Læknablaðið - 15.07.2000, Síða 60

UMRÆÐA & FRÉTTIR / ÚTSKRIFT ÚR LÆKNADEILD
T
Móttaka nýkandídata
Nýútskrifaðir kandídatar í
móttöku hjá Lœknafélagi
íslands.
Heitorð lækna
Ég sem rita nafn mitt
hér undir, lofa því og
legg við drengskap
minn
að beita kunnáttu
minni með fullri
alúð og samvizku-
semi,
að láta mér ávallt
annt um sjúklinga
mína án mann-
greinarálits,
að gera mér far um
að auka kunnáttu
mína í læknafræð-
um,
að kynna mér og
halda vandlega öll
lög og fyrirmæli er
lúta að störfum
lækna.
Hér að neðan undirritar
Kristín Pálsdóttir Heitorð
lœkna.
Laugardaginn 24. júní útskrifaðist 31 kandídat
úr læknadeild Háskóla Islands. Daginn áður, föstu-
daginn 23. júní, bauð stjórn Læknafélags Islands
kandídötum og mökum þeirra til móttöku í húsnæði
félagsins að Hlíðasmára 8. Til móttökunnar var einn-
ig boðið stjórn Læknafélags Reykjavíkur, fulltrúum
læknadeildar, Hollvinasamtaka Háskóla Islands,
landlæknisembættisins og heilbrigðisráðuneytisins.
Sú hefð hefur skapast að í þessari árlegu mót-
töku stjórnar LÍ undirriti kandídatar Heitorð
lœkrta og var svo einnig nú.
Jón Snædal varaformaður Læknafélags Islands
bauð gesti velkomna. Jón lýsti í örstuttu máli upp-
byggingu læknasamtakanna sem væntanlega verða
félagslegur vettvangur allflestra nýkandídata.
Hann lagði sérstaka áherslu á að Læknafélag Is-
lands ætti að vera hvort tveggja í senn, fagleg og
félagsleg eining allra lækna á Islandi.
Jóhann Ágúst Sgurðsson forseti læknadeildar
ávarpaði því næst kandídata. Hann kynnti þeim
Heitorð lækna sem allir læknar útskrifaðir úr
læknadeild HÍ hafa ritað undir frá árinu 1932, en
útskrifarhópurinn nú er sá síðasti sem ber titilinn
cand. med. et chir. Jóhann fjallaði um hverfulleika
þekkingarinnar og nauðsyn þess að leita sífellt
nýrrar og aukinnar þekkingar. Sem veganesti til
framtíðar lagði forseti læknadeildar áherslu á
læknar hefðu stöðugt að leiðarljósi virðingu fyrir
sjúklingum sínurn.
Hollvinafélag læknadeildar er eitt aðildarfélaga
Hollvinasamtaka Háskóla íslands. Hollvinafélagið
hefur nokkur undanfarin ár veitt viðurkenningu
þeim kandídat sem bestum árangri hefur náð á
lokaprófi í læknadeild. Örn Bjarnason formaður
Hollvinafélagsins afhenti Hilmu Hólm vegalega
bókargjöf fyrir frábæran árangur. I orðum sínum
hvatti Örn nýkandídata til þess að velja sér sér-
grein og starfsvettvang fyrst og fremst eftir eigin
löngun, því læknir sem ekki væri ánægður í starfi
gæti aldrei orðið góður læknir.
-bþ-
530 Læknablaðið 2000/86