arósum í
Danmörku stóðu menn frammi fyrir svipuðu verk-
efni. Þar voru tvö sjúkrahús sameinuð, háskólahlut-
verk þeirra endurskilgreint og sett yfir það níu
manna stjórn þar sem fjórir fulltrúanna komu úr há-
skólanum. Þar gengu menn sem sagt í eina sæng. Það
hefur ekki verið gert hér þótt svo kunni að verða
raunin í framtíðinni. Þá horfa menn til þess að koma
á náinni samvinnu milli sjúkrahússins og þess sem
nefna mætti heilbrigðisvísindahluta háskólans. Undir
526 Læknablaðið 2000/86
1