Skessuhorn - 27.05.2014, Side 48

48 ÞRIÐJUDAGUR 27. MAÍ 2014
„Ég hef aldrei kynnst þessu eins og
þetta hefur verið hjá okkur í vetur.
Þetta er búið að vera þannig og er
enn, að við leggjum netin á nótt-
unni og byrjum svo að draga þeg-
ar þau hafa legið í tvo til fjóra tíma.
Það þýðir ekkert að láta þau liggja
í sólarhring því þá veiðist hrein-
lega allt of mikið. Fiskgengdin er
svo ofboðsleg. Við veiðum bara
fyrir vinnsluna í Stykkishólmi og
skömmtum okkur því aflann. Í vet-
ur höfum við veitt tvo til fjóra daga
í viku, tekið vikuskammtinn upp
á hundrað tonn, og svo bara far-
ið í helgarfrí.“ Þetta segir Margeir
Jóhannesson skipstjóri á línu- og
netabátnum Þórsnesi SH 109 sem
gert er út frá Stykkishólmi.
Margeir hefur áratuga reynslu
sem skipstjóri. Hann tók við stjórn
á sínum fyrsta bát árið 1986. „Áður
en ég tók við skipstjórn hjá þess-
ari útgerð haustið 2010 þá var ég
með dragnótarbáta á Suðurnesj-
um. Það var reyndar eldra Þórsnes
sem ég byrjaði á en það var selt og
nýtt Þórsnes sem nú er keypt fyrir
um tveimur árum. Þá var sett beitn-
ingavél í skipið. Við notum hana á
línuveiðum á haustin fram til ára-
móta. Síðan byrjum við á netaveið-
um strax á nýju ári. Þær stundum
við fram á vorið eða sumarið. Nú í
ár ætlum við til að mynda að hætta
í lok maí. Þá verður bátnum lagt
í þrjá mánuði og við fáum þann-
ig gott sumarfrí. Það verður svo
ekkert farið af stað aftur fyrr en á
nýju kvótaári í september.“ Að sögn
Margeirs eru ágætis aflaheimildir á
bátnum. Allur þorskur sem veiðist
fer til saltfiskvinnslu í Stykkishólmi
en aukaaflinn eða það sem ekki er
unnið í salt er selt á markaði.“
Illa gekk á ufsanetum
Þeir á Þórsnesi SH hafa verið mest
í Breiðafirðinum á netunum nú eft-
ir áramót utan þess að þeir fórum
aðeins suður fyrir að reyna við ufsa.
„Við höfum verið svolítið á ufsa-
netum á veturna en nú gekk illa.
Það var svo mikill þorskur með ufs-
anum að við ákváðum bara að fara
beint í Breiðafjörðinn aftur til að
veiða eingöngu þorsk eða svo gott
sem,“ segir Margeir. „Fiskurinn er
vel haldinn og virðist hafa nóg æti
í Breiðafirði. Það er mjög þægi-
legt að sækja þetta svona þegar afl-
inn er svona góður og til þess að
gera stutt að róa frá Stykkishólmi.“
Þórsnes fer eingöngu í dagróðra
sem þýðir að báturinn kemur allt-
af inn síðdegis eða á kvöldin þeg-
ar róið er. „Við tókum þátt í net-
rallinu svokallaða með Hafrann-
sóknastofnun nú í apríl og vorum í
Faxaflóa. Það virtist vera fiskur víða
en sum staðar þó ekki. Þorskurinn
virtist að stórum hluta vera kominn
upp á grunnið þar og stóð mjög ná-
lægt landi. Það var til dæmis mik-
ið af þorski í grennd við Straums-
vík og Hafnarfjörð,“ segir Margeir
Jóhannesson skipstjóri á Þórsnesi
SH.
mþh
Ágæt rækjuveiði hefur verið í
Breiðafirði og við Snæfellsnes nú í
vor og það sem af er sumri. „Það er
mjög góð veiði. Það sem af er maí
er búið að landa ríflega 600 tonn-
um af rækju í Grundarfjarðarhöfn.
Hún er unnin hér og á Ísafirði,
Sauðárkróki og á Siglufirði. Ég
held að yfir 20 bátar séu á þessum
veiðum núna. Þar af eru nokkrir af
Vesturlandi, héðan úr Grundarfirði
og Rifi,“ segir Hafsteinn Garðars-
son hafnarvörður í Grundarfirði.
Nota Grundarfjörð
sem bækistöð
Einn þeirra báta sem landa í Grund-
arfirði og sækja þjónustu þangað
er togskipið Siglunes SI 70. „Við
fengum 11 tonn af rækju á þrem-
ur sólarhringum. Við vorum ein-
ar sex sjómílur frá Rifi. Síðan end-
uðum við hérna inni í Breiðafirði,
úti af Grundarfirðinum. Við erum
stærsti báturinn sem má fara inn á
svokallað innra svæði hér í Breiða-
firði eftir rækju. Það var opnað nú
í maí. Þetta svæði markast í vestri
af línu sem er dregin úr Öndverða-
nesi og norður í Skor. Við meg-
um veiða inneftir Breiðafirðinum
innundir á móts við Krossnes hér
við Grundarfjörð. Annars er sami
kvótinn á rækjunni bæði í Breiða-
firði, Jökuldýpinu og Kolluálnum,“
sagði Pétur Bjarnason skipstjóri á
Siglunesi þar sem báturinn lá við
bryggju í Grundarfirði.
Betri veiði en í fyrra
Pétur segir að afli Siglunessins fari
til vinnslu hjá Ramma á Siglufirði
en það fyrirtæki leigir skipið til
veiðanna og gerir það út. „Við lönd-
um rækjunni sem við fáum hérna
vestanlands hér í Grundarfirði. Afl-
anum er svo ekið norður. Hér eru
fimm karlar um borð og við veiðum
eingöngu rækju. Mér finnst rækju-
veiðin bæði í Kolluálnum og hér
inni í Breiðafirði vera skárri heldur
en í fyrra. Ég hef alltaf komið hér á
vorin til að fara á rækju svo maður
hefur samanburðinn. Rækjuveiðin
er þó ekki orðin jafn góð og hún var
hér áður fyrr á árunum.“ Pétur seg-
ir að þeir á Siglunesi verði á rækju-
veiðunum á meðan kvóti sé fyr-
ir hendi. „Skipin veiða úr sameig-
inlegum kvótapotti og þegar hann
er uppurinn þá er veiðum hætt. Ég
hef ekki hugmynd um hver staðan
á þeim heimildum er núna og veiði
bara á meðan ég má veiða.“
mþh
Rækjan veiðist vel í Breiðafirðinum
Það lifnar yfir Grundarfjarðarhöfn þegar rækjuveiðarnar hefjast á vorin. Hér gera
rækjusjómenn við vörpu sína á bryggjunni nú í maí. Ljósm. sk.
Siglunes SI lætur úr höfn í Grundarfirði út á rækjumiðin í Breiðafirði. Báturinn
hét áður Danski Pétur VE um áratugaskeið og var smíðaður hjá Þorgeir & Ellert á
Akranesi árið 1971.
Siglfirðingurinn Pétur Bjarnason er
skipstjóri á Siglunesi SI 70.
Landað úr Þórsnesi í Stykkishólmi eftir enn einn moktúrinn í Breiðafirði nú í vor.
Mokveiði í netin hjá Þórsnesi SH í vetur
Margeir Jóhannesson skipstjóri á Þórsnesi SH. Ljósmyndir: Eyþór Benediktsson.
Þórsnes nýkomið úr róðri við bryggju í Stykkishólmi.