Skessuhorn - 27.05.2014, Side 24

24 ÞRIÐJUDAGUR 27. MAÍ 2014
Einstaka hrafn gerir sig heima-
kominn að vorinu og gerir sína
laupa í grennd við byggð og jafn-
vel á afviknum stöðum inni í þétt-
býlinu. Þegar starfsmenn Smell-
inn á Akranesi voru í þann mund
að fara í páskafrí upp úr miðjum
apríl urðu þeir varir við hrafn þar
á sveimi. Þegar þeir komu úr frí-
inu veittu þeir athygli laup sem
hann hafði gert af myndaskap und-
ir þakskyggni geymsluhúss rétt við
steypustöðina. Hreiðrið er ofan á
festingu sem þar er fyrir ljóskastara
í um fjögurra metra hæð. Laupnum
var þar haganlega komið fyrir og
núna að undanförnu hefur hrafninn
legið á í hreiðri sínu. Starfsmenn
Smellinn sem blaðamaður hitti að
máli sögðu að það væri vinalegt að
hafa hrafninn þarna í nágrenninu
og hann finni greinilega fyrir ör-
yggi með varpstæði sitt. Þeir hefðu
ekki komið því í verk ennþá að gá
hversu mörg egg væri í hreiðrinu
en væntanlega myndi það koma í
ljós von bráðar.
þá
Á dögunum kom út skýrslan „Íbúa-
könnun á Vesturlandi: Staða og
mikilvægi búsetuskilyrða.“ Stutt-
lega var sagt frá niðurstöðum
könnunarinnar í síðasta tölublaði,
en nú verður gluggað meira í hana.
Í könnuninni eru íbúar á Vestur-
landi beðnir um að taka afstöðu til
stöðu og mikilvægis helstu búsetu-
þátta hvers samfélags. Könnun sem
þessi hefur verið gerð þriðja hvert
ár og er þetta í fjórða skiptið sem
hún er framkvæmd. Vestlending-
ar eru almennt séð ánægðir með
búsetuskilyrði í sinni heimabyggð
og ánægðari en þeir voru sam-
kvæmt sambærilegri könnun sem
gerð var fyrir þremur árum. Mik-
il ánægja var með friðsæld, nálægð
við fjölbreytta náttúru, gott mann-
líf og greiða umferð. Sem fyrr eru
það helst þættir sem tengjast vinnu-
markaði og framfærslu sem virðast
vera mest aðkallandi úrlausnarefni
á öllum svæðum Vesturlands.
Höfundar skýrslunnar eru Víf-
ill Karlsson og Anna Steinsen,
starfsfólk hjá Samtökum sveitarfé-
laga á Vesturlandi. „Athygli vekur
að ýmsar aðgerðir sem ráðist hef-
ur verið í frá síðustu könnun árið
2010 mælast vel fyrir á öllum svæð-
um Vesturlands. Þar má nefna al-
menningssamgöngur í samstarfi við
Strætó, framhaldsskóla í Dölum í
samstarfi við Menntaskóla Borgar-
fjarðar og menningarlíf sem teng-
ist að einhverju leyti framkvæmd
Menningarsamnings á Vesturlandi.
Staðan á húsnæðismarkaði hefur
versnað mikið milli kannana, sér-
staklega framboð á leiguhúsnæði.
Þá vakti einnig athygli hvað krafan
um bættar nettengingar og farsíma-
samband virðist vaxa á milli kann-
ana þrátt fyrir umbætur á því sviði.
Því virðist uppbyggingin ekki halda
vel í við þróunina sem vissulega er
mjög hröð. Þá sést að sókn Vest-
lendinga í vinnu á öðrum svæðum,
t.d. á höfuðborgarsvæðinu, hefur
aukist frá síðustu könnun, en veru-
lega dró úr henni eftir bankahrun-
ið,“ segir m.a. í niðurstöðum könn-
unarinnar.
Misjafnar áherslur í
búsetuskilyrðum
Búsetuskilyrði sem Vestlending-
ar töldu að þyrftu að lagast voru
þættir er varða vinnumarkað, eins
og launatekjur, atvinnuúrval og
atvinnuöryggi ásamt þáttum sem
tengjast vörumarkaði, vöruverð,
vöruúrvali og framfærslu. Skipu-
lagsmál, vegakerfi, tækifæri til af-
þreyingar og gæði unglingastarfs
mættu einnig vera betri. Á Akranesi
og í Hvalfirði voru efstir á blaði
þættir er varða fjárhag og fram-
færslu almennings eins og laun, at-
vinnuúrval, atvinnuöryggi, fram-
færsla og vöruverð. Í Borgarfirði
voru launatekjur, atvinnuúrval, at-
vinnuöryggi, framfærslukostnað-
ur og vöruverð helstu þættir sem
þyrfti að bæta. Á Snæfellsnesi voru
það vöruverð, kostnaður við fram-
færslu og vöruúrval sem voru efst
á blaði. Í Dölum var vöruverð það
sem mest var aðkallandi að bæta
en næst á eftir komu þættir eins og
vöruúrval, launatekjur, atvinnuúr-
val og kostnaður við framfærslu.
Búsetuskilyrði sem Vestlendingum
þótti hafa batnað frá könnuninni
2010 eru almenningssamgöngur,
möguleikar á eigin atvinnurekstri,
tækifæri til afþreyingar og menn-
ingarlíf. Þá komu gæði og náms-
möguleikar á framhaldsskólastigi
vel út ásamt námsmöguleikum á
háskólastigi, úrvali atvinnu, þjón-
ustu við barnafólk, nálægð við fjöl-
breytta náttúru og gott mannlíf.
Búsetuskilyrði sem Vestlendingum
þótti hafa versnað frá könnuninni
2010 eru leiguíbúðir, vegakerfið,
fjarskiptamál og íbúðir til kaups.
Búseta og
brottflutningar
Þátttakendur töldu almennt séð
vera mjög gott eða frekar gott að
búa á Vesturlandi. Um 93% íbúa á
Akranesi og í Hvalfirði voru á þess-
ari skoðun, 92% í Borgarfirði, 90%
á Snæfellsnesi en lægst var hlutfall-
ið í Dölum en þar töldu 86% íbúa
mjög gott eða frekar gott að búa.
Hlutfall þeirra sem telja mjög gott
eða frekar gott að búa á Vesturlandi
hefur hækkað frá síðustu könnun
árið 2010 á öllum svæðum nema á
Snæfellsnesi.
Um 14% þátttakenda á Akranes-
og Hvalfjarðarsvæðinu telja það
mjög eða frekar líklegt að þeir flytji
á næstu tveimur árum frá Vestur-
landi. Á Snæfellsnesi er hlutfallið
18%, í Borgarfirði 21% og í Döl-
unum 25%. Þetta hlutfall er óbreytt
frá því í könnuninni 2010 á Akra-
nesi og í Borgarfirði, hefur auk-
ist lítillega á Snæfellsnesi úr 16%
í 18% en úr 14% í 25% í Dölum.
Höfundar skýrslunnar telja að mik-
ill fjöldi háskólanemenda í Borgar-
firði skýri frekar hátt hlutfall þeirra
sem áætla að flytja burtu, en athygli
vekur mikil aukning íbúa í Dölum
sem telja mjög eða frekar líklegt að
þeir flytji á næstu tveimur árum frá
Vesturlandi.
Menntun íbúa
og fjárhagur
Fjöldi íbúa með háskólamenntun
á Vesturlandi er frá 41-45%. Þetta
hlutfall er heldur hærra á suður-
svæðinu, 45% í Borgarfirði og
43% á Akranesi og í Hvalfirði, en á
norðursvæðinu er 42% íbúa á Snæ-
fellsnesi og 41% íbúa í Dölum með
háskólamenntun. Til samanburðar
má geta þess að samkvæmt tölum
Hagstofunnar er 31% vinnuafls-
ins með háskólamenntun á landinu
öllu árið 2012. Hlutfall þeirra sem
eingöngu eru með grunnskólapróf
hefur lækkað mikið á milli kannana.
Hlutfallið var tæp 37% árið 2007,
26% árið 2010 og er komið niður
í tæp 21% árið 2013. 77-86% íbúa
á Vesturlandi eru ekki í vanskilum.
Dalir skera sig nokkuð úr, þar sem
86% íbúa eru ekki í vanskilum en
á hinum svæðunum er hlutfallið
77-79%. Tæplega 7% íbúa Vest-
urlands hafa leitað eftir fjárhags-
aðstoð síðastliðin tvö ár. Hæst var
hlutfallið á Akranesi og í Hvalfirði
9% og í Borgarfirði var það 8%. Á
Snæfellsnesi var þetta hlutfall 6%
og í Dölum 4%. þá
Laupurinn ofan á festingu fyrir ljóskastara undir þakskyggninu.
Hrafninn verpti við
steypustöðina
Vestlendingar ánægðari með búsetuskilyrði
nú en fyrir þremur árum
Mál varðandi vinnumarkað vógu þungt í mati á búsetuskilyrðum í könnuninni.
Frá kröfugöngu á 1. maí á Akranesi. Ljósm. mm.
Sjórinn færir mörgum björg í bú á Snæfellsnesi, en hlutfall þeirra sem telja mjög
gott eða frekar gott að búa á Vesturlandi hefur hækkað frá síðustu könnun árið
2010 á öllum svæðum nema á Snæfellsnesi. Ljósm. fh.
Kirkjubraut 11 - Akranesi - Sími 431 4343
Nú færðu ísinn frá Valdís
með öllum okkar eftirréttum